ယၤကိာ် 1:26 - Sgaw Karen Common Bible

²⁶ ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

ယၤကိာ် 1:26 Iomraidhean Croise

လံာ်စီၤယိၤဘး 15:13

နသးထီၣ်ကစၢ်ယွၤဒီးနကတိၤဒုၣ်ဒွဲၣ်အီၤလီၤ.

လံာ်စီၤယိၤဘး 30:11

မ့ၢ်လၢကစၢ်ယွၤမၤလီၤစၢ်တ့ၢ်လံယဂံၢ်ယဘါဒီးပှၤမၤစၢၤယၤ တအိၣ်ဘၣ်အဃိအဝဲသ့ၣ်ထီဒါယၤလၢအတၢ်သးထီၣ်အပူၤန့ၣ်လီၤ.

စံးထီၣ်ပတြၢၤ 141:3

ယွၤဧၢ, ပာ်တၢ်ပၢၤလၢယထးခိၣ် ဒီးပၢၤဃာ်ယနိးဖံးအတြဲၤတက့ၢ်.

စံးထီၣ်ပတြၢၤ 32:9

လီၤဂာ်ဒီးကသ့ၣ်မ့တမ့ၢ်ကသ့ၣ်လၤလၢ အတအိၣ်ဒီးတၢ်သ့ၣ်ညါတဂ့ၤ. ဘၣ်တၢ်ပၢဆှၢအီၤလၢကသ့ၣ်အထးအ့ၣ် ဒီးနိာ်ပျံၤလၢအကဒိကနၣ်တၢ်အဂီၢ်လီၤ.”

စံးထီၣ်ပတြၢၤ 34:13

ဟးဆှဲးတၢ်ကတိၤအအၢအသီ ဒီးတၢ်လီတၢ်ဝ့ၤအတၢ်ကတိၤန့ၣ်တက့ၢ်.

တၢ်ကတိၤဒိ. 10:19

နတၢ်ကတိၤဒံးအါ, နမၤဒဲးဘးတၢ်ကဒံးအါတက့ၢ်လီၤ. နမ့မ့ၢ်ပှၤလၢအကူၣ်တၢ်သ့ဒီးနကအိၣ်ဘှ့ၣ်အိၣ်ဘှီၣ်န့ၣ်လီၤ.

တၢ်ကတိၤဒိ. 10:31

ပှၤအတီအလိၤကတိၤတၢ်ကူၣ်သ့လီၤ. မ့မ့ၢ်, ပျ့ၤလၢအကတိၤတၢ်အၢ တၢ်သီန့ၣ်ကဘၣ်တၢ်ဒီၣ်တဲာ်ကွံာ်အီၤလီၤ.

တၢ်ကတိၤဒိ. 14:12

တၢ်လၢနဆိကမိၣ်မ့ၢ်ကျဲအဘၣ်န့ၣ်, ဆှၢနၤဆူတၢ်သံသ့ဝဲလီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 16:10

စီၤပၤကတိၤတၢ်လၢယွၤအတၢ်စိတၢ်ကမီၤအပူၤလီၤ. အတၢ်စံၣ်ညီၣ်တဲာ်တဖၣ်ဘၣ်ဝဲထီဘိလီၤ.

တၢ်ကတိၤဒိ. 16:25

တၢ်လၢနဆိကမိၣ်မ့ၢ်ကျဲအဘၣ်န့ၣ်ဆှၢနၤဆူတၢ်သံသ့ဝဲလီၤ.

တၢ်ကတိၤဒိ. 19:1

တၢ်မ့ၢ်ပှၤဖှီၣ်ဖိတဂၤလၢအတီအလိၤန့ၣ်, ဂ့ၤဒိၣ်န့ၢ်ဒံးတၢ်မ့ၢ်ပှၤဟးဂီၤဖိတဂၤလၢအလီတၢ်န့ၣ်လီၤ.

တၢ်ကတိၤဒိ. 21:26

ကယဲၢ်တၢ်လၢအမၤဝဲခဲလၢာ်န့ၣ်, မ့ၢ်တၢ်ဆိကမိၣ်ထီၣ်တၢ်လၢအဝဲသးအိၣ်မၤန့ၢ်ဝဲတဖၣ်န့ၣ်လီၤ. မ့မ့ၢ်ပှၤအတီအလိၤတဂၤန့ၣ်, ဟ့ၣ်တၢ်သ့, ဒီးကဟ့ၣ်ဝဲလၢတၢ်သူၣ်အိၣ်သးအိၣ်အပူၤန့ၣ်လီၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်မၤလကံ 3:14

သုစံးတ့ၢ်သုဝဲ, “ပမၤယွၤအတၢ်န့ၣ်အဘျုးတအိၣ်ဘၣ်. တၢ်မၤထွဲတၢ်လၢအဝဲစံးမ့ၢ်ဂ့ၤ, ကျဲးစၢးပာ်ဖျါဆူယွၤသ့တၢ်လၢာ်လၢပသးအုးလၢတၢ်လၢပမၤဘၣ် တ့ၢ်အီၤအဃိန့ၣ်အဘျုးမနုၤကအိၣ်န့ၣ်လဲၣ်.

လံာ်မးသဲ 15:9

အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ် အဘျုးတအိၣ်ဘၣ်. အဂ့ၢ်ဒ်အံၤ, အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ ပှၤကညီဒုးအိၣ်ထီၣ်တဖၣ်, ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ” (ၡါ. ၂၉:၁၃).

လံာ်မၢ်ကူး 7:7

အတၢ်ဘူၣ်ထီၣ်ဘါထီၣ်ယၤကဲတၢ်ကလီကလီ မ့ၢ်လၢအဝဲသ့ၣ်သိၣ်လိပှၤကညီအတၢ်သိၣ်တၢ်သီတဖၣ် ဒ်ကစၢ်ယွၤအတၢ်သိၣ်တၢ်သီအသိးအဃိန့ၣ်လီၤ.’

လံာ်လူၤကၣ် 8:18

လၢတၢ်န့ၣ်အဃိ, သုနၢ်ဟူတၢ်ဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်. အဂ့ၢ်ဒ်အံၤ, ပှၤတဂၤလၢ်လၢ်လၢအတၢ်အိၣ်ဝဲတမံၤမံၤန့ၣ်, တၢ်ကဟ့ၣ်အါထီၣ်အီၤ, မ့မ့ၢ်ပှၤတဂၤလၢ်လၢ်လၢအတၢ်တအိၣ်နီတမံၤန့ၣ်, တၢ်လၢအဝဲဒၣ်ဆိကမိၣ်လၢအအိၣ်ဒီးအီၤတစဲးဖိဒၣ်လဲာ်, တၢ်ကဟံးထီၣ်ကွံာ်လၢအအိၣ်လီၤ.”

1 ကရံၣ်သူး 15:15

အါန့ၢ်အန့ၣ်, ပဘၣ်တၢ်ပာ်ဖျါထီၣ်ပှၤလၢပကတိၤတၢ်ကတိၤ တမ့ၢ်တတီဘၣ်ဃးဒီးယွၤအဂ့ၢ်န့ၣ်လီၤ. အဂ့ၢ်ဒ်အံၤ ပစံးလၢအဝဲဒၣ်ဒုးဂဲၤဆၢထၢၣ်က့ၤခရံာ်လၢတၢ်သံန့ၣ်လီၤ. ဘၣ်ဆၣ်ဒီး, ပှၤသံတဘၣ်တၢ်ဒုးဂဲၤဆၢထၢၣ်သမူထီၣ်အီၤအဂ့ၢ်န့ၣ် မ့မ့ၢ်မ့တီဒီး, အဝဲဒၣ်တဒုးဂဲၤဆၢထၢၣ်သမူထီၣ်က့ၤခရံာ်ဘၣ်လီၤ.

1 ကရံၣ်သူး 15:2

အဝဲန့ၣ်မ့ၢ်တၢ်သးခုကစီၣ်, တၢ်ကစီၣ်လၢယစံၣ်တဲၤတဲလီၤ ယဲဆူသုအိၣ်န့ၣ်လီၤ. မ့တမ့ၢ်လၢသုစူၢ်သုနာ်ကလီကလီ တၢ်ဘၣ်ဒီးသုမ့ၢ်ဟံးဃာ်တၢ်သးခုကစီၣ်အံၤကျၢၤကျၢၤန့ၣ်, သုဒိးန့ၢ်ဘၣ်တၢ်အုၣ်က့ၤခီၣ်က့ၤလၢအီၤလီၤ.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

ကလၤတံ 2:6

မ့မ့ၢ်ပှၤသ့ၣ်တဖၣ်လၢအဖျါဒ်ပှၤခိၣ်ပှၤနၢ်တဖၣ်အသိးန့ၣ်, ပစံးတၢ်အံၤမ့ၢ်လၢအဝဲသ့ၣ်မ့ၢ်တ့ၢ်တၢ်မနုၤလဲၣ်န့ၣ်တမ့ၢ် တၢ်လီၤဆီလၢယဂီၢ်ဘၣ်န့ၣ်လီၤ. ကစၢ်ယွၤတစံၣ်ညီၣ်တၢ်ဒ်တၢ်အိၣ်ဖျါလၢခိအသိးဘၣ်. ပှၤခိၣ်ပှၤနၢ်သ့ၣ်တဖၣ်န့ၣ်, ယစံးယဲတအိၣ်ဒီးတၢ်ဟ့ၣ်ကူၣ်ဟ့ၣ်ဖးအသီလၢယဂီၢ်နီတမံၤဘၣ်.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

ကလၤတံ 3:4

သုတၢ်လဲၤခီဖျိခဲလၢာ်အခီပညီတအိၣ်နီတမံၤလၢၤဘၣ်ဧါ. သပှၢ်ကတၢၢ်အခီပညီကအိၣ်တမံၤမံၤသၢၣ်.

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 5:4

တၢ်ကတိၤဘၣ်အၢဘၣ်သီ, တၢ်ကတိၤဟးဂူာ်ဟးဂီၤ, ဒီးတၢ်ကတိၤလီၤလူလီၤဘျၢၣ်တဖၣ်န့ၣ်, မ့ၢ်တၢ်လၢအတကြၢးတဘၣ်သတးဒီးတဘၣ်ကတိၤအီၤ တဂ့ၤ. မ့မ့ၢ်စံးထီၣ်ပတြၢၤကစၢ်ယွၤတက့ၢ်.

လံာ်သိၣ်လီၤသီလီၤတၢ် 11:16

ပျဲသုနီၢ်ကစၢ်ဒၣ်ဝဲဘၣ်တၢ်ဆှၢယံၤကွံာ်သုလၢယွၤအအိၣ်လၢတၢ် ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်အဂီၢ်တဂ့ၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

ယၤကိာ် 1:22

တဘၣ်လီလီၤသုသးခီဖျိထဲလၢတၢ်ဒိကနၣ်တၢ်ကလုၢ် ကထါဧိၤန့ၣ်တဂ့ၤ. မ့မ့ၢ်, အိၣ်မူမၤထွဲတၢ်ကလုၢ်ကထါအံၤတက့ၢ်.

ယၤကိာ် 2:20

ပှၤဟးဂီၤဖိဧၢ, မ့ၢ်နသးအိၣ်လၢတၢ်ကဒုးနဲၣ်နၤတၢ်စူၢ်တၢ်နာ်လၢအတအိၣ် ဒီးတၢ်မၤန့ၣ်မ့ၢ်တၢ်လၢအတဂိာ်တသီၣ်ဘၣ်န့ၣ်ဧါ.

၁ ပ့းတရူး 3:10

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအသးအိၣ်မုာ်လၤလၢ တၢ်အိၣ်မူအပူၤ ဒီးဆၢထံၣ်ဘၣ်နံၤသီလၢအဂ့ၤတဖၣ်န့ၣ်, တဘၣ်ကတိၤအၢကတိၤသီတၢ်ဘၣ် ဒီးကဘၣ်ဆိကတီၢ် တၢ်ကတိၤလီတၢ်တဖၣ်န့ၣ်လီၤ.