ယၤကိာ် 2:23 - Sgaw Karen Common Bible

²³ ဒီးတၢ်ကွဲးအသးလၢအစံးဝဲ, “စီၤအၤဘြၤဟၣ်နာ်ကစၢ်ယွၤဒီးမ့ၢ်အတၢ်စူၢ်တၢ်နာ်အဃိ ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤအသိး” အံၤလၢထီၣ်ပှဲၤထီၣ်ဝဲဒၣ်န့ၣ်လီၤ. ဒီးလၢတၢ်န့ၣ်အဃိ, စီၤအၤဘြၤဟၣ်ဘၣ်တၢ်ကိးအီၤလၢယွၤအတံၤသကိး န့ၣ်လီၤ.

ယၤကိာ် 2:23 Iomraidhean Croise

လံာ်တၢ်ကဲထီၣ်အခီၣ်ထံး 15:6

စီၤအၤဘြၣ်နာ်ယွၤဒီးမ့ၢ်လၢတၢ်အံၤအဃိယွၤဘၣ်သူၣ်ဘၣ်သးအီၤ ဒီးတူၢ်လိာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:7

နမ့ၢ်ပကစၢ်ယွၤလီၤ. ဖဲနပှၤဂီၢ်မုၢ်အံၣ်စရ့လးဟဲနုာ်ဆူကီၢ် အံၤအပူၤန့ၣ်, နဟီထီၣ်ကွံာ်ပှၤဂီၢ်မုၢ်လၢအအိၣ်ဆိးဖဲအံၤဒီးဟ့ၣ်လီၤထံ ဧိၤကီၢ်ဧိၤဆူနတံၤသကိးအစၢၤအသွဲၣ်တဖၣ်ဒ်သိးကမ့ၢ်အဝဲသ့ၣ် အတၢ်လီၤစိၤလီၤထီန့ၣ်လီၤ.

လံာ်စီၤယိၤဘး 16:21

ယဆၢဒိးန့ၢ်ဘၣ်ပှၤတဂၤလၢကဃ့ထီၣ်တၢ်ဆူကစၢ်ယွၤအအိၣ် လၢယဂီၢ်ဒ်ပှၤတဂၤဃ့တၢ်လၢအတံၤသကိးအဂီၢ်အသိးန့ၣ်လီၤ.

လံာ်တၢ်ဟးထီၣ်ကွံာ် 33:11

ယွၤကကတိၤတၢ်ဒီးစီၤမိၤၡ့မဲာ်သကိးမဲာ်မၤသးဒ်သိးပှၤတဂၤ ကတိၤသကိးတၢ်ဒီးအတံၤသကိးန့ၣ်လီၤ. အန့ၣ်ဝံၤဒီး, စီၤမိၤၡ့ကဟဲက့ၤဆူတၢ်သူၣ်ဒဲအလီၢ်လီၤ. ဘၣ်ဆၣ်ဒီးပှၤသးစၢ်တဂၤလၢအမၤစၢၤအီၤ, စီၤနိၣ်အဖိခွါစီၤယိၤၡူန့ၣ်အိၣ်တ့ၢ်ဖဲယွၤအဒဲစီဆှံအပူၤန့ၣ်လီၤ.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်မၢ်ကူး 12:10

တၢ်ကွဲးအသးအံၤမ့ၢ်သုတဖးဘၣ်ဒံးဘၣ်ဧါ. ‘လၢၢ်တဖျၢၣ်လၢပှၤဘှီထီၣ်ဟံၣ်တဖၣ်ညိကွံာ်ဝဲ ဒ်တၢ်လၢအဘျုးတအိၣ်နီတမံၤဘၣ်န့ၣ်, ကဲထီၣ်တ့ၢ်လံဟံၣ်သနၢၣ်အလၢၢ် လၢအဘျုးအဖှိၣ်အိၣ်ဒိၣ်ကတၢၢ်န့ၣ်လီၤ.

လံာ်မၢ်ကူး 15:27

အဝဲသ့ၣ်ပျၤထီစ့ၢ်ကီးတမျာ်ခံဂၤတပူၤဃီဒီးယ့ၣ်ၡူး, တဂၤလၢအစုထွဲဒီးတဂၤလၢအစုစ့ၣ်လီၤ.

လံာ်လူၤကၣ် 4:21

အဝဲဒၣ်စးထီၣ်ကတိၤတၢ်ဒီးအဝဲသ့ၣ်ဒီးစံးဝဲ, “တၢ်ကွဲးအသးတတီၤအံၤလၢထီၣ်ပှဲၤထီၣ်လံဝဲတနံၤအံၤ, ဖဲသုနၢ်ဟူတၢ်ဖးဖျါထီၣ်အီၤအဆၢကတီၢ်န့ၣ်လီၤ.”

မၤတၢ် 1:16

“ယဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢအပာ်ဖျါသးစီဆှံအတၢ်ဒုးစံးဒုးကတိၤစီၤဒၤ ဝံးဖဲအဝဲကတိၤဆိပာ်စၢၤဘၣ်ဃးစီၤယူဒၤလၢအမ့ၢ်ပှၤဆှၢ ပှၤလၢအလဲၤဖီၣ်ယ့ၣ်ၡူးအဂ့ၢ်န့ၣ်, ကဘၣ်လၢထီၣ်ပှဲၤထီၣ်ဝဲလီၤ.

ရိမ့ၤ 11:2

ကစၢ်ယွၤတညိကွံာ်အပှၤကလုာ်လၢအဃုထၢပာ်ဝဲလၢအခီၣ်ထံး လံၤလံၤန့ၣ်ဘၣ်. သုသ့ၣ်ညါတၢ်ကွဲးအသးစီဆှံဘၣ်ဃးဝံအ့ၤလံယၤ အတၢ်ဃ့သကွံၢ်ကညးကစၢ်ယွၤထီဒါအံၣ်စရ့လးလၢအစံးဝဲ,

ရိမ့ၤ 9:17

အဂ့ၢ်ဒ်လဲၣ်န့ၣ်, တၢ်ကွဲးအသးစီဆှံစံးဘၣ်ဖၤရိၤ, “ယဒုးကဲထီၣ်နၤစီၤပၤလၢယကသူနၤလၢယကဒုးနဲၣ် ယစိကမီၤအဂီၢ်, ဒီးလၢယမံၤကဘၣ်တၢ်သ့ၣ်ညါအီၤလၢ ဟီၣ်ခိၣ်ဒီဘ့ၣ်အဂီၢ်န့ၣ်လီၤ.”

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

ကလၤတံ 3:6

ကွၢ်ဆိကမိၣ်စီၤအၤဘြၤဟၣ်အတၢ်လဲၤခီဖျိတက့ၢ်. ဒ်တၢ်ကွဲး အသးစံးဝဲအသိး, “အဝဲဒၣ်နာ်ယွၤဒီးမ့ၢ်လၢအဝဲဒၣ်အတၢ်စူၢ် တၢ်နာ်အဃိ, ကစၢ်ယွၤတူၢ်လိာ်အီၤဒ်ပှၤတဂၤလၢအတီဝဲလိၤဝဲ အသိးန့ၣ်လီၤ” (ကဲထီၣ် ၁၅:၆).

၂ တံၤမသ့း 3:16

တၢ်ကွဲးအသးခဲလၢာ်န့ၣ်ဘၣ်တၢ်ကွဲးအီၤလၢကစၢ်ယွၤ အသးစီဆှံဒီးဂ့ၤလၢတၢ်သိၣ်လိတၢ်မ့ၢ်တၢ်တီအဂီၢ်, သိၣ်ဃီၣ်တၢ်ကမၣ်အဂီၢ်, ဘှီဘၣ်က့ၤတၢ်လၢအကမၣ် တဖၣ်အဂီၢ်, ဒီးသိၣ်လိနဲၣ်လိတၢ်လၢတၢ်အိၣ်မူအဂ့ၤ အဘၣ်အဂီၢ်,

ယၤကိာ် 2:24

သတးဒီး, သုထံၣ်လၢပှၤတဂၤဘၣ်တၢ်ပာ်တီပာ်လိၤအီၤလၢ အတၢ်မၤအဃိ, ဒီးတမ့ၢ်ဘၣ်ထဲလၢအတၢ်စူၢ်တၢ်နာ်တမံၤဧိၤ အဃိန့ၣ်ဘၣ်လီၤ.

၁ ပ့းတရူး 2:6

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ယဃုထၢလၢၢ်လုၢ်ဒိၣ်ပှ့ၤဒိၣ်တဖျၢၣ်, လၢယပာ်လီၤအီၤဒ်လၢၢ်သနၢၣ်လၢ စံယိၣ်အပူၤလီၤ. ဒီးပှၤတဂၤလၢ်လၢ်လၢအနာ်အီၤန့ၣ် တသးဟးဂီၤဘၣ်ဝဲနီတဘျီဘၣ်” (ၡါ ၂၈:၁၆).