ယၤကိာ် 3:3 - Sgaw Karen Common Bible

³ ဒ်သိးကသ့ၣ်ကစူၢ်ပှၤအဂီၢ်ပဒုးအ့ၣ်ထီၣ်အီၤထးအ့ၣ်လၢ အထးခိၣ်ဒီးဖဲပသးအိၣ်ပဒုးလဲၤအီၤသ့ဝဲလီၤ.

ယၤကိာ် 3:3 Iomraidhean Croise

လံာ်စီၤပၤခံဘ့ၣ်တဘ့ၣ် 19:28

ယဒိးန့ၢ်တ့ၢ်, တၢ်ပာ်ဖျါဘၣ်ထွဲဒီးနတၢ်သးကဲၤထီၣ်န့ၣ်ဒီး နတၢ်ပာ်ထီၣ်ထီနသးန့ၣ်, ဒီးခဲကနံၣ်အံၤယကတုၢ်နနါဒ့လၢနီၣ်ကွးတခါ, ဒီးပျံာ်နထးခိၣ်လၢနိးပျံာ်ထးတဘိဒီးက့ၤမိၤကဒါက့ၤနၤ လၢကျဲတဘိဃီလၢနဟဲတ့ၢ်နဲန့ၣ်လီၤ.”

လံာ်စီၤယိၤဘး 41:13

ပှၤအုၣ်ကွံာ်အဖံးမ့ၢ်ဂ့ၤ, ဖှီယာ်ကွံာ်အမဲခံဂ့ၢ်မ့ၢ်ဂ့ၤ, တန့ၢ်ဘၣ် နီတဂၤဘၣ်.

စံးထီၣ်ပတြၢၤ 32:9

လီၤဂာ်ဒီးကသ့ၣ်မ့တမ့ၢ်ကသ့ၣ်လၤလၢ အတအိၣ်ဒီးတၢ်သ့ၣ်ညါတဂ့ၤ. ဘၣ်တၢ်ပၢဆှၢအီၤလၢကသ့ၣ်အထးအ့ၣ် ဒီးနိာ်ပျံၤလၢအကဒိကနၣ်တၢ်အဂီၢ်လီၤ.”

စံးထီၣ်ပတြၢၤ 39:1

ယစံး, “ယကပလီၢ်ပဒီယသးလၢတၢ်လၢယမၤ ဒီးယသုတမၤတၢ်ဒဲးဘးလၢ ယပျ့ၤအဃိန့ၣ်တဂ့ၤ. ယကကးတံာ်ယထးခိၣ် ဖဲပှၤတတီတလိၤတဖၣ်အိၣ်ဘူးဒီးယၤန့ၣ်လီၤ.”

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

ယၤကိာ် 3:4

မ့တမ့ၢ်ကွၢ်ဆိကမိၣ်ကဘီတဘ့ၣ်အဂ့ၢ်တက့ၢ်. ကဘီအံၤဒိၣ်ထဲလဲၣ်, ဒီးကလံၤဆူၣ်အူဘၣ်အီၤထဲလဲၣ် သနာ်က့, ဘၣ်တၢ်ဒီလိၤအီၤခီဖျိနီၣ်ဝၢ်ကၢၤဆံးဆံးဖိ တဘ့ၣ်, ဒီးလဲၤတၢ်ဒ်ကဘီခိၣ်သးအိၣ်လၢအကလဲၤဝဲ အသိးန့ၣ်လီၤ.