ယၤကိာ် 1:14 - Sgaw Karen Common Bible

¹⁴ ဘၣ်ဆၣ်ဒီး, ပှၤတဂၤဘၣ်တၢ်လ့ပစီအီၤဖဲလၢ အဝဲဒၣ်ဘၣ်တၢ်ကွဲန့ၢ်လွဲန့ၢ်ဒီးဖီၣ်န့ၢ်အီၤလၢအတၢ်သူၣ်လီ သးကွံအအၢအသီဒၣ်ဝဲအခါန့ၣ်လီၤ.

ယၤကိာ် 1:14 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 11:4

စီၤဒၤဝံးပျဲလီၤအပှၤစိာ်တၢ်ကစီၣ်တဖၣ် လၢကလဲၤကိးပိာ်မုၣ်န့ၣ်လီၤ. အဝဲသ့ၣ်ဟဲက့ၤစိာ်ပိာ်မုၣ်န့ၣ်ဆူအဝဲအအိၣ်ဒီးအဝဲဒၣ်မံဃုာ်ဂဲၤဃုာ်ဒီးအီၤလီၤ. (ပိာ်မုၣ်န့ၣ်မၤကဆှီအသးဝံၤသီသီလၢပိာ်မုၣ်အလုၢ်အလၢ်တလါတဘျီန့ၣ်လီၤ.) အန့ၣ်ဝံၤဒီးပိာ်မုၣ်န့ၣ်က့ၤကဒါက့ၤဆူအဟံၣ်န့ၣ်လီၤ.

လံာ်စီၤယိၤဘး 31:27

ယတဘၣ်တၢ်လ့ပစီယၤလၢယကဘါထီၣ်တၢ်တဖၣ်န့ၣ်လၢ တၢ်ခူသူၣ်အပူၤဒီးယတဖှိၣ်ထီၣ်ယစုလၢတၢ်ယူးယီၣ်အီၤဘၣ်.

လံာ်စီၤယိၤဘး 31:9

ယသးမ့ၢ်ဘၣ်တၢ်ကလံာ်န့ၢ်အီၤလၢပှၤလၢယဃၢၤအမါဒီး ယမ့ၢ်ခိးခူသူၣ်တၢ်လၢအတြဲၤခီၣ်ထံးန့ၣ်ဒီး,

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ဟိၤၡ့ 13:9

ယကမၤဟးဂီၤကွံာ်နၤ, ကီၢ်အံၣ်စရ့လးအပှၤဂီၢ်မုၢ်ဧၢ, အန့ၣ်ဒီးမတၤမၤစၢၤနၤကသ့တဂၤလဲၣ်.

လံာ်မးသဲ 15:18

ဘၣ်ဆၣ်တၢ်လၢအဟဲထီၣ်လၢပှၤအကိာ်ပူၤန့ၣ်, ဟဲထီၣ်လၢပှၤအသးကံၢ်ပူၤလီၤ. တၢ်န့ၣ်မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.

လံာ်မးသဲ 15:20

တၢ်တဖၣ်အံၤ, မ့ၢ်တၢ်လၢအမၤတကဆှီဘၣ်ပှၤကညီလီၤ. မ့မ့ၢ်, ပှၤအီၣ်တၢ်ဒီးအစုလၢအတဘၣ်တၢ်သ့အီၤန့ၣ်, တမၤတကဆှီဘၣ်ပှၤကညီဘၣ်.”

လံာ်မးသဲ 4:1

တၢ်န့ၣ်ဝံၤအလီၢ်ခံယွၤအသးဆှၢယ့ၣ်ၡူးဆူပှၢ်မုၢ်ကနၢဒ်သိး အကဒိးဘၣ်တၢ်လ့ပစီအဂီၢ်လီၤ.

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.

ရိမ့ၤ 7:11

တၢ်ဒဲးဘးထံၣ်န့ၢ်ဆၢဂ့ၤကတီၢ်ဘၣ်ဒီးလီန့ၢ်ယၤခီဖျိ တၢ်မၤလိာ်န့ၣ်လီၤ. ခီဖျိတၢ်မၤလိာ်န့ၣ်, တၢ်ဒဲးဘးမၤ သံကွံာ်ယၤလီၤ.

ရိမ့ၤ 7:13

မ့မ့ၢ်ဒ်န့ၣ်ဒီး, တၢ်အဝဲအံၤမ့ၢ်ပကပာ်အခီပညီလၢတၢ် အဂ့ၤတမံၤမၤသံကွံာ်ယၤန့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်. မ့မ့ၢ်တၢ်ဒဲးဘးမၤသံယၤခီဖျိတၢ်သူတၢ်အဂ့ၤ, ဒ်သိးတၢ်ဒဲးဘးအက့ၢ်အဂီၤနီၢ်နီၢ်ကဘၣ်တၢ်လီၣ်ဖျါထီၣ် အီၤအဂီၢ်လီၤ. သတးဒီး, ခီဖျိတၢ်မၤလိာ်န့ၣ်, တၢ်ဒဲးဘးဘၣ်တၢ်ဒုးနဲၣ်အီၤဒ်အမ့ၢ်တၢ်လၢအအၢဒိၣ်န့ၣ် အလီၢ်တက့ၢ်န့ၣ်လီၤ.

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.

ယၤကိာ် 1:13

ပှၤတဂၤဂၤမ့ၢ်ဘၣ်တၢ်လ့ပစီအီၤလၢတၢ်မၤကွၢ်ဒ်သိးအံၤ တဖၣ်ဒီး, မ်အသုတစံးလၢ “တၢ်လ့ပစီအံၤဟဲလၢကစၢ်ယွၤ အအိၣ်” တဂ့ၤ. အဂ့ၢ်ဒ်လဲၣ်န့ၣ်, တၢ်အၢတၢ်သီလ့ပစီယွၤ တန့ၢ်ဘၣ်, ဒီးအဝဲအနီၢ်ကစၢ်ဒၣ်ဝဲစ့ၢ်ကီးတလ့ပစီပှၤနီတဂၤဘၣ်.

ယၤကိာ် 1:15

အန့ၣ်ဝံၤဒီး, အတၢ်သူၣ်လီသးကွံအအၢအသီဒၢထီၣ်ဒီး ဆံးစၢ်ထီၣ်တၢ်ဒဲးဘး, ဒီးတၢ်ဒဲးဘးအံၤတုၤအဒိၣ်တုာ်ခိၣ်ပှဲၤ ဒီးဆံးစၢ်ထီၣ်ဝဲတၢ်သံန့ၣ်လီၤ.