ယၤကိာ် 1:11 - Sgaw Karen Common Bible

¹¹ မုၢ်ဟဲထီၣ်ဒီးအတၢ်ကိၢ်လၢအဆူၣ်န့ၣ်မၤဃ့ထီကွံာ်နီၣ်ဧိၤမံၤဧိၤဒီး အဖီလီၤဆှု ကွံာ်ဒီးအတၢ်ဃံတၢ်လၤဟးဂီၤကွံာ်ဝဲန့ၣ်လီၤ. ဒ်န့ၣ်အသိး, ပှၤထူးပှၤတီၤကဘၣ်တၢ်မၤဟးဂီၤအီၤဖဲ အဝဲလဲၤက့ၤဖံးမၤတၢ်အဆၢကတီၢ်န့ၣ်လီၤ.

ယၤကိာ် 1:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:46

အဝဲသ့ၣ်အတၢ်သးဒူလီၤမၢ်ကွံာ် ဒီးဟဲထီၣ်လၢအတိာ်တဖၣ်အပူၤအိၣ်ဒီးတၢ်ကနိးကစုာ်န့ၣ်လီၤ.

စံးထီၣ်ပတြၢၤ 102:11

ယမုၢ်နံၤတဖၣ်လီၤဂာ်ဒ်မုၢ်ဟါအတၢ်ကဒုတဖၣ်အသိး ဒီးယဃ့ထီၣ်ကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 102:4

ယဘၣ်တၢ်တီၢ်လီၤကွံာ်အီၤဒ်နီၣ်ဧိၤမံၤဧိၤလၢ အဃ့ထီၣ်ကွံာ်အသိးန့ၣ်လီၤ. ယသးပ့ၤနီၣ်လၢယကအီၣ်ယကိၣ်လီၤ.

စံးထီၣ်ပတြၢၤ 103:15

တၢ်လၢပှၤကညီအံၤ, အမုၢ်နံၤမၤအသးဒ် နီၣ်ဧိၤမံၤဧိၤအသိးလီၤ. အဝဲဟဲထီၣ်ဝဲဒ်သံၣ်ဧိၤဖီဧိၤလၢပျီပူၤအသိးလီၤ.

စံးထီၣ်ပတြၢၤ 37:2

အဂ့ၢ်ဒ်အံၤ, တယံာ်ဘၣ်ဒီး အဝဲသ့ၣ်ကလီၤညွံးကွံာ်ဝဲဒ်တပံၢ်အသိး ဒီးကဃ့ထီကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 90:6

လၢအဒိၣ်ထီၣ်ဒီးဖးထီၣ်ဖီထီၣ်, ဒီးလၢခံက့ၤဃ့ထီဒီးသံကွံာ်ဝဲလၢ မုၢ်ဟါအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:15

ပဟးထီၣ်ကွံာ်လၢဟီၣ်ခိၣ်အံၤဒ်ပဟဲနုာ်လီၤအသိး, တၢ်တအိၣ်ဒီးပှၤနီတမံၤဘၣ်န့ၣ်လီၤ. ပမၤတၢ်ထဲထဲအံၤသနာ်က့, တၢ်တအိၣ်နီတမံၤလၢပကက့ၤစိာ်ဃုာ်ဒီးပှၤန့ၣ်ဘၣ်.

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 28:4

ခိၣ်နၢ်တဖၣ်လၢအပာ်ထီၣ်ထီအသးအလၤကပီၤကဒံ ကွံာ်ဝဲဒီးလီၤမၢ်ကွံာ်ဒ်ချၢၣ်ဒၢသၣ်တဖၣ်လၢ အမံဆိလၢတၢ်အကတီၢ်အပူၤအသိး, ဒီးဘၣ်တၢ်ဒဲးအီၣ်အီၤတဘျီဃီဖဲအမံထီၣ်ဝဲန့ၣ်လီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်မးသဲ 13:6

ဘၣ်ဆၣ်တုၤမုၢ်ဟဲထီၣ်ဒီးဆဲးလီၤဘၣ်လၢတၢ်အမုၢ်အဘိတဖၣ် အလိၤန့ၣ်, မ့ၢ်လၢအဂံၢ်တယိာ်ဘၣ်အဃိဒီးဃ့ထီကွံာ်ဝဲလီၤ.

လံာ်မးသဲ 20:12

ဒီးစံး, ‘ပှၤလၢအဘၣ်တၢ်မၢလဲအီၤလၢခံကတၢၢ်တဖၣ်အံၤ, မၤတၢ်ထဲတနၣ်ရံၣ်ဧိၤလီၤ. ဒီးနပာ်ပှၤတဖၣ်အံၤထဲသိးဒီးပဝဲလၢအမၤဘၣ်တၢ်ဒီတနံၤ ညါလၢတၢ်ကိၢ်ကျါတဖၣ်မးလဲၣ်.’

လံာ်မးသဲ 6:30

ကစၢ်ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢအမူဝဲတနံၤ အံၤဒီးလၢခံတနံၤဘၣ်တၢ်ဆူးကဲၤကွံာ်အီၤလၢဖၣ်ကပူၤန့ၣ်ဒီး, ပှၤနာ်တၢ်စှၤသ့ၣ်ဧၢ, မ့ၢ်ယွၤအံၤတဒုးကူဒုးသိးသုအါန့ၢ်အဝဲသ့ၣ်ဘၣ်ဧါ.

လံာ်မၢ်ကူး 4:6

တုၤမုၢ်ဟဲထီၣ်ထီထီၣ်ဒီးတၢ်ကိၢ်ဆူၣ်ထီၣ်န့ၣ်, တၢ်အမုၢ်ဖိလၢအဟဲမဲထီၣ်တဖၣ်အဂံၢ်စဲၤလီၤအသးတယိာ်ဘၣ်အဃိ, ဃ့ထီကွံာ်ဝဲဒၣ်လီၤ.

1 ကရံၣ်သူး 7:31

ပှၤလၢအမၤတၢ်ဘၣ်ထွဲဒီးအအံၤတဃၣ်အတၢ်ဖိတၢ်လံၤ တဖၣ်, ဒ်အတၢ်ဘၣ်ထွဲတအိၣ်ဒီးအီၤလၢာ်လၢာ်ဆ့ဆ့အသိး န့ၣ်လီၤ. အဂ့ၢ်ဒ်အံၤ, ဟီၣ်ခိၣ်တဘ့ၣ်အံၤဒ်အအိၣ်ဝဲခဲကနံၣ်အံၤ အသိးန့ၣ်, တအိၣ်ကၢအိၣ်ခိးဝဲယံာ်ယံာ်လၢၤဘၣ်.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.