ယၤကိာ် 5:11 - Sgaw Karen Common Bible

¹¹ ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.

ယၤကိာ် 5:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 21:13

စီၤဒၤဝံးစံးဆၢစီၤကး, “တၢ်အံၤမ့ၢ်တၢ်ဃုထၢအကီတမံၤလၢ ယဂီၢ်န့ၣ်လီၤ. ယတအဲၣ်ဒိးလၢပှၤကညီကစံၣ်ညီၣ်ယၤန့ၣ်ဘၣ်. မ်ယွၤအနီၢ်ကစၢ်ဒၣ်ဝဲကမ့ၢ်ပှၤတဂၤလၢကစံၣ်ညီၣ်ယၤန့ၣ်တက့ၢ်. အဂ့ၢ်ဒ်အံၤအဝဲမ့ၢ်ယွၤလၢအသးကညီၤတၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 1:2

အဝဲအိၣ်ဒီးအဖိခွါနွံဂၤဒီးအဖိမုၣ်သၢဂၤန့ၣ်လီၤ.

လံာ်စီၤယိၤဘး 2:10

မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

စံးထီၣ်ပတြၢၤ 103:13

ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်, ယွၤသူၣ်ကညီၤသးကညီၤပှၤလၢအပျံၤအီၤလီၤ.

စံးထီၣ်ပတြၢၤ 103:8

ယွၤသူၣ်ကညီၤသးကညီၤတၢ်ဒီး သူၣ်အိၣ်သးအိၣ်တၢ်, အသးထီၣ်ကီဒီးအတၢ်အဲၣ်ဂၢၢ်ကျၢၤ အိၣ်ဝဲအါမးလီၤ.

စံးထီၣ်ပတြၢၤ 116:5

ယွၤမ့ၢ်တၢ်သးကညီၤဒီးတၢ်တီတၢ်လိၤန့ၣ်လီၤ. ပကစၢ်ယွၤန့ၣ်မ့ၢ်တၢ်သးကညီၤလီၤ.

စံးထီၣ်ပတြၢၤ 119:132

ဃၣ်နသးဆူယအိၣ်, ဒီးသူၣ်ကညီၤသးကညီၤယၤ ဒ်နညီနုၢ်မၤပှၤလၢ အအဲၣ်နမံၤအသိးန့ၣ်တက့ၢ်.

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

စံးထီၣ်ပတြၢၤ 37:37

ကွၢ်, ပှၤလၢအတၢ်ကမၣ်တအိၣ်, ဒီးကွၢ်ပှၤလၢအသူၣ်တီသးလိၤန့ၣ်တက့ၢ်. အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်, အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

စံးထီၣ်ပတြၢၤ 94:12

ယွၤဧၢ, ပှၤလၢနသိၣ်ဃီၣ်အီၤ, ဒီးလၢနသိၣ်လိအီၤလၢနတၢ်သိၣ်တၢ်သီန့ၣ်ဘၣ်ဆိၣ်ဂ့ၤဝဲလီၤ.

လံာ်တၢ်ဟးထီၣ်ကွံာ် 34:6

အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:8

တၢ်တမံၤမံၤအကတၢၢ်န့ၣ်ဂ့ၤဒိၣ်န့ၢ်ဒံးအတၢ်ကဲထီၣ်အခီၣ်ထံး တက့ၢ်လီၤ. တၢ်ဝံသးစူၤန့ၣ်ဂ့ၤန့ၢ်ဒံးတၢ်ပာ်ထီၣ်ထီသးတက့ၢ်လီၤ.

လံာ်ယၡါယၤ 63:7

ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်တၢ်ဂံၢ် 14:18

‘ယၤ, ယွၤအံၤသးဒိၣ်ထီၣ်ကီ, ဒီးယဒုးနဲၣ်တၢ်အဲၣ်တၢ်ကွံ အဒိၣ်အမုၢ်ဒီးတၢ်သူၣ်တီသးလိၤဒီးပျၢ်တၢ်ဒဲးဘးဒီးတၢ်ပူ ထီၣ်န့ၣ်လီၤ. အန့ၣ်ဒၣ်လဲာ်, ယတလီၤတူာ်လီၤကာ်ဘၣ်ဒ်သိးယကစံၣ်ညီၣ်ဖိတဖၣ်ဒီး လံၤတဖၣ်တုၤပှၤသၢစိၤတစိၤဒီးလွံၢ်စိၤတစိၤလၢအမိၢ်အပၢ် တဖၣ်အတၢ်ဒဲးဘးတဖၣ်အဃိန့ၣ်ဘၣ်.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.

လံာ်လူၤကၣ် 11:10

အဂ့ၢ်ဒ်အံၤ, ကယဲၢ်ပှၤလၢအဃ့တၢ်န့ၣ်ကန့ၢ်ဘၣ်ဝဲ, ဒီးပှၤလၢအဃုတၢ်န့ၣ်ကထံၣ်န့ၢ်ဝဲ, ဒီးပှၤလၢအဒိတကျိာ်တၢ်န့ၣ် တြဲၤကဘၣ်တၢ်အိးထီၣ်န့ၢ်အီၤလီၤ.

လံာ်လူၤကၣ် 6:36

အိၣ်ဒီးတၢ်သးကညီၤ, ဒ်သုပၢ်သးကညီၤတၢ်အသိးတက့ၢ်.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

အ့းဖ့းစူး 2:4

ဘၣ်ဆၣ်ဒီးယွၤလၢအထူးဝဲတီၤဝဲဒီးတၢ်သးကညီၤန့ၣ်, လၢတၢ်အဲၣ်ဘၣ်ပှၤအဒိၣ်အအါအပူၤ,

ဧ့ၤဘြံၤ 10:39

ပဝဲဒၣ်အံၤပတမ့ၢ်ပှၤလၢအဂုၤက့ၤအလီၢ်ခံဒီးဘၣ်တုၤဆူ တၢ်ဟးဂီၤအပူၤန့ၣ်ဘၣ်, မ့မ့ၢ်ပအိၣ်ဒီးတၢ်စူၢ်တၢ်နာ်ဒီးပဘၣ်တၢ်မၤပူၤဖျဲးကွံာ်ပှၤန့ၣ်လီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 1:2

ယဒီပုၢ်ဝဲၢ်သ့ၣ်ဧၢ, တုၤတၢ်မၤကွၢ်အကလုာ်ကလုာ်ဟဲဘၣ် သုဒီးပာ်အီၤဒ်အမ့ၢ်တၢ်သးခုလၢသုဂီၢ်တက့ၢ်.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,