ယၤကိာ် 5:2 - Sgaw Karen Common Bible

² သုတၢ်ထူးတၢ်တီၤတဖၣ်အုၣ်သံကျၣ်သံကွံာ်လံ, ဒီးသုကူသုကၤတဖၣ်တၢ်အဃၢ်အီၣ်ကွံာ်အီၤလံ.

ယၤကိာ် 5:2 Iomraidhean Croise

လံာ်စီၤယိၤဘး 13:28

လၢခံကတၢၢ်န့ၣ်ဒီးယလီၤကလဲကွံာ်ဒ်သ့ၣ်လၢအကျၣ်ကွံာ်အသိး, ဒ်ဆ့ကၤလၢတၢ်အဃၣ်အီၣ်ကွံာ်အီၤအသိးန့ၣ်လီၤ.

စံးထီၣ်ပတြၢၤ 39:11

နသိၣ်ဃီၣ်ပှၤကညီအတၢ်ဒဲးဘးတဖၣ်လၢ နတၢ်သိၣ်က့ၤသီက့ၤ ဒီးတၢ်လၢအဝဲသ့ၣ်အဲၣ်ဝဲတဖၣ်န့ၣ်, နမၤဟးဂီၤကွံာ်ဒ် တၢ်အဃၢ်မၤဟးဂီၤတၢ်အသိးန့ၣ်လီၤ. ပှၤကိးဂၤဒဲးအတၢ်အိၣ်မူန့ၣ်, မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

လံာ်ယၡါယၤ 50:9

ယွၤ, ကစၢ်လၢပၢဘၣ်တၢ်ခဲလၢာ်အကစၢ်ဒၣ်ဝဲကဟုကယာ်ယၤလီၤ. အန့ၣ်ဒီးမတၤစံၣ်ညီၣ်ဃၣ်ယၤကဘူၣ်, ကသ့တဂၤလဲၣ်. ပှၤလၢအလိာ်ကွီၢ်ဒီးယၤခဲလၢာ်ကလီၤမၢ်ကွံာ်ဝဲလီၤ. အဝဲသ့ၣ်ကလီၤမၢ်ကွံာ်ဝဲဒ်တၢ်ကံးယာ်လၢတၢ်ဖိဃၣ်အီၣ်ကွံာ်အီၤ အသိးန့ၣ်လီၤ.

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.

လံာ်ဟိၤၡ့ 5:12

ယကဟဲစိာ်တၢ်မၤလီၤပှီၢ်ဆူကီၢ်အံၣ်စရ့လးအဖီခိၣ် ဒီးတၢ်ဟးဂီၤဆူကီၢ်ယူဒၤအပှၤဂီၢ်မုၢ်အဖီခိၣ်လီၤ.

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

ယၤကိာ် 2:2

ပှၤထူးပှၤတီၤလၢအသိးပသံးထူဒီးကူကၤတၢ်လၢအဂ့ၤ တဂၤမ့ၢ်ဟဲဘၣ်ဆူသုတၢ်အိၣ်ဖှိၣ်, ဒီးပှၤဖှီၣ်ဖိယာ်ဖိလၢအကူကၤတၢ်ယာ်ဖျ့တဂၤမ့ၢ်ဟဲစ့ၢ်ကီး ဝဲန့ၣ်,

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.