ယၤကိာ် 2:18 - Sgaw Karen Common Bible

¹⁸ ဘၣ်ဆၣ်ဒီးပှၤတဂၤဂၤကစံးဝဲ, “ပှၤတဂၤအိၣ်ဒီးအတၢ်စူၢ် တၢ်နာ်, ဒီးအဂၤတဂၤအိၣ်ဒီးတၢ်မၤလီၤ.” ယတၢ်စံးဆၢမ့ၢ် အအံၤ, “ဒုးနဲၣ်ယၤပှၤတဂၤလၢအအိၣ်ဒီးတၢ်စူၢ်တၢ်နာ်လၢ အတအိၣ်ဘၣ်ဒီးတၢ်မၤန့ၣ်တက့ၢ်. ဒီးယကဒုးနဲၣ်သုယတၢ်စူၢ်တၢ်နာ်ခီဖျိယတၢ်မၤန့ၣ်လီၤ.”

ယၤကိာ် 2:18 Iomraidhean Croise

ရိမ့ၤ 14:23

ဘၣ်ဆၣ်ဒီး ပှၤတဂၤလၢအအီၣ်တၢ်လၢတၢ်သးဒ့ဒီအပူၤ န့ၣ်ကစၢ်ယွၤစံၣ်ညီၣ်အီၤဖဲအအီၣ်တၢ်အခါန့ၣ်လီၤ. အဂ့ၢ်ဒ်အံၤတၢ်မၤန့ၣ်တသန့ၤထီၣ်အသးလၢတၢ်နာ်အလိၤဘၣ်. ဒီးတၢ်တမံၤဂ့ၤတမံၤဂ့ၤလၢအတသန့ၤထီၣ်အသးလၢတၢ်နာ် န့ၣ်မ့ၢ်တၢ်ဒဲးဘးလီၤ.

ရိမ့ၤ 3:28

အဂ့ၢ်ဒ်အံၤပစံးသ့လၢပှၤကညီတဂၤဘၣ်တၢ်ပာ်တီပာ်လိၤ အီၤလၢယွၤခီဖျိဒၣ်ထဲလၢတၢ်စူၢ်တၢ်နာ်, ဒီးတမ့ၢ်ဘၣ်လၢအမၤထွဲတၢ်သိၣ်တၢ်သီအတၢ်မၤလိာ်တဖၣ် အခံအဃိန့ၣ်ဘၣ်.

ရိမ့ၤ 4:6

တၢ်လၢစီၤဒၤဝံးတဲထီၣ်ဝဲတဖၣ်န့ၣ်မ့ၢ်တၢ်တမံၤဃီန့ၣ်လီၤ. အဝဲတဲတၢ်ဘၣ်ဃးပှၤတဂၤလၢအသူၣ်ခုသးခုလၢကစၢ်ယွၤ တူၢ်လိာ်အီၤဒ်ပှၤအတီအလိၤတဂၤအသိးတမ့ၢ်လၢအတၢ်မၤ အဃိန့ၣ်ဘၣ်ဆိၣ်ဂ့ၤဝဲလီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 9:19

မ့မ့ၢ်ဒ်န့ၣ်ဒီး, သုကစံးဘၣ်ယၤ, “တၢ်မ့ၢ်မၤအသးဒ်အံၤဒီး, ကစၢ်ယွၤပာ်တၢ်ကမၣ်လၢပှၤအလိၤကသ့ဒ်လဲၣ်. မ့ၢ်မတၤတြီဆၢကစၢ်ယွၤအတၢ်ဘၣ်အသးကသ့တဂၤလဲၣ်.”

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.

ယၤကိာ် 2:14

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်စံးဝဲလၢအဝဲအိၣ်ဒီးတၢ်စူၢ် တၢ်နာ်ဘၣ်ဆၣ်အတၢ်မၤမ့ၢ်တအုၣ်အသးဒ်န့ၣ်ဘၣ်ဒီး, အဘျုးအိၣ် မနုၤလဲၣ်. တၢ်စူၢ်တၢ်နာ်အဝဲန့ၣ်အုၣ်က့ၤခီၣ်က့ၤအီၤဘၣ်ကသ့ဧါ.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.