ယၤကိာ် 2:8 - Sgaw Karen Common Bible

⁸ သုမ့ၢ်စူၢ်ကစၢ်ယွၤအဘီမုၢ်အတၢ်သိၣ်တၢ်သီလၢ အဘၣ်တၢ်ထံၣ်န့ၢ်အီၤလၢတၢ်ကွဲးအသးအပူၤလၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး” န့ၣ်ဒီး, သုကမၤဘၣ်တၢ်လၢအဘၣ်တမံၤန့ၣ်လီၤ.

ယၤကိာ် 2:8 Iomraidhean Croise

လံာ်စီၤပၤအခီၣ်ထံးတဘ့ၣ် 8:18

ဘၣ်ဆၣ်ယွၤစံးဘၣ်အီၤ, နသးအိၣ်သူၣ်ထီၣ်တၢ်လုၢ်ဟံၣ်တဖျၢၣ်လၢ ယဂီၢ်န့ၣ်ဘၣ်ဝဲလီၤ.

လံာ်စီၤပၤခံဘ့ၣ်တဘ့ၣ် 7:9

ဘၣ်ဆၣ်ဒီးအဝဲသ့ၣ်စံးလိာ်အသးတဂၤဒီးတဂၤ, “ပတကြၢးမၤတၢ်ဒ်အံၤဘၣ်. ပအိၣ်ဒီးတၢ်ကစီၣ်လၢအဂ့ၤဒီးပတ ကြၢးပာ်ခူသူၣ်အီၤလၢပဂီၢ်ဒၣ်ပဝဲဘၣ်. ပမ့ၢ်ခိးတုၤမုၢ်ဆ့ၣ်ထီၣ်လၢပကတဲတၢ်ဂ့ၢ်အံၤန့ၣ်ပကဘၣ်တၢ်စံၣ် ညီၣ်သပှၢ်ကတၢၢ်န့ၣ်လီၤ. မ်ပလဲၤသကိးခဲအံၤဒီးတဲဘၣ်စီၤပၤအသုးခိၣ်သုးနၢ်တဖၣ်န့ၣ် တက့ၢ်.”

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်ယိၤနါ 4:4

ဒီးယွၤစံးဘၣ်အီၤ, “နသးထီၣ်န့ၣ်ဂ့ၤစ့ၢ်ကီးဧါ.”

လံာ်ယိၤနါ 4:9

ဘၣ်ဆၣ်ကစၢ်ယွၤစံးဘၣ်စီၤယိၤနါ, “နသးဒိၣ်လၢမာ်တိ အဃိန့ၣ်ဂ့ၤစ့ၢ်ကီးဧါ.” ဒီးစီၤယိၤနါစံးဆၢ, “ယသးဒိၣ်န့ၣ်ဂ့ၤဝဲ, ဒီးယသးဒိၣ်တုၤယကသံဒၣ်လဲာ်န့ၣ်လီၤ.”

လံာ်မးသဲ 22:39

ဒီးတၢ်မၤလိာ်လၢအဒိၣ်ကတၢၢ်ခံထံၣ်တထံၣ်န့ၣ်လီၤဂာ်ဒီးအီၤလီၤ. ‘အဲၣ်ပှၤလၢနဃၢၤ, ဒ်နအဲၣ်လီၤနသးဒၣ်နဲအသိးန့ၣ်တက့ၢ်’ (ဘူၣ်ဘါ. ၁၉:၁၈).

လံာ်မးသဲ 25:21

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်မးသဲ 25:23

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်မးသဲ 7:12

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

ရိမ့ၤ 13:10

သုမ့ၢ်အဲၣ်ပှၤတဂၤဂၤဒီးသုတမၤကမၣ်အီၤနီတဘျီဘၣ်. မ့မ့ၢ်ဒ်န့ၣ်ဒီး, တၢ်အဲၣ်တၢ်ကွံန့ၣ်မ့ၢ်တၢ်မၤလၢထီၣ်ပှဲၤထီၣ် စီၤမိၤၡ့အတၢ်သိၣ်တၢ်သီခဲလၢာ်လီၤ.

ကလၤတံ 5:14

အဂ့ၢ်ဒ်အံၤ, တၢ်သိၣ်တၢ်သီခဲလၢာ်ဘၣ်တၢ်ပာ်ဖှိၣ်အီၤလၢ တၢ်မၤလိာ်တထံၣ်အပူၤ “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးတက့ၢ်” န့ၣ်လီၤ.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

ဖံလံးပံၤ 4:14

ဘၣ်ဆၣ်ဒီး, သုမၤစၢၤယၤလၢယတၢ်ကီတၢ်ခဲတဖၣ်အပူၤ အဃိသုမၤတၢ်ဂ့ၤဒိၣ်မးန့ၣ်လီၤ.

၁ သ့းစၤလနံ 4:9

ဘၣ်ဃးတၢ်အဲၣ်ဒီပုၢ်ဒီဝဲၢ်လၢအမ့ၢ်ပှၤစူၢ်က့ၤနာ်က့ၤတၢ် န့ၣ်, တၢ်ကွဲးန့ၢ်သုအလီၢ်တအိၣ်ဘၣ်. သုနီၢ်ကစၢ်ဒၣ်သုဝဲ, ကစၢ်ယွၤသိၣ်လိတ့ၢ်သုလၢသုကဘၣ်အဲၣ်လိာ်သုသး တဂၤဒီးတဂၤဒ်လဲၣ်န့ၣ်လီၤ.

ယၤကိာ် 1:25

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.

ယၤကိာ် 2:12

ကတိၤဒီးမၤတၢ်ဒ်ပှၤတဖၣ်လၢအကဘၣ်တၢ်စံၣ်ညီၣ်အီၤ လၢတၢ်သိၣ်တၢ်သီလၢအမၤထူၣ်ဖျဲးတၢ်အသိးန့ၣ်တက့ၢ်.

ယၤကိာ် 2:19

မ့ၢ်နနာ်လၢကစၢ်ယွၤအိၣ်ထဲတဂၤဧိၤန့ၣ်ဧါ. ဂ့ၤလီၤ. တၢ်နါတဖၣ်စ့ၢ်ကီးနာ်ဝဲဒ်န့ၣ်, ဒီးကနိးကစုာ်လၢတၢ်ပျံၤတၢ်ဖုး အပူၤလီၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.