ယၤကိာ် 5:20 - Sgaw Karen Common Bible

²⁰ သ့ၣ်နီၣ်ထီၣ်တၢ်အံၤတက့ၢ်. ပှၤတဂၤဂ့ၤတဂၤဂ့ၤလၢအဃၣ်လိၤက့ၤပှၤတၢ်ဒဲးဘးဖိလၢ အပိာ်တ့ၢ်ကျဲလၢအကမၣ်တဂၤန့ၣ်, ကအုၣ်က့ၤခီၣ်က့ၤပှၤတဂၤအံၤအသးသမူလၢတၢ်သံ, ဒီးတၢ်ဒဲးဘးအါမံၤကဘၣ်တၢ်ပျၢ်ကွံာ်အီၤလၢတၢ်အံၤ အဃိလီၤ.

ယၤကိာ် 5:20 Iomraidhean Croise

စံးထီၣ်ပတြၢၤ 32:1

ပှၤလၢအတၢ်ဒဲးဘးဘၣ်တၢ်ပျၢ်ကွံာ်အီၤ ဒီးပှၤလၢအတၢ်ကမၣ်ဘၣ်တၢ်ကျၢၢ်ဘၢကွံာ်လံအီၤသ့ၣ် တဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 10:2

တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

တၢ်ကတိၤဒိ. 11:4

မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.

တၢ်ကတိၤဒိ. 17:9

နမ့ၢ်အဲၣ်ဒိးပှၤဘၣ်အသးလၢနၤဒီးဖဲအမၤကမၣ်နၤန့ၣ်ပျၢ် အတၢ်ကမၣ်တက့ၢ်. တၢ်သ့ၣ်နီၣ်ထီၣ်တၢ်ကမၣ်တဖၣ်န့ၣ်, မၤလီၤဖးတၢ်ဒီတံၤဒီသကိးသ့ဝဲလီၤ.

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

ရိမ့ၤ 11:14

ဘၣ်သ့ၣ်သ့ၣ်, ယမၤသးက့ၣ်ယပှၤကလုာ်ဒၣ်ယဲကသ့, ဒ်သိးလၢယဃိန့ၣ်ယွၤကအုၣ်က့ၤခီၣ်က့ၤအဝဲသ့ၣ်တနီၤနီၤ န့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 9:22

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

ဖံၤလ့မိၣ် 1:19

ယကွဲးတၢ်အံၤလၢယစုဒၣ်ယဲလီၤ. ယၤ, စီၤပီလူးကလိးက့ၤနၤလီၤ. (ဖဲလၢအဘၣ်ဃးဒီးနကမၢ်လၢအအိၣ်ဒီးယၤလၢအမ့ၢ်တၢ်လၢနကြၢးမၤဆၢက့ၤယၤန့ၣ်, ယတသးအိၣ်ယၢၤထီၣ်အီၤဘၣ်.)

ယၤကိာ် 1:15

အန့ၣ်ဝံၤဒီး, အတၢ်သူၣ်လီသးကွံအအၢအသီဒၢထီၣ်ဒီး ဆံးစၢ်ထီၣ်တၢ်ဒဲးဘး, ဒီးတၢ်ဒဲးဘးအံၤတုၤအဒိၣ်တုာ်ခိၣ်ပှဲၤ ဒီးဆံးစၢ်ထီၣ်ဝဲတၢ်သံန့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 5:15

တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.

ယၤကိာ် 5:19

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤလၢသုကျါမ့ၢ်ဟးသဒၣ်ကွံာ် တၢ်မ့ၢ်တၢ်တီဒီး, ပှၤအဂၤတဂၤမ့ၢ်ဃၣ်လိၤက့ၤအီၤဆူကျဲအံၤန့ၣ်,

၁ ပ့းတရူး 4:8

လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.