ယၤကိာ် 4:13 - Sgaw Karen Common Bible

¹³ ပှၤလၢအစံး, “တနံၤအံၤမ့တမ့ၢ်ခဲမုၢ်ဆ့ၣ်ပကလဲၤဆူဝ့ၢ် တဖျၢၣ်ဒီးဖဲန့ၣ်ပကအိၣ်တနံၣ်, ဆါတၢ်ပှ့ၤတၢ်ဒီးမၤန့ၢ်စ့အါအါဂီၢ်ဂီၢ်န့ၣ်လီၤ,” သ့ၣ်သုဧၢ, ခဲအံၤဒိကနၣ်ယၤတက့ၢ်.

ယၤကိာ် 4:13 Iomraidhean Croise

လံာ်တၢ်ကဲထီၣ်အခီၣ်ထံး 11:7

မ်ပလဲၤလီၤသကိးဒီးမၤဃါဃုာ်ကွံာ်အကျိာ်ဒ်သိးတဖုဒီးတဖု အသုတနၢ်ပၢၢ်လိာ်အသးတဂ့ၤန့ၣ်တက့ၢ်.”

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 2:1

ယပာ်လီၤတ့ၢ်ယသးလၢယကမုာ်လၤသးခုဒီးဃုထံၣ်တၢ်သူၣ်ဖှံ သးညီမ့ၢ်တၢ်မနုၤလဲၣ်န့ၣ်လီၤ. ဘၣ်ဆၣ်ယထံၣ်တ့ၢ်လၢအဝဲအံၤမ့ၢ်စ့ၢ်ကီးတၢ်လၢအဘျုးတအိၣ်ဘၣ် န့ၣ်လီၤ.

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယၡါယၤ 5:5

ယကမၤတၢ်အံၤလၢယစပံးလီၢ်အဂီၢ်လီၤ. ယကဟံးထီၣ်က ရၢၢ်လၢအအိၣ်ဝးတရံးအီၤ, ဂုၤလီၤပှီၢ်တၢ်အဒူၣ်လၢအဒီဒၣ်အီၤ, ဒီးပျဲဆၣ်ဖိကီၢ်ဖိအမံၤတဖၣ်အီၣ်အီၤဒီးယီၢ်တံၢ်အီၤလီၤ.

လံာ်ယဃ့းစက့လး 7:12

တၢ်ဆၢကတီၢ်ဟဲတုၤဝဲလံ. မုၢ်နံၤတနံၤဖဲတၢ်ဆါတၢ်ဒီးတၢ် ပှ့ၤတၢ်အခီပညီတအိၣ်လၢၤဘၣ်န့ၣ်, ဘူးထီၣ်လံ. အဂ့ၢ်ဒ်အံၤ, ကစၢ်ယွၤအတၢ်စံၣ်ညီၣ်ကလီၤဘၣ်လၢပှၤကိးဂၤဒဲး အလိၤဒ်သိးသိးန့ၣ်လီၤ.

1 ကရံၣ်သူး 7:30

ပှၤလၢအဟီၣ်အယၢၤတဖၣ်, ဒ်အသူၣ်တအုးအသးတအုး အသိး, ပှၤလၢအနံၤအအ့တဖၣ်ဒ်အသူၣ်တခုသးတခုအသိး, ပှၤလၢအပှ့ၤတၢ်တဖၣ်, ဒ်တၢ်လၢအပှ့ၤဝဲတမ့ၢ်အတၢ်အသိး,

ယၤကိာ် 5:1

ဒီးခဲအံၤသုဝဲလၢအထူးအတီၤသ့ၣ်ဧၢ, ကနၣ်တၢ်လၢယကတဲ ဘၣ်သုတက့ၢ်. ဟီၣ်တၢ်ယၢၤတၢ်လၢတၢ်နးတၢ်ဖှီၣ်တဖၣ်လၢအကဟဲ ဘၣ်သုအဃိတက့ၢ်.