ယၤကိာ် 1:15 - Sgaw Karen Common Bible

¹⁵ အန့ၣ်ဝံၤဒီး, အတၢ်သူၣ်လီသးကွံအအၢအသီဒၢထီၣ်ဒီး ဆံးစၢ်ထီၣ်တၢ်ဒဲးဘး, ဒီးတၢ်ဒဲးဘးအံၤတုၤအဒိၣ်တုာ်ခိၣ်ပှဲၤ ဒီးဆံးစၢ်ထီၣ်ဝဲတၢ်သံန့ၣ်လီၤ.

ယၤကိာ် 1:15 Iomraidhean Croise

လံာ်တၢ်ကဲထီၣ်အခီၣ်ထံး 2:17

ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:4

စီၤဒၤဝံးပျဲလီၤအပှၤစိာ်တၢ်ကစီၣ်တဖၣ် လၢကလဲၤကိးပိာ်မုၣ်န့ၣ်လီၤ. အဝဲသ့ၣ်ဟဲက့ၤစိာ်ပိာ်မုၣ်န့ၣ်ဆူအဝဲအအိၣ်ဒီးအဝဲဒၣ်မံဃုာ်ဂဲၤဃုာ်ဒီးအီၤလီၤ. (ပိာ်မုၣ်န့ၣ်မၤကဆှီအသးဝံၤသီသီလၢပိာ်မုၣ်အလုၢ်အလၢ်တလါတဘျီန့ၣ်လီၤ.) အန့ၣ်ဝံၤဒီးပိာ်မုၣ်န့ၣ်က့ၤကဒါက့ၤဆူအဟံၣ်န့ၣ်လီၤ.

လံာ်စီၤယိၤဘး 15:35

အဝဲသ့ၣ်တဖၣ်ဒၢထီၣ်တၢ်ကူၣ်ဟးဂီၤဒီးဆံးစၢ်တၢ်အၢတၢ်သီ န့ၣ်လီၤ. အဒၢလီၢ်တဖၣ်ဒုးကဲထီၣ်တၢ်လီတၢ်ဝ့ၤအက့ၢ်အဂီၤလီၤ.

စံးထီၣ်ပတြၢၤ 7:14

ကွၢ်ကွၢ်ပှၤအၢပှၤသီတဖၣ် ဆိကမိၣ်ထီၣ်တၢ်အၢတၢ်သီ, ကူၣ်ကျဲၤတၢ်မၤကီမၤခဲတၢ်ဒီး မၤတၢ်လီတၢ်ဝ့ၤအတၢ်မၤန့ၣ်လီၤ.

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

တၢ်ကတိၤဒိ. 11:19

ပှၤတဂၤလၢ်လၢ်လၢအပာ်လီၤအသးဒ်သိးကမၤတၢ်လၢအဘၣ်န့ၣ်ကမူဝဲ လီၤ. မ့မ့ၢ်, ပှၤတဂၤလၢ်လၢ်လၢအပာ်အသးဆၢဆူၣ်ဆၢမနၤလၢကမၤ အၢတၢ်န့ၣ်ကသံဝဲလီၤ.

လံာ်ယၡါယၤ 33:11

သုမၤတၢ်ကူၣ်ကျဲၤလၢအလုၢ်အပှ့ၤတအိၣ်တဖၣ်, ဒီးတၢ်လၢသုမၤခဲလၢာ်န့ၣ်မ့ၢ်တၢ်လၢအဘျုးတအိၣ်ဘၣ်လီၤ. ယသးလီၤဂာ်ဒီးမ့ၣ်အူတခါလၢအကမၤဟးဂီၤသုန့ၣ်လီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်မးသဲ 26:14

တၢ်န့ၣ်ဝံၤဒီး, အပျဲၢ်အဘီၣ်တဆံခံဂၤအကျါတဂၤလၢအဘၣ်တၢ်ကိးအီၤလၢစီၤယူဒၤ အံၣ်စကၤရံၤအိာ်န့ၣ်, လဲၤဆူပှၤလုၢ်တၢ်အခိၣ်အဒိၣ်တဖၣ်အအိၣ်,

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.

ယၤကိာ် 1:14

ဘၣ်ဆၣ်ဒီး, ပှၤတဂၤဘၣ်တၢ်လ့ပစီအီၤဖဲလၢ အဝဲဒၣ်ဘၣ်တၢ်ကွဲန့ၢ်လွဲန့ၢ်ဒီးဖီၣ်န့ၢ်အီၤလၢအတၢ်သူၣ်လီ သးကွံအအၢအသီဒၣ်ဝဲအခါန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.