ယၤကိာ် 1:25 - Sgaw Karen Common Bible

²⁵ ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.

ယၤကိာ် 1:25 Iomraidhean Croise

စံးထီၣ်ပတြၢၤ 106:3

ပှၤလၢအတိၢ်န့ၢ်အဝဲအတၢ်မၤလိာ်တဖၣ်, ဒီးပှၤလၢအမၤတၢ်တီတၢ်လိၤ ကိးဆၢကိးကတီၢ်ဒဲးန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:32

တုၤနဟ့ၣ်အါထီၣ်ယၤယတၢ်သ့ၣ်ညါနၢ်ပၢၢ်တၢ်န့ၣ်ဒီး ယကစူၢ်နတၢ်မၤလိာ်တဖၣ်လၢ တၢ်သးဆူၣ်အပူၤလီၤ.

စံးထီၣ်ပတြၢၤ 119:45

ဒီးယကလဲၤတၢ်လၢတၢ်သဘျ့အလၢအပှဲၤအပူၤလီၤ. အဂ့ၢ်ဒ်အံၤ, ယဃုတ့ၢ်လံ နတၢ်သိၣ်တၢ်သီတဖၣ်န့ၣ်လံ.

တၢ်ကတိၤဒိ. 14:15

ပှၤဟးဂီၤဖိကနာ်တၢ်တမံၤဂ့ၤတမံၤဂ့ၤလီၤ. မ့မ့ၢ်, ပှၤလၢအသူၣ်ဆးသးဆးတဖၣ်ပလီၢ်ပဒီအသးလၢ အခီၣ်ကါန့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

လံာ်ယိၤဟၣ် 8:36

ဖိခွါမ့ၢ်မၤထူၣ်ဖျဲးသုဒီးသုကထူၣ်ဖျဲးနီၢ်နီၢ်လီၤ.

မၤတၢ် 13:43

ဒီးတၢ်အိၣ်ဖှိၣ်ဘါယွၤဝံၤအလီၢ်ခံန့ၣ်, ပှၤယူဒၤဖိအါဂၤဒီးပှၤကလုာ်ဂၤလၢအနုာ်လီၤတ့ၢ်ဆူယူဒၤ အတၢ်ဘူၣ်တၢ်ဘါအပူၤအါဂၤပိာ်ထီၣ်စီၤပီလူးဒီးစီၤဘၢ်နါဘၤ အခံလီၤ. ပှၤတၢ်မၢဖိတဖၣ်ကတိၤတၢ်ဒီးအဝဲသ့ၣ်ဒီးဟ့ၣ်ဆူၣ်ထီၣ် အဂံၢ်အဘါလၢအကအိၣ်မူဆူညါလၢတၢ်သန့ၤသးလၢကစၢ်ယွၤ အဘျုးအဖှိၣ်အပူၤအဂီၢ်န့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

မၤတၢ် 26:22

ဘၣ်ဆၣ်ဒီးတုၤလၢမုၢ်တနံၤညါအံၤကစၢ်ယွၤမၤစၢၤတ့ၢ်ယၤ, ဒီးလၢတၢ်န့ၣ်အဃိယဆၢထၢၣ်ဖဲအံၤဒီးဟ့ၣ်ယတၢ်အုၣ် ယသးဆူပှၤကိးဂၤဒဲး, ဒိၣ်မ့ၢ်ဂ့ၤ, ဆံးမ့ၢ်ဂ့ၤန့ၣ်လီၤ. တၢ်လၢယစံးကတိၤယဲလၢအဂ့ၢ်န့ၣ်, မ့ၢ်တၢ်တမံၤဃီလၢဝံတဖၣ်ဒီးစီၤမိၤၡ့စံးတ့ၢ်ဝဲလၢအကမၤ အသး,

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

ရိမ့ၤ 2:13

အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 7:12

တၢ်သိၣ်တၢ်သီအိၣ်ဒၣ်အတၢ်န့ၣ်စီဝဲဆှံဝဲ, ဒီးတၢ်မၤလိာ်အိၣ်ဒၣ်အတၢ်န့ၣ်စီဝဲဆှံဝဲ, တီဝဲလိၤဝဲ ဒီးဂ့ၤဝဲဝါဝဲလီၤ.

ရိမ့ၤ 8:15

အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ ကရံၣ်သူး 13:5

ဒိးတၢ်မၤကွၢ်လၢသုနီၢ်ကစၢ်ဒၣ်သုဝဲဒီးစံၣ်ညီၣ်လီၤက့ၤသု သးဒၣ်သုဝဲ, ဒ်သိးသုအိၣ်မူလၢတၢ်စူၢ်တၢ်နာ်အပူၤကစီ ဒီဧါတအိၣ်မူလဲၣ်န့ၣ်သုကသ့ၣ်ညါဘၣ်သုဝဲအဂီၢ်န့ၣ် တက့ၢ်. မ့တမ့ၢ်လၢသုလီၤတိၢ်သုဝဲလၢာ်လၢာ်ဆ့ဆ့လံဘၣ် န့ၣ်, သပှၢ်ကတၢၢ်သုသ့ၣ်ညါလၢယ့ၣ်ၡူးခရံာ်အိၣ်လၢသုပူၤလီၤ တမ့ၢ်ဘၣ်ဧါ.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

၁ တံၤမသ့း 2:15

ဘၣ်ဆၣ်ဒီးပိာ်မုၣ်မ့ၢ်အိၣ်ဂၢၢ်ဆိးကျၢၤလၢတၢ်စူၢ် တၢ်နာ်, တၢ်အဲၣ်တၢ်ကွံ, ဒီးတၢ်စီတၢ်ဆှံအပူၤအိၣ်ဒီးတၢ်ပာ်သး သညူးသပှၢ်န့ၣ်, အဝဲကဘၣ်တၢ်အုၣ်က့ၤခီၣ်က့ၤအီၤခီဖျိလၢအအိၣ်ဖိအိၣ်လံၤ အဃိန့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

ယၤကိာ် 2:12

ကတိၤဒီးမၤတၢ်ဒ်ပှၤတဖၣ်လၢအကဘၣ်တၢ်စံၣ်ညီၣ်အီၤ လၢတၢ်သိၣ်တၢ်သီလၢအမၤထူၣ်ဖျဲးတၢ်အသိးန့ၣ်တက့ၢ်.

၁ ပ့းတရူး 2:16

အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.

၁ ယိၤဟၣ် 2:24

မၤသးဒ်န့ၣ်ဒီး, တၢ်ကစီၣ်လၢသုနၢ်ဟူတ့ၢ်လၢအခီၣ်ထံး လံၤလံၤန့ၣ်မ်အအိၣ်အဆိးလၢသုပူၤတက့ၢ်. တၢ်လၢသုနၢ်ဟူတ့ၢ်လၢအခီၣ်ထံးလံၤလံၤမ့ၢ်အိၣ်မ့ၢ်ဆိးလၢ သုပူၤဒီး, သုကအိၣ်ကဆိးလၢဖိခွါကစၢ်ဒီးလၢပၢ်ကစၢ် အပူၤထီဘိန့ၣ်လီၤ.

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:14

သုမ့ၢ်မၤလၤကပီၤယွၤသုကစၢ်ယွၤ, မၤအတၢ်, ဒိကနၣ်အီၤ, ဒီးစူၢ်အတၢ်မၤလိာ်တဖၣ်ဒီးသုဝဲဒီးသုစီၤပၤမ့ၢ်ပိာ်အခံ ဒီး, တၢ်ကိးမံၤကလဲၤအသးဂ့ၤဂ့ၤဘၣ်ဘၣ်ဒီးသုန့ၣ်လီၤ.