ယၤကိာ် 1:8 - Sgaw Karen Common Bible

⁸ အဂ့ၢ်ဒ်လဲၣ်န့ၣ်လၢတၢ်ခဲလၢာ်လၢအဝဲမၤဝဲအပူၤန့ၣ်, အသးတဂၢၢ်ဘၣ်ဒီးစံၣ်ညီၣ်တဲာ်တၢ်တသ့ဘၣ်အဃိ န့ၣ်လီၤ.

ယၤကိာ် 1:8 Iomraidhean Croise

လံာ်စီၤပၤအခီၣ်ထံးတဘ့ၣ် 18:21

စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.

လံာ်စီၤပၤခံဘ့ၣ်တဘ့ၣ် 17:33

လၢတၢ်န့ၣ်အဃိ, အဝဲသ့ၣ်ဘူၣ်ထီၣ်ဘါထီၣ်ယွၤ, ဘၣ်ဆၣ်အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးအဝဲသ့ၣ်အကစၢ်ဒၣ်ဝဲ တဖၣ်ဒ်ထံကီၢ်လၢအဝဲသ့ၣ်ဟဲက့ၤဝဲအတၢ်လုၢ်တၢ်လၢ်တဖၣ်အိၣ်ဝဲ အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:41

လၢတၢ်န့ၣ်အဃိ, ပှၤဂီၢ်မုၢ်သ့ၣ်တဖၣ်န့ၣ်, ဘူၣ်ထီၣ်ဘါထီၣ်ယွၤ, ဘၣ်ဆၣ်အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးအတၢ်ဂီၤတၢ်ဖီၣ်တဖၣ်, ဒီးတုၤလီၤလၢမုၢ်မဆါတနံၤအံၤန့ၣ်အဝဲသ့ၣ်အစၢၤအသွဲၣ်တဖၣ် မၤဒံးဒၣ်တၢ်တမံၤဃီဒ်န့ၣ်အသိးလီၤ.

စံးထီၣ်ပတြၢၤ 119:113

ပှၤလၢအသးခံဖျၢၣ်တဖၣ်န့ၣ်ယသးဟ့အီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်မးသဲ 6:22

ပှၤကညီအမဲာ်ချံမၤသးဒ်မ့ၣ်အူဒၢတဖျၢၣ်လၢအနီၢ်ခိအဂီၢ် လီၤ. အမဲာ်ချံမ့ၢ်ဆးဒီးအနီၢ်ခိဒီဂၤညါကပှဲၤဒီးတၢ်ကပီၤလီၤ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

ယၤကိာ် 1:7

ပှၤဒ်န့ၣ်သိးတဂၤန့ၣ်, တဘၣ်ဆိကမိၣ်လၢအကဒိးန့ၢ်ဘၣ်တၢ်တမံၤမံၤလၢကစၢ် အအိၣ်န့ၣ်တဂ့ၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၂ ပ့းတရူး 3:16

အဝဲကွဲးတၢ်ဒ်သိးအံၤထီဘိဖဲအကွဲးတၢ်ဘၣ်ဃးတၢ်ဂ့ၢ် အံၤန့ၣ်လီၤ. လၢအလံာ်ပရၢတဖၣ်အပူၤတၢ်အိၣ်ဝဲတနီၤလၢ ပနၢ်ပၢၢ်အီၤကီဒီးပှၤလၢအတသ့လံာ်ဒီးအသးတဂၢၢ်တကျၢၤ တဖၣ်ထုးထီၣ်ကမၣ်ဝဲအခီပညီဒ်အမၤဝဲလၢတၢ်ကွဲး အသးစီဆှံအဂၤတဖၣ်အသိးလီၤ. သတးဒီး, အဝဲသ့ၣ်ဃုအတၢ်ဟးဂီၤဒၣ်ဝဲန့ၣ်လီၤ.