ယၤကိာ် 4:7 - Sgaw Karen Common Bible

⁷ လၢတၢ်န့ၣ်အဃိ, ဆီၣ်လီၤသုသးလၢကစၢ်ယွၤအဖီလာ် တက့ၢ်. ထီဒါမုၣ်ကီၤလံၢ်ဒီးအဝဲကဃ့ၢ်ထီၣ်ကွံာ်လၢသုအိၣ်လီၤ.

ယၤကိာ် 4:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:26

မ့မ့ၢ်အဝဲမ့ၢ်တဘၣ်သူၣ်ဘၣ်သးယၤဘၣ်ဒီး, ဂ့ၤလံ, အန့ၣ်တစုပျဲအဝဲမၤယၤဒ်အတၢ်ဘၣ်အသးအသိးန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

စံးထီၣ်ပတြၢၤ 68:30

သိၣ်ဃီၣ်အဲၤကူပတူး, ဆၣ်ဖိကီၢ်ဖိအဒူတဒုန့ၣ် လၢအအိၣ်လၢတပိၢ်အကျါ, သိၣ်ဃီၣ်ထံကီၢ်တဖၣ်, လၢအလီၢ်ဂာ်ဒီး ဂီၤဖံးဖါတဖုအိၣ်ဒီး ဂီၤဖံးဖါဖိတဖၣ်, တုၤလၢအဝဲသ့ၣ်ခဲလၢာ်တီၤလီၤ ကဒွံကျိာ်ဒီး လုၢ်ထီၣ်နၤလၢ အစ့တဖၣ်တက့ၢ်. မၤလီၤပြံလီၤပြါပှၤဂီၢ်မုၢ်လၢ အအဲၣ်တၢ်ဒုးတၢ်ယၤတက့ၢ်.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

မၤတၢ် 26:19

ဒီးလၢတၢ်န့ၣ်အဃိ, စီၤပၤအကြံးပၤဧၢ, ယတိၢ်န့ၢ်ဒီးမၤထွဲတၢ်အကလုၢ်လၢယနၢ်ဟူဘၣ်ယဲခီဖျိတၢ်ထံၣ် တၢ်လၢညါခီလၢအဟဲလီၤလၢမူခိၣ်န့ၣ်လီၤ.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 14:11

အဂ့ၢ်ဒ်လဲၣ်န့ၣ်, တၢ်ကွဲးအသးစံးဝဲ, “ကစၢ်စံးဝဲဒၣ်, ဒ်ယမ့ၢ်ကစၢ်ယွၤလၢအမူဝဲအသိး ပှၤကိးဂၤဒဲးကချံးခီၣ်တီၤလီၤလၢယမဲာ်ညါ ဒီးပှၤကိးဂၤဒဲးကအၢၣ်လီၤအီလီၤလၢယမ့ၢ်ကစၢ်ယွၤန့ၣ်လီၤ.”

အ့းဖ့းစူး 4:27

ဟ့ၣ်မုၣ်ကီၤလံၢ်အလီၢ်လၢအကလ့ပစီသုအဂီၢ်တဂ့ၤ.

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

အ့းဖ့းစူး 6:13

လၢတၢ်န့ၣ်အဃိကူထီၣ်သိးထီၣ်တၢ်ဒုးသုးအကူအသိးလၢ ကစၢ်ယွၤဟ့ၣ်သုအခဲအံၤ, ဒ်သိးဒီးလၢမုၢ်နံၤအအၢအသီ န့ၣ်သုတြီဆၢသုဒုၣ်သုဒါကန့ၢ်ဒီးဒ်သိးသုဒုးတၢ်ခဲလၢာ်ဝံၤဒီးသု ကအိၣ်ဆၢထၢၣ်ဒံးအဂီၢ်န့ၣ်တက့ၢ်.

ဧ့ၤဘြံၤ 12:9

လၢတၢ်န့ၣ်အမဲာ်ညါ, ပအိၣ်ဒီးပပၢ်တဖၣ်လၢဟီၣ်ခိၣ်ချၢအံၤလၢ အသိၣ်ဃီၣ်ပှၤဒီးပယူးယီၣ်ပာ်ကဲအဝဲသ့ၣ်လီၤ. ပဂ့ၤဆီၣ်လီၤပသးလၢပပၢ်အိၣ်လၢမူခိၣ်အဖီလာ်အါန့ၢ် အန့ၣ်တက့ၢ်ဒီးမူပဝဲန့ၣ်လီၤ.

၁ ပ့းတရူး 2:13

လၢကစၢ်အဃိန့ၣ်, ပာ်လီၤသုသးလၢဟီၣ်ခိၣ်တၢ်စိတၢ် ကမီၤခဲလၢာ်, ဒီးစီၤပၤလၢအမ့ၢ်တၢ်စိတၢ်ကမီၤအဒိၣ်ကတၢၢ် အဖီလာ်,

၁ ပ့းတရူး 5:6

မ့မ့ၢ်ဒ်န့ၣ်ဒီး, ဆီၣ်လီၤသုသးလၢကစၢ်ယွၤအစုကညီၢ် အဖီလာ်, ဒ်သိးအဝဲကစိာ်ထီၣ်ထီသုလၢအဆၢအကတီၢ် ဒၣ်ဝဲအဂီၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 3:18

မၤသးဒ်န့ၣ်ဒီးစီၤၡမူၤအ့လးတဲဘၣ်အီၤတၢ်ကိးမံၤဒဲးဒီး တပာ်ခူသူၣ်တ့ၢ်ဝဲတၢ်နီတမံၤဘၣ်. စီၤဧ့လံၤစံးဝဲ, “အဝဲမ့ၢ်ယွၤလီၤ. အဝဲကမၤတၢ်လၢအထံၣ်ဝဲလၢအဂ့ၤကိးမံၤဒဲးန့ၣ်လီၤ.”