ယၤကိာ် 5:15 - Sgaw Karen Common Bible

¹⁵ တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.

ယၤကိာ် 5:15 Iomraidhean Croise

လံာ်ယၡါယၤ 33:24

ပှၤလၢအအိၣ်လၢပထံလီၢ်ကီၢ်ပူၤတကဒူးကဒ့ၣ်ကဒီးလၢ အဆူးအဆါနီတဂၤလၢၤဘၣ်, ဒီးတၢ်ဒဲးဘးခဲလၢာ်န့ၣ် ကဘၣ်တၢ်ပျၢ်ကွံာ်အီၤလီၤ.

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 6:39

ဒီးပှၤလၢအမၢလီၤယၤတဂၤဘၣ်အသးလၢယကမၤဒ်သိး ပှၤလၢအဝဲဟ့ၣ်လီၤယၤတဖၣ်အသုတလီၤမၢ်ကွံာ်နီတဂၤ တဂ့ၤ. ဒီးလၢယကဒုးဂဲၤဆၢထၢၣ်က့ၤအဝဲသ့ၣ်ခဲလၢာ်ဆူ တၢ်မူလၢမုၢ်နံၤခံကတၢၢ်န့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

၂ ကရံၣ်သူး 4:14

ပသ့ၣ်ညါပဝဲလၢကစၢ်ယွၤလၢအဒုးဂဲၤဆၢထၢၣ်သမူထီၣ်က့ၤ ကစၢ်ယ့ၣ်ၡူးန့ၣ်, ကဒုးဂဲၤဆၢထၢၣ်သမူထီၣ်က့ၤပှၤစ့ၢ်ကီးဒီး စိာ်ဃုာ်ပှၤတပူၤဃီဒီးသုဆူအဝဲဒၣ်အမဲာ်ညါန့ၣ်လီၤ.

ယၤကိာ် 1:6

ဘၣ်ဆၣ်တုၤသုဃ့ဘါထုကဖၣ်တၢ်ဒီး, သုကဘၣ်နာ်တၢ်ဒီးတဘၣ်သးဒ့ဒီနီတစဲးဘၣ်. ပှၤလၢ အသးဒ့ဒီတဂၤန့ၣ်, လီၤဂာ်ဒီးလပီလၢပီၣ်လဲၣ်ပူၤလၢကလံၤအူဘၣ်အီၤဒီး ဟူးဝးဝဲန့ၣ်လီၤ.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

ယၤကိာ် 5:20

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤဂ့ၤတဂၤဂ့ၤလၢအဃၣ်လိၤက့ၤပှၤတၢ်ဒဲးဘးဖိလၢ အပိာ်တ့ၢ်ကျဲလၢအကမၣ်တဂၤန့ၣ်, ကအုၣ်က့ၤခီၣ်က့ၤပှၤတဂၤအံၤအသးသမူလၢတၢ်သံ, ဒီးတၢ်ဒဲးဘးအါမံၤကဘၣ်တၢ်ပျၢ်ကွံာ်အီၤလၢတၢ်အံၤ အဃိလီၤ.