ယၤကိာ် 2:20 - Sgaw Karen Common Bible

²⁰ ပှၤဟးဂီၤဖိဧၢ, မ့ၢ်နသးအိၣ်လၢတၢ်ကဒုးနဲၣ်နၤတၢ်စူၢ်တၢ်နာ်လၢအတအိၣ် ဒီးတၢ်မၤန့ၣ်မ့ၢ်တၢ်လၢအတဂိာ်တသီၣ်ဘၣ်န့ၣ်ဧါ.

ယၤကိာ် 2:20 Iomraidhean Croise

တၢ်ကတိၤဒိ. 12:11

ပှၤထူစံာ်ဖိလၢအမၤတၢ်ဆူၣ်ဆူၣ်တဂၤအိၣ်ဒီးတၢ်အီၣ်တၢ်အီ လၢလၢပှဲၤပှဲၤလီၤ. မ့မ့ၢ်တၢ်မၤလၢာ်တၢ်ဆၢကတီၢ်လၢတၢ်မၤတဂီာ် တသီၣ်တဖၣ်အဂီၢ်န့ၣ်မ့ၢ်တၢ်သူၣ်တထံသးတဆးန့ၣ်လီၤ.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

ရိမ့ၤ 3:28

အဂ့ၢ်ဒ်အံၤပစံးသ့လၢပှၤကညီတဂၤဘၣ်တၢ်ပာ်တီပာ်လိၤ အီၤလၢယွၤခီဖျိဒၣ်ထဲလၢတၢ်စူၢ်တၢ်နာ်, ဒီးတမ့ၢ်ဘၣ်လၢအမၤထွဲတၢ်သိၣ်တၢ်သီအတၢ်မၤလိာ်တဖၣ် အခံအဃိန့ၣ်ဘၣ်.

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၁ တံၤမသ့း 1:6

ပှၤတနီၤဃၣ်ကွံာ်အသးလၢတၢ်သ့ၣ်တဖၣ်အံၤဒီးလဲၤကမၣ် ဆူတၢ်ကတိၤသကိးတၢ်လၢအခီပညီတအိၣ်တဖၣ်အပူၤ န့ၣ်လီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

ယၤကိာ် 2:17

တၢ်စူၢ်တၢ်နာ်မ့ၢ်တၢ်ဒ်န့ၣ်အသိးလီၤ. မ့ၢ်အိၣ်ဒၣ်ထဲတၢ်စူၢ်တၢ်နာ်ဒီးတၢ်မၤမ့ၢ်တအိၣ်ဘၣ်န့ၣ်, မ့ၢ်တၢ်စူၢ်တၢ်နာ်လၢအသံန့ၣ်လီၤ.

ယၤကိာ် 2:26

လၢတၢ်န့ၣ်အဃိ, ဒ်နီၢ်ခိလၢအတအိၣ်ဘၣ်ဒီးသးသံဝဲ အသိးန့ၣ်, တၢ်စူၢ်တၢ်နာ်လၢအတအိၣ်ဘၣ်ဒီးတၢ်မၤန့ၣ် သံဝဲစ့ၢ်ကီးန့ၣ်လီၤ.