ယၤကိာ် 4:5 - Sgaw Karen Common Bible

⁵ တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.

ယၤကိာ် 4:5 Iomraidhean Croise

လံာ်တၢ်ကဲထီၣ်အခီၣ်ထံး 26:14

မ့ၢ်လၢအဝဲအိၣ်ဒီးအသိအဖုအဂီၢ်တဖၣ်, အဂီၤဘုၣ်ဂီၤဖံးအဖု အဂီၢ်တဖၣ်အါအါဂီၢ်ဂီၢ်ဒီးအကုၢ်အပှၤအါဒံအါဂၤအဃိဒီးပှၤ ဖလ့ၡသးဖိတဖၣ်သးက့ၣ်အီၤလီၤ.

လံာ်တၢ်ကဲထီၣ်အခီၣ်ထံး 30:1

မ့မ့ၢ်နီၢ်ရၤဃ့လးန့ၣ်တဆံးစၢ်န့ၢ်အဖိနီတဂၤလၢစီၤယၤကိာ် အဂီၢ်ဘၣ်. ဒီးအသးက့ၣ်အဒီပုၢ်ဝဲၢ်မုၣ်နီၢ်လ့ၤအၤဒီးစံးဘၣ်စီၤယၤကိာ်, “ဟ့ၣ်ယၤလၢဖိတဖၣ်တက့ၢ်. မ့တမ့ၢ်ဘၣ်ဒီးယကသံလီၤ.”

လံာ်တၢ်ကဲထီၣ်အခီၣ်ထံး 37:11

စီၤယိၤသးအဒီပုၢ်ဝဲၢ်ခွါတဖၣ်အသးက့ၣ်အီၤ, ဘၣ်ဆၣ်ဒီးအပၢ်ဆိကမိၣ်ထွဲဒံးတၢ်ဂ့ၢ်လၢအမၤအသးခဲလၢာ်န့ၣ် လီၤ.

လံာ်တၢ်ကဲထီၣ်အခီၣ်ထံး 38:9

ဘၣ်ဆၣ်စီၤအိၤနၣ်သ့ၣ်ညါတ့ၢ်ဝဲလၢဖိသၣ်တဖၣ်န့ၣ်တမ့ၢ်ကကဲထီၣ် အတၢ်ဘၣ်အဃိ, တုၤအမံဃုာ်ဒီးအဝဲၢ်အမါမုၣ်ကမဲတဘျီ လၢ်လၢ်န့ၣ်, အဝဲဒုးဟးထီၣ်ကွံာ်ပိာ်ခွါအချံအသၣ်ဆူတၢ်ချၢ, ဒ်သိးဖိသၣ်အသုတအိၣ်နီတဂၤလၢအဝဲၢ်အဂီၢ်တဂ့ၤန့ၣ်လီၤ.

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

စံးထီၣ်ပတြၢၤ 106:16

ဒီးဖဲပှၢ်မုၢ်ကနၢအပူၤန့ၣ် အဝဲသ့ၣ်အသးက့ၣ်စီၤမိၤၡ့ ဒီး ယွၤအခ့အပှၤစီဆှံစီၤအၤဟရိၣ်လီၤ.

စံးထီၣ်ပတြၢၤ 37:1

တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ. တဘၣ်သူၣ်က့ၣ်သးက့ၣ် ပှၤလၢအမၤကမၣ်တၢ်တဂ့ၤ.

တၢ်ကတိၤဒိ. 21:10

ပှၤတတီတလိၤတဖၣ်သူၣ်ဝံၤသၣ်စ့ၤတၢ်အၢတၢ်သီထီဘိလီၤ. အဝဲသ့ၣ်တအိၣ်ဒီးတၢ်သးကညီၤလၢပှၤနီတဂၤအဖီခိၣ်ဘၣ်.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယၡါယၤ 11:13

ကီၢ်အံၣ်စရ့လးအဘီမုၢ်တသးက့ၣ်သးကါလၢၤကီၢ်ယူဒၤ အဘီမုၢ်လၢၤဘၣ်, ဒီးကီၢ်ယူဒၤတမ့ၢ်လၢၤကီၢ်အံၣ်စရ့လး အဒုၣ်အဒါလၢၤဘၣ်.

လံာ်တၢ်ဂံၢ် 11:29

စီၤမိၤၡ့စံးဆၢအီၤ, “မ့ၢ်နသးကါဘၣ်ဃးယတၢ်သူၣ်အိၣ်သး အိၣ်အဂ့ၢ်န့ၣ်ဧါ. ယဆၢမုၢ်လၢ်လၢယွၤကဟ့ၣ်အသးဆူအပှၤဂီၢ်မုၢ်ခဲလၢာ်ဒီးဒုးကိး ပသူထီၣ်အဝဲသ့ၣ်ဒ်ဝံဧိၤမီၣ်ဧိၤတဖၣ်အသိးန့ၣ်လီၤ.”

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်ယိၤဟၣ် 10:35

မ့မ့ၢ်ဒ်န့ၣ်ဒီးကစၢ်ယွၤအကလုၢ်ကထါလၢအမ့ၢ်ဝဲတီဝဲတဘိ ယူၢ်ဃီ, မ့ၢ်ကိးပှၤလၢအဒိးန့ၢ်ယွၤအကလုၢ်ကထါတဖၣ်လၢ ယွၤတဖၣ်ဒီး,

လံာ်ယိၤဟၣ် 19:37

ဒီးတၢ်ကွဲးအသးအဂၤတတီၤစံးဝဲ, “ပှၤကကွၢ်ပှၤလၢအဝဲသ့ၣ်ဆဲးထူၣ်ဖျိဝဲတဂၤန့ၣ်လီၤ” (ကၤ ၁၂:၁၀).

လံာ်ယိၤဟၣ် 7:42

တၢ်ကွဲးအသးစံးဝဲဒၣ်လၢခရံာ်ကမ့ၢ်ပှၤဟဲလီၤစၢၤလၢ စီၤပၤဒၤဝံးဒီးကအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ်, ဝ့ၢ်လၢစီၤပၤဒၤဝံးအိၣ်ဝဲန့ၣ်လီၤ.”

မၤတၢ် 7:9

ပၢ်ဖးဒိၣ်တဖၣ်န့ၣ်အသးက့ၣ်အဒီပုၢ်ဝဲၢ်စီၤယိၤသး, ဒီးဆါလီၤကွံာ်အီၤလၢအကကဲထီၣ်ကုၢ်လၢကီၢ်အဲၤကူပတူး အပူၤအဂီၢ်န့ၣ်လီၤ. ဘၣ်ဆၣ်ဒီးကစၢ်ယွၤအိၣ်ဒီးအီၤ,

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

ရိမ့ၤ 9:17

အဂ့ၢ်ဒ်လဲၣ်န့ၣ်, တၢ်ကွဲးအသးစီဆှံစံးဘၣ်ဖၤရိၤ, “ယဒုးကဲထီၣ်နၤစီၤပၤလၢယကသူနၤလၢယကဒုးနဲၣ် ယစိကမီၤအဂီၢ်, ဒီးလၢယမံၤကဘၣ်တၢ်သ့ၣ်ညါအီၤလၢ ဟီၣ်ခိၣ်ဒီဘ့ၣ်အဂီၢ်န့ၣ်လီၤ.”

1 ကရံၣ်သူး 6:19

မ့ၢ်သုတသ့ၣ်ညါလၢသုနီၢ်ခိမ့ၢ်တၢ်လုၢ်ဟံၣ်ဘၣ်ဃးဒီးသး စီဆှံ, လၢအအိၣ်ဝဲဆိးဝဲလၢသုပူၤ, ဒီးဘၣ်တၢ်ဟ့ၣ်သုလၢ ယွၤန့ၣ်ဘၣ်ဧါ. သုတဘၣ်ဃးဒီးသုနီၢ်ကစၢ်ဒၣ်သုဝဲဘၣ်, မ့မ့ၢ်သုဘၣ်ဃးဒီးယွၤလီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ကလၤတံ 3:8

တၢ်ကွဲးအသးပာ်ဖျါထီၣ်ဆိပာ်စၢၤလၢကစၢ်ယွၤကမၤလိၤ မၤဘၣ်က့ၤပှၤကလုာ်ဂၤတဖၣ်ဒီးအကစၢ်ဒၣ်ဝဲခီဖျိတၢ်စူၢ် တၢ်နာ်န့ၣ်လီၤ. လၢတၢ်န့ၣ်အဃိ, တၢ်ကွဲးအသးဘိးဘၣ်သ့ၣ်ညါတၢ်သးခုကစီၣ်ဆူစီၤအၤဘြၤဟၣ် အအိၣ်ဒီးစံးဝဲ, “ခီဖျိနၤန့ၣ်, ကစၢ်ယွၤကဆိၣ်ဂ့ၤပှၤဟီၣ်ခိၣ်ဖိ ခဲလၢာ်လီၤ” (ကဲထီၣ် ၁၂:၃).

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.