ယၤကိာ် 2:2 - Sgaw Karen Common Bible

² ပှၤထူးပှၤတီၤလၢအသိးပသံးထူဒီးကူကၤတၢ်လၢအဂ့ၤ တဂၤမ့ၢ်ဟဲဘၣ်ဆူသုတၢ်အိၣ်ဖှိၣ်, ဒီးပှၤဖှီၣ်ဖိယာ်ဖိလၢအကူကၤတၢ်ယာ်ဖျ့တဂၤမ့ၢ်ဟဲစ့ၢ်ကီး ဝဲန့ၣ်,

ယၤကိာ် 2:2 Iomraidhean Croise

လံာ်တၢ်ကဲထီၣ်အခီၣ်ထံး 27:15

ဒီးနီၢ်ရံးဘကၤဟံးန့ၢ်စီၤဧ့ၡီၤအကူအသိးအဂ့ၤကတၢၢ်လၢအပာ် ဃာ်ဝဲလၢဟံၣ်ပူၤဒီးဒုးသိးထီၣ်စီၤယၤကိာ်န့ၣ်လီၤ.

လံာ်နီၢ်အ့ၤစတၢ် 3:10

စီၤပၤဘ့ၣ်လီၤအပသံးလၢအဘၣ်တၢ်သူအီၤဒ်တၢ်စဲပနီၣ်လၢ အဘၣ်ဃးဒီးပဒိၣ်ပပှၢ်အတၢ်ဘိးဘၣ်သ့ၣ်ညါ, ဒီးဟ့ၣ်လီၤဝဲ ဆူပှၤအကၤကးဖိ, စီၤဟးမဒၤသၤအဖိခွါစီၤဟၤမၣ်လၢ အမ့ၢ်ပှၤယူဒၤဖိအဒုၣ်အဒါအစုပူၤန့ၣ်လီၤ.

လံာ်နီၢ်အ့ၤစတၢ် 8:2

စီၤပၤဘ့ၣ်လီၤကွံာ်အပသံးလၢအအိၣ်ဒီးအဝဲအတၢ်စဲပနီၣ်, (လၢအဟံးန့ၢ်က့ၤဝဲလၢစီၤဟၤမၣ်အအိၣ်န့ၣ်), ဒီးဟ့ၣ်လီၤဝဲစီၤမၢ်ဒကဲၤန့ၣ်လီၤ. ဒီးနီၢ်အ့ၤစတၢ်ပာ်စီၤမၢ်ဒကဲၤဒ်ပှၤပၢၤစီၤဟၤမၣ်အတၢ်စုလီၢ် ခီၣ်ခိၣ်န့ၣ်လီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

ယၤကိာ် 2:3

သုမ့ၢ်ဒုးနဲၣ်တၢ်ယူးယီၣ်အါတက့ၢ်ဆူပှၤကူကၤတၢ်လၢ အဂ့ၤတဂၤဒီးစံးဘၣ်အီၤ, “ဟံးန့ၢ်တၢ်လီၢ်အဂ့ၤကတၢၢ်ဖဲအံၤ တက့ၢ်.” ဘၣ်ဆၣ်ဒီးပှၤဖှီၣ်ဖိယာ်ဖိတဂၤတခီသုစံးဘၣ် အီၤ, “ဆၢထၢၣ်ဖဲန့ၣ်” မ့တမ့ၢ် “ဆ့ၣ်နီၤဖဲယခီၣ်ကပၤလၢသ့ၣ်ဘၣ်ခိၣ်အံၤတက့ၢ်” ဒီး,