ယၤကိာ် 4:6 - Sgaw Karen Common Bible

⁶ ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”

ယၤကိာ် 4:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:26

ဘၣ်ဆၣ်ဒီးလၢခံကတၢၢ်န့ၣ်, စီၤဃံးစကံယၤဒီးဝ့ၢ်ယရူၤရှလ့ၣ် အပှၤဂီၢ်မုၢ်ဆီၣ်လီၤအသး, ဒီးလၢတၢ်န့ၣ်အဃိ, တချုးဒံးဘၣ်လၢစီၤဃံးစကံယၤသံဝံၤန့ၣ်ယွၤတစံၣ် ညီၣ်ဘၣ်ပှၤဂီၢ်မုၢ်ဘၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:12

လၢအဝဲအတၢ်တူၢ်ဘၣ်ခီၣ်ဘၣ်အပူၤန့ၣ်, အဝဲဆီၣ်လီၤက့ၤအသး, ဃၣ်ဃီၤက့ၤအသးဆူယွၤ, အကစၢ်ယွၤအအိၣ်, ဒီးဃ့ကညးအီၤလၢတၢ်မၤစၢၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:23

ဘၣ်ဆၣ်အဝဲတဆီၣ်လီၤအသးဒီးဃၣ်က့ၤအသးဆူယွၤအအိၣ်ဒ်အပၢ်မၤ တ့ၢ်ဝဲအသိးန့ၣ်ဘၣ်. အဝဲမၤတၢ်ဒဲးဘးဒိၣ်န့ၢ်ဒံးအပၢ်ဒၣ်လဲာ်တက့ၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:27

ဒီးနပီၢ်ယၢ်လီၤက့ၤတ့ၢ်နသးဒီးဆီၣ်လီၤတ့ၢ်နသးလၢယမဲာ်ညါ, နဖှီနကူနသိးတဖၣ်ဒီးဟီၣ်တၢ်ယၢၤတၢ်ဖဲနနၢ်ဟူတ့ၢ်ယတၢ်မၤ ပျံၤမၤဖုးလၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ် န့ၣ်လီၤ. ယနၢ်ဟူတ့ၢ်လံနတၢ်ထုကဖၣ်,

လံာ်စီၤယိၤဘး 22:29

ကစၢ်ယွၤဆီၣ်လီၤပှၤပာ်ထီၣ်ထီသးဒီးအုၣ်က့ၤခီၣ်က့ၤပှၤဆီၣ် လီၤအသးန့ၣ်လီၤ.

စံးထီၣ်ပတြၢၤ 138:6

နမ့ၢ်အိၣ်လၢတၢ်လီၢ်လၢ အထီဒိၣ်မးဒၣ်လဲာ်, နအံးက့ၤကွၢ်က့ၤပှၤလၢ အဆီၣ်လီၤအသး, ဒီးပှၤလၢအပာ်ထီၣ်ထီအသးန့ၣ် အိၣ်သဒၢလၢအမဲာ်ညါတသ့ဘၣ်.

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

လံာ်တၢ်ဟးထီၣ်ကွံာ် 18:11

ခဲကနံၣ်အံၤ, ယသ့ၣ်ညါလၢယွၤန့ၣ်ဒိၣ်န့ၢ်ဒံးကစၢ်အဂၤခဲလၢာ် လီၤ. အဂ့ၢ်ဒ်အံၤအဝဲမၤတၢ်အံၤဖဲပှၤအဲၤကူပတူးဖိတဖၣ်မၤတ့ၢ်ပှၤ အံၣ်စရ့လးဖိတဖၣ်လၢတၢ်ပာ်ထီၣ်ထီသးအပူၤဒ်သိးအံၤအခါန့ၣ်လီၤ.”

တၢ်ကတိၤဒိ. 15:33

လၢတၢ်ယူးယီၣ်ယွၤအပူၤန့ၣ်တၢ်မၤလိမၤဒိးအိၣ်ဝဲဒၣ်လီၤ. ဒီးတၢ်ဆီၣ်လီၤသးလဲၤလၢတၢ်လၤကပီၤအမဲာ်ညါလီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 22:4

အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်မးသဲ 13:12

အဂ့ၢ်ဒ်အံၤ, ပှၤလၢတၢ်အိၣ်ဒီးအီၤန့ၣ်, ယွၤကဟ့ၣ်အါထီၣ်အီၤဒီးကအိၣ်ဒီးအီၤအါအါကလဲာ်လီၤ. မ့မ့ၢ်ပှၤလၢအတၢ်တအိၣ်ဘၣ်န့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်ယွၤကဟံးထီၣ်ကွံာ်လၢ အအိၣ်လီၤ.

လံာ်မးသဲ 23:12

ပှၤတဂၤလၢ်လၢ်လၢအပာ်ဒိၣ်ပာ်ထီလီၤအသးန့ၣ်, ယွၤကဆီၣ်လီၤအီၤလီၤ. ဒီးပှၤတဂၤလၢ်လၢ်လၢအဆီၣ်လီၤအသးန့ၣ်, ယွၤကပာ်ဒိၣ်ပာ်ထီအီၤလီၤ.

လံာ်လူၤကၣ် 1:52

အဝဲဒၣ်ပာ်လီၤကွံာ်စီၤပၤလၢအစိဒိၣ်ကမီၤထီတဖၣ်လၢ အလီၢ်ပစိာ်အလိၤ ဒီးယူာ်ထီၣ်ထီပှၤအိၣ်လၢတၢ်လီၢ် အတီၤဖုၣ်တဖၣ်လီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

ယၤကိာ် 4:10

ဆီၣ်လီၤသုသးလၢကစၢ်အဖီလာ်, ဒီးအဝဲဒၣ်ကပာ်ထီၣ်ထီ သုလီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

လံာ်စီၤၡမူၤအ့လးအခီၣ်ထံးတဘ့ၣ် 2:3

ဆိကတီၢ်ကွံာ်နတၢ်ကတိၤဒိၣ်ကတိၤသွါနသးလၢနကလုၢ်ဖးဒိၣ်န့ၣ်တက့ၢ်. မၤဘှ့ၣ်ဘှီၣ်နတၢ်ကတိၤဒိၣ်ကတိၤသွါတဖၣ်တက့ၢ်. အဂ့ၢ်ဒ်အံၤ, ယွၤန့ၣ်မ့ၢ်ကစၢ်ယွၤလၢအသ့ၣ်ညါတၢ်, ဒီးအဝဲစံၣ်ညီၣ်ကယဲၢ်ပှၤဂီၢ်မုၢ်အမၤတၢ်န့ၣ်လီၤ.