ယၤကိာ် 5:14 - Sgaw Karen Common Bible

¹⁴ ပှၤလၢသုကျါတဂၤဂၤဘၣ်ဆူးဘၣ်ဆါဧါ. အဝဲကြၢးကိးတၢ်အိၣ်ဖှိၣ်သးပှၢ်တဖၣ်လၢအကဘါထုကဖၣ် တၢ်လၢအဝဲအဂီၢ်ဒီးဖှူအီၤလၢသ့ၣ်စၤယံးအသိလၢကစၢ်အမံၤအပူၤန့ၣ်လီၤ.

ယၤကိာ် 5:14 Iomraidhean Croise

လံာ်စီၤပၤအခီၣ်ထံးတဘ့ၣ် 17:21

အန့ၣ်ဒီး, စီၤအ့ၤလံယၤစူၣ်မံလီၤအသးလၢဖိသၣ်အဖီခိၣ်သၢ ဘျီဒီးဘါထုကဖၣ်ဝဲ, “အိယွၤ, ယကစၢ်ယွၤဧၢ, ဟ့ၣ်ကဒါက့ၤဖိသၣ်အံၤအသးသမူတက့ၢ်.”

လံာ်စီၤပၤခံဘ့ၣ်တဘ့ၣ် 4:33

စီၤအလံၤၡါကးတံာ်ပဲတြီဝံၤဘါထုကဖၣ်တၢ်ဆူယွၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:11

ဘၣ်ဆၣ်စီၤနဧၤမၣ်ဟးထီၣ်ကွံာ်လၢတၢ်သးကဲၤထီၣ်အပူၤဒီးစံး ဝဲဒၣ်, “ယဆိကမိၣ်လၢအစှၤကတၢၢ်အဝဲကဟဲထီၣ်ဆူယအိၣ်, ဘါထုကဖၣ်တၢ်ဆူအယွၤအဝဲအကစၢ်ယွၤအအိၣ်, ယၤထီၣ်အစုလၢတၢ်ဆါအပူၤလီၢ်အဖီခိၣ်ဒီးမၤဘျါက့ၤယၤန့ၣ် လီၤ.

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

လံာ်မၢ်ကူး 6:13

အဝဲသ့ၣ်ဟီထီၣ်ကွံာ်တၢ်နါတဘျုးဒု, ဖှူပှၤဘၣ်ဆူးဘၣ်ဆါတဘျုးဂၤလၢသိဒီးမၤဘျါက့ၤအဝဲသ့ၣ် လီၤ.

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 15:4

ဖဲအဝဲသ့ၣ်လဲၤတုၤလၢဝ့ၢ်ယရူၤၡလ့ၣ်န့ၣ်, ဘၣ်တၢ်တူၢ်လိာ်ခီၣ်ဆၢအီၤလၢတၢ်အိၣ်ဖှိၣ်ဖိ, ပှၤတၢ်မၢဖိ, ဒီးပှၤသူၣ်က့သးပှၢ်တဖၣ်, ဒီးစံးဘၣ်တဲဘၣ်အဝဲသ့ၣ်ဘၣ်ဃးဒီး တၢ်ခဲလၢာ်လၢကစၢ်ယွၤမၤဝဲခီဖျိအဝဲသ့ၣ်န့ၣ်လီၤ.

မၤတၢ် 28:8

တၢ်မၤအသးလၢစီၤပီးပျံၤအပၢ်မံလၢအလီၢ်မံခိၣ်မ့ၢ်လၢ အလိၤကိၢ်ဒီးအဟၢဖၢဝံာ်အဃိလီၤ. စီၤပီလူးလဲၤနုာ်ဆူအဒၢးပူၤ, ဃ့ဘါထုကဖၣ်တၢ်, ပာ်ထီၣ်အစုလၢအလိၤဒီးမၤဘျါက့ၤအီၤလီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

တံတူး 1:5

ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.