ယၤကိာ် 3:13 - Sgaw Karen Common Bible

¹³ ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.

ယၤကိာ် 3:13 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 107:43

မ်ပှၤလၢအကူၣ်ဘၣ်ကူၣ်သ့ ဆိကမိၣ်တၢ်သ့ၣ်တဖၣ်အံၤ, မ်အဝဲသ့ၣ်ဆိကမိၣ်ထီၣ် ယွၤအတၢ်အဲၣ်ဂၢၢ်ကျၢၤန့ၣ်တက့ၢ်.

စံးထီၣ်ပတြၢၤ 122:8

လၢယဒီပုၢ်ဝဲၢ်ဒီးယတံၤသကိးတဖၣ်အဃိန့ၣ်ယကစံးဘၣ်ဝ့ၢ် ယရူၤၡလ့ၣ် “မ်တၢ်ဃူတၢ်ဖိးအိၣ်လၢနပူၤန့ၣ်တက့ၢ်.”

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 25:9

အဝဲဆှၢပှၤဆီၣ်လီၤအသးတဖၣ်လၢကျဲမ့ၢ်ကျဲတီအပူၤ ဒီးဒုးနဲၣ်အဝဲသ့ၣ်လၢအတၢ်ဘၣ်အသးန့ၣ်လီၤ.

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:5

အကတီၢ်လၢနစူၢ်ဒံးအတၢ်မၤလိာ်န့ၣ်, နကအိၣ်ဘံၣ်ဘၢပူၤဖျဲးလီၤ. ဒီးပှၤကူၣ်တၢ်သ့တဂၤန့ၣ်ကဘၣ်မၤတၢ်န့ၣ်ဒ်လဲၣ်ဒီးကဘၣ်မၤဝဲ အခါဖဲလဲၣ်န့ၣ်သ့ၣ်ညါဝဲလီၤ.

လံာ်ယၡါယၤ 29:19

ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 60:6

ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်တၢ်ဂံၢ် 12:3

(စီၤမိၤၡ့မ့ၢ်ပှၤဆီၣ်လီၤအသးတဂၤဒီးဆီၣ်လီၤအသးဒိၣ်န့ၢ် ဒံးကယဲၢ်ပှၤတဂၤလၢ်လၢ်လၢဟီၣ်ခိၣ်ချၢအံၤန့ၣ်လီၤ.)

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 21:5

“စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

လံာ်မးသဲ 5:5

ပှၤလၢအသးစူၤဒီးဆီၣ်လီၤအသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကဒိးန့ၢ်ဘၣ်တၢ်လၢ ကစၢ်ယွၤစံးပာ်လၢကဟ့ၣ်ဝဲခဲလၢာ်လီၤ.

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

1 ကရံၣ်သူး 6:5

သုကြၢးမဲာ်ဆှးမးလီၤ. သပှၢ်ကတၢၢ်, လၢသုကျါန့ၣ်ပှၤကူၣ်ဘၣ်ကူၣ်သ့ကအိၣ်အစှၤ ကတၢၢ်တဂၤလၢအကစံၣ်ညီၣ်တၢ်ဂ့ၢ်လိာ်ဘှီလိာ် လၢခရံာ်ဖိသကိးခရံာ်ဖိအဘၢၣ်စၢၤကစီဒီလီၤသၢၣ်.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 8:24

ပာ်ဖျါထီၣ်သုတၢ်အဲၣ်တၢ်ကွံလၢအဝဲသ့ၣ်အဖီခိၣ်, ဒ်သိးတၢ်အိၣ်ဖှိၣ်ကိးဖုဒဲးကသ့ၣ်ညါဘၣ်လီၤတံၢ်သုတၢ်အဲၣ်တၢ် ကွံအဂ့ၢ်, ဒီးသ့ၣ်ညါလၢ, ပတၢ်ကတိၤပာ်ကဖၢလၢပသး လၢသုဂ့ၢ်န့ၣ် မ့ၢ်ဝဲတီဝဲကစီဒီန့ၣ်တက့ၢ်.

ကလၤတံ 5:23

တၢ်ဆီၣ်လီၤသး, ဒီးတၢ်ပၢၤသူၣ်ပၢၤသးတဖၣ်န့ၣ်လီၤ. တၢ်သိၣ်တၢ်သီလၢအကထီဒါတၢ်ဒ်သိးအံၤတဖၣ်တအိၣ် ဝဲနီတထံၣ်ဘၣ်.

ကလၤတံ 6:1

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်ဘၣ်တၢ်ထံၣ်န့ၢ်အီၤလၢအမၤ ကမၣ်တၢ်တမံၤမံၤန့ၣ်, သုဝဲလၢယွၤအသးပၢသုတဖၣ်, သုကြၢးမၤဂ့ၤမၤဘၣ်က့ၤအီၤန့ၣ်လီၤ. ဘၣ်ဆၣ်ဒီး, သုကဘၣ်မၤအီၤလၢတၢ်ကပုာ်လုးဖိအပူၤလီၤ. ဒီးကွၢ်လီၤသုသးဒ်သိး သုသုတဘၣ်တၢ်လ့ပစီတဂ့ၤစ့ၢ်ကီးန့ၣ်တက့ၢ်.

ကလၤတံ 6:4

ပှၤတဂၤဘၣ်တဂၤကြၢးစံၣ်ညီၣ်အကစၢ်ဒၣ်ဝဲအသကဲာ်ပဝးဒီး အတၢ်မၤန့ၣ်လီၤ. တၢ်လၢအမၤတ့ၢ်ဝဲမ့မ့ၢ်တၢ်အဂ့ၤဒီးအဝဲပာ်ကဖၢလၢအသး လၢတၢ်လၢအမၤတ့ၢ်ဝဲအဃိသ့, ဒီးအလီၢ်တအိၣ်လၢအကထိၣ်သတြီၤဝဲဒီးတၢ်လၢပှၤဂၤတဖၣ် မၤတ့ၢ်ဝဲန့ၣ်ဘၣ်.

အ့းဖ့းစူး 4:2

ဆီၣ်လီၤသုသး, အိၣ်ဒီးတၢ်သူၣ်ဂ့ၤသးဝါဒီးတၢ်ဝံသးစူၤထီဘိ တက့ၢ်. ပာ်ဖျါထီၣ်သကိးသုတၢ်အဲၣ်တၢ်ကွံခီဖျိတၢ်သူၣ်စူၤသးစူၤ န့ၣ်တက့ၢ်.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

တံတူး 3:2

စံးဘၣ်အဝဲသ့ၣ်လၢအသုတကတိၤအၢကတိၤသီပှၤနီတဂၤ တဂ့ၤ, မ့မ့ၢ်တခီကအိၣ်ဃူအိၣ်ဖိးဒီးရ့တံၤရ့သကိး, ဒီးထီဘိဒၣ်တၢ်ကဒုးနဲၣ်တၢ်ပာ်သးခုၣ်ခုၣ်မုာ်မုာ်လၢပှၤကိး ဂၤဒဲးအဖီခိၣ်န့ၣ်တက့ၢ်.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 2:18

ဘၣ်ဆၣ်ဒီးပှၤတဂၤဂၤကစံးဝဲ, “ပှၤတဂၤအိၣ်ဒီးအတၢ်စူၢ် တၢ်နာ်, ဒီးအဂၤတဂၤအိၣ်ဒီးတၢ်မၤလီၤ.” ယတၢ်စံးဆၢမ့ၢ် အအံၤ, “ဒုးနဲၣ်ယၤပှၤတဂၤလၢအအိၣ်ဒီးတၢ်စူၢ်တၢ်နာ်လၢ အတအိၣ်ဘၣ်ဒီးတၢ်မၤန့ၣ်တက့ၢ်. ဒီးယကဒုးနဲၣ်သုယတၢ်စူၢ်တၢ်နာ်ခီဖျိယတၢ်မၤန့ၣ်လီၤ.”

ယၤကိာ် 3:1

ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

၁ ပ့းတရူး 1:15

မ့မ့ၢ်, ဒ်ကစၢ်ယွၤလၢအကိးန့ၢ်သုစီဝဲဆှံဝဲအသိးန့ၣ်, ကဲထီၣ်ပှၤစီဆှံလၢသုတၢ်မၤကိးမံၤဒဲးအပူၤန့ၣ်တက့ၢ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.