ယၤကိာ် 4:8 - Sgaw Karen Common Bible

⁸ သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

ယၤကိာ် 4:8 Iomraidhean Croise

လံာ်တၢ်ကဲထီၣ်အခီၣ်ထံး 18:23

ဒီးစီၤအၤဘြၤဟၣ်သုးဘူးအသးဆူယွၤအအိၣ်ဒီးသံကွၢ်ဝဲ, “မ့ၢ်နကမၤဟးဂီၤကွံာ်ပှၤလၢအတၢ်ကမၣ်တအိၣ်ဃုာ်ဒီးပှၤလၢအတၢ် ကမၣ်အိၣ်န့ၣ်သပှၢ်တၢၢ်ဧါ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်စီၤယိၤဘး 16:17

မ့မ့ၢ်တၢ်စုဆူၣ်ခီၣ်တကးအတၢ်မၤတအိၣ်ဘၣ်လၢယစုပူၤနီတမံၤ ဘၣ်. ဒီးယတၢ်ထုကဖၣ်န့ၣ်ကဆှီဝဲလီၤ.

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

လံာ်စီၤယိၤဘး 9:30

ချါသိသ့စီကွံာ်ယတၢ်ဒဲးဘးတဖၣ်တန့ၢ်ဘၣ်.

စံးထီၣ်ပတြၢၤ 119:113

ပှၤလၢအသးခံဖျၢၣ်တဖၣ်န့ၣ်ယသးဟ့အီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 145:18

ကယဲၢ်ပှၤလၢအကိးထီၣ်အီၤ, ပှၤလၢအကိးထီၣ်အီၤလၢတၢ်မ့ၢ်တၢ်တီအပူၤန့ၣ် အဝဲအိၣ်ဘူးဒီးအီၤလီၤ.

စံးထီၣ်ပတြၢၤ 18:20

ယွၤဟ့ၣ်ဘျုးက့ၤယၤဒ်ယတၢ်တီတၢ်လိၤအသိး, အဝဲဆိၣ်ဂ့ၤယၤမ့ၢ်လၢ ယတၢ်ဒဲးဘးတအိၣ်ဘၣ်အဃိန့ၣ်လီၤ.

စံးထီၣ်ပတြၢၤ 24:4

မ့ၢ်ဒၣ်ပှၤလၢအစုစီဆှံဝဲဒီးအသးကဆှီဝဲ, ပှၤလၢအတဘါထီၣ်ဘၣ် တၢ်ဂီၤတၢ်ဖီၣ်တဖၣ် ဒီးတဆိၣ်ဘၣ်တၢ်လၢ တၢ်လီတၢ်ဝ့ၤအပူၤဘၣ်န့ၣ်လီၤ.

စံးထီၣ်ပတြၢၤ 26:6

ယွၤဧၢ, ယသ့ယစုလၢတၢ်ဒဲးဘးတအိၣ်ဘၣ်အပူၤ ဒီးလဲၤဆူနတၢ်လုၢ်လီၢ်လၢ တၢ်ဘူၣ်ထီၣ်ဘါထီၣ်နၤအဂီၢ်လီၤ.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

စံးထီၣ်ပတြၢၤ 73:13

ယမၤကဆှီယသး, ဒီးသ့စီကွံာ်ယစုလၢ တၢ်ဒဲးဘးတအိၣ်ဘၣ်အပူၤန့ၣ် မ့ၢ်ဒၣ်တၢ်ကလီကလီခဲလၢာ်န့ၣ်လီၤ.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

လံာ်ယၡါယၤ 13:15

ပှၤလၢအဘၣ်တၢ်ဖီၣ်န့ၢ်အီၤတဂၤလၢ်လၢ်ကဘၣ်တၢ်ဆဲးသံကွံာ်လီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယံးရမံယၤ 4:11

တၢ်ဆၢကတီၢ်ဟဲတုၤလံဝဲ, ဖဲဝ့ၢ်ယရူၤၡလ့ၣ်အပှၤဂီၢ်မုၢ်တဖၣ် ကဘၣ်တၢ်စံးဘၣ်တဲဘၣ်အီၤလၢ, ကလံၤကိၢ်သွၣ်ကိၢ်ဘီတခါ ကဟဲအူနုာ်လၢမဲးမုၢ်ခိၣ်တခီဆူအဝဲသ့ၣ်အအိၣ်န့ၣ်လီၤ. တမ့ၢ်ဘၣ်ကလံၤကပုာ်လုာ်ဖိတခါလၢအအူဒံကွံာ်ဒၣ်ထဲဘုဖ့ဧိၤန့ၣ်ဘၣ်.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်သးသယုၢ်တၢ် 3:57

နစံးဆၢဒီးတဲဘၣ်တ့ၢ်ယၤလၢယသုတပျံၤတၢ်တဂ့ၤလီၤ.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်စကၤရယၤ 1:3

ဘၣ်ဆၣ်ဒီးခဲအံၤယစံးဘၣ်သု, ဟဲက့ၤကဒါက့ၤဆူယအိၣ်တက့ၢ်. ဒီးယကဟဲက့ၤကဒါက့ၤဆူသုအိၣ်လီၤ.

လံာ်မၤလကံ 3:7

ဒ်သုမိၢ်ပၢ်ဖံဖုလၢပျၢၤလၢသုမဲာ်ညါသ့ၣ်တဖၣ်အသိး, သုဃၣ်ကွံာ်သုသးလၢယတၢ်သိၣ်တၢ်သီဒီးတတိၢ်န့ၢ်ဘၣ်အီၤဘၣ်. ဟဲက့ၤဆူယအိၣ်တက့ၢ်. ဒီးယကဟဲက့ၤဆူသုအိၣ်န့ၣ်လီၤ. ဘၣ်ဆၣ်သုသံကွၢ်, ‘ပကဟဲက့ၤကဒါက့ၤဒ်လဲၣ်.’

လံာ်မးသဲ 12:33

ဒ်သိးနကန့ၢ်ဘၣ်သ့ၣ်သၣ်လၢအဂ့ၤန့ၣ်, နကဘၣ်အိၣ်ဒီးသ့ၣ်လၢ အဂ့ၤလီၤ. သ့ၣ်လၢအတဂ့ၤန့ၣ်ဟ့ၣ်ထီၣ်သ့ၣ်သၣ်လၢအတဂ့ၤလီၤ. အဂ့ၢ်ဒ်အံၤ, သ့ၣ်မ့ၢ်တၢ်ဒ်လဲၣ်န့ၣ်အသၣ်လီၣ်ဖျါထီၣ်အီၤလီၤ.

လံာ်မးသဲ 15:2

“ဘၣ်မနုၤလၢနပျဲၢ်နဘီၣ်တဖၣ်လုၣ်သ့ၣ်ခါပတာ် ပမိၢ်ပၢ်ဖံဖုလၢပျၢၤအလုၢ်အလၢ်တဖၣ်လဲၣ်. တချုးလၢအဝဲသ့ၣ်အီၣ်တၢ်အီၣ်န့ၣ်, အဝဲသ့ၣ်တသ့အစုဒ်တၢ်အလုၢ်အလၢ်အိၣ်ဝဲအသိးဘၣ်.”

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

မၤတၢ် 15:9

အဝဲဒၣ်တပာ်လီၤဆီပဝဲပှၤယူဒၤဖိတဖၣ်ဒီးအဝဲသ့ၣ်ပှၤကလုာ်ဂၤ တဖၣ်န့ၣ်ဘၣ်. အဝဲပျၢ်ကွံာ်အဝဲသ့ၣ်အတၢ်ဒဲးဘးမ့ၢ်လၢ အစူၢ်က့ၤနာ်က့ၤတၢ်အဃိန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

ယၤကိာ် 1:8

အဂ့ၢ်ဒ်လဲၣ်န့ၣ်လၢတၢ်ခဲလၢာ်လၢအဝဲမၤဝဲအပူၤန့ၣ်, အသးတဂၢၢ်ဘၣ်ဒီးစံၣ်ညီၣ်တဲာ်တၢ်တသ့ဘၣ်အဃိ န့ၣ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ယိၤဟၣ် 3:3

ပှၤတဂၤဂ့ၤတဂၤဂ့ၤလၢအအိၣ်ဒီးတၢ်မုၢ်လၢ်ဒ်အံၤလၢ ခရံာ်အပူၤန့ၣ်, အိၣ်စီအိၣ်ဆှံအသးဒ်ခရံာ်စီဝဲဆှံဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:35

စီၤစီလူးဘှီထီၣ်တၢ်လုၢ်လီၢ်တခါဆူယွၤအအိၣ်ဒီးတၢ်န့ၣ်မ့ၢ် တၢ်လုၢ်လီၢ်အခီၣ်ထံးကတၢၢ်တခါလၢအဘှီထီၣ်ဝဲဒၣ်န့ၣ်လီၤ.