ယၤကိာ် 2:11 - Sgaw Karen Common Bible

¹¹ ပှၤတဂၤဃီလၢအစံးဝဲ, “တဘၣ်မၤကမၣ်မုၣ်ကမၣ်ခွါတဂ့ၤ” န့ၣ်စံးစ့ၢ်ကီးဝဲ, “တဘၣ်မၤသံတၢ်တဂ့ၤ” န့ၣ်လီၤ. လၢတၢ်န့ၣ်အဃိ, သုမ့ၢ်တမၤကမၣ်မုၣ်ကမၣ်ခွါသနာ်က့, သုမ့ၢ်မၤသံတၢ်ဒီး, သုကဲထီၣ်ပှၤလုၣ်သ့ၣ်ခါပတာ်တၢ်သိၣ် တၢ်သီန့ၣ်လီၤ.

ယၤကိာ် 2:11 Iomraidhean Croise

လံာ်တၢ်ဘူၣ်ထီၣ်ဘါထီၣ် 4:13

ပှၤအံၣ်စရ့လးဖိဒီတဖုမ့ၢ်မၤဘၣ်တၢ်ဒဲးဘးဒီးကဲထီၣ်တၢ် ခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ်သူၣ်ပာ်သးအပူၤ,

လံာ်တၢ်ဘူၣ်ထီၣ်ဘါထီၣ် 4:22

ဒီးတုၤပှၤပၢတၢ်တဂၤမၤတၢ်ဒဲးဘးဒီးအတၢ်ကမၣ်အိၣ်ဝဲလၢအလဲၤ ကပာ်ဘၣ်တၢ်လၢယွၤမၤလိာ်အီၤမၤတဂ့ၤဒီးမၤတ့ၢ်ဝဲလၢတၢ်တတိာ်သူၣ်ပာ်သးအပူၤန့ၣ်,

လံာ်မးသဲ 19:18

အဝဲသံကွၢ်တၢ်ဒီးစံး, “တၢ်မၤလိာ်မနုၤတဖၣ်လဲၣ်.” ဒီးယ့ၣ်ၡူးစံးဆၢအီၤ, “မၤသံပှၤကညီတဂ့ၤ. အဲၣ်ဘၢမါအဲၣ်ဘၢဝၤတဂ့ၤ. ဟုၣ်တၢ်တဂ့ၤ. အုၣ်နသးကဘျံးကဘျၣ်တဂ့ၤ.

လံာ်မၢ်ကူး 10:19

ယွၤအတၢ်မၤလိာ်တဖၣ်နသ့ၣ်ညါနဲလီၤ. မၤသံပှၤကညီတဂ့ၤ, အဲၣ်ဘၢမါအဲၣ်ဘၢဝၤတဂ့ၤ, ဟုၣ်တၢ်တဂ့ၤ, အုၣ်နသးကဘျံးကဘျၣ်လၢပှၤအဂ့ၢ်တဂ့ၤ, လီအီၣ်ပှၤဂၤတဂ့ၤ, ယူးယီၣ်နမိၢ်နပၢ်တက့ၢ်.”

လံာ်လူၤကၣ် 18:20

နသ့ၣ်ညါတၢ်သိၣ်တၢ်သီတဖၣ်ကစီဒီလီၤ. ‘တဘၣ်အဲၣ်ဘၢတၢ်တဂ့ၤ, တဘၣ်မၤသံတၢ်တဂ့ၤ, တဘၣ်ဟုၣ်တၢ်တဂ့ၤ, တဘၣ်ကတိၤကဘျံးကဘျၣ်တၢ်တဂ့ၤ, ယူးယီၣ်ပာ်ကဲနမိၢ်ဒီးနပၢ်တက့ၢ်.’ ”

ရိမ့ၤ 13:9

တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.