ယၤကိာ် 1:10 - Sgaw Karen Common Bible

¹⁰ ဒီးပှၤခရံာ်ဖိလၢအထူးအတီၤတဂၤဖဲကစၢ်ယွၤဆီၣ်လီၤ အီၤန့ၣ်, ကဘၣ်သးခုလီၤ. အဂ့ၢ်ဒ်လဲၣ်န့ၣ်ပှၤထူးပှၤတီၤ ကလဲၤပူၤကွံာ်ဒ်နီၣ်ဧိၤမံၤဧိၤအဖီအသိးန့ၣ်လီၤ.

ယၤကိာ် 1:10 Iomraidhean Croise

လံာ်စီၤယိၤဘး 14:2

ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

စံးထီၣ်ပတြၢၤ 102:11

ယမုၢ်နံၤတဖၣ်လီၤဂာ်ဒ်မုၢ်ဟါအတၢ်ကဒုတဖၣ်အသိး ဒီးယဃ့ထီၣ်ကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 103:15

တၢ်လၢပှၤကညီအံၤ, အမုၢ်နံၤမၤအသးဒ် နီၣ်ဧိၤမံၤဧိၤအသိးလီၤ. အဝဲဟဲထီၣ်ဝဲဒ်သံၣ်ဧိၤဖီဧိၤလၢပျီပူၤအသိးလီၤ.

စံးထီၣ်ပတြၢၤ 37:2

အဂ့ၢ်ဒ်အံၤ, တယံာ်ဘၣ်ဒီး အဝဲသ့ၣ်ကလီၤညွံးကွံာ်ဝဲဒ်တပံၢ်အသိး ဒီးကဃ့ထီကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

လံာ်ယၡါယၤ 40:6

တၢ်အကလုၢ်ကိးထီၣ်ဝဲ, “တဲဖျါတၢ်ကစီၣ်တမံၤတက့ၢ်.” ယသံကွၢ်, “ယကဘၣ်တဲဖျါတၢ်ကစီၣ်မနုၤလဲၣ်.” “တဲဖျါလၢပှၤဟီၣ်ခိၣ်ဖိခဲလၢာ်လီၤဂာ်ဒီးနီၣ်ဧိၤမံၤဧိၤလီၤ. တခီၣ်ယံာ်ထဲသိးဒီးဖီအမံၤတဖၣ်ဒၣ်လဲာ်ဘၣ်လီၤ.

လံာ်ယၡါယၤ 40:7

နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံးလီၤဘီဝဲ ဖဲယွၤဆှၢလီၤကလံၤအူတၢ်လၢအဝဲသ့ၣ်အဖီခိၣ်န့ၣ်လီၤ. ပှၤဂီၢ်မုၢ်တအိၣ်ကၢအိၣ်ခိးအါန့ၢ်နီၣ်ဧိၤမံၤဧိၤဘၣ်.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်မးသဲ 5:3

“ပှၤလၢအဖှီၣ်လၢသူၣ်လၢသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, မူခိၣ်အဘီအမုၢ်မ့ၢ်ပှၤသ့ၣ်တဖၣ်န့ၣ် အတၢ်လီၤ.

လံာ်မးသဲ 6:30

ကစၢ်ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢအမူဝဲတနံၤ အံၤဒီးလၢခံတနံၤဘၣ်တၢ်ဆူးကဲၤကွံာ်အီၤလၢဖၣ်ကပူၤန့ၣ်ဒီး, ပှၤနာ်တၢ်စှၤသ့ၣ်ဧၢ, မ့ၢ်ယွၤအံၤတဒုးကူဒုးသိးသုအါန့ၢ်အဝဲသ့ၣ်ဘၣ်ဧါ.

1 ကရံၣ်သူး 7:31

ပှၤလၢအမၤတၢ်ဘၣ်ထွဲဒီးအအံၤတဃၣ်အတၢ်ဖိတၢ်လံၤ တဖၣ်, ဒ်အတၢ်ဘၣ်ထွဲတအိၣ်ဒီးအီၤလၢာ်လၢာ်ဆ့ဆ့အသိး န့ၣ်လီၤ. အဂ့ၢ်ဒ်အံၤ, ဟီၣ်ခိၣ်တဘ့ၣ်အံၤဒ်အအိၣ်ဝဲခဲကနံၣ်အံၤ အသိးန့ၣ်, တအိၣ်ကၢအိၣ်ခိးဝဲယံာ်ယံာ်လၢၤဘၣ်.

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.

၁ ယိၤဟၣ် 2:17

ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်လၢပှၤကညီ သူၣ်လီသးကွံဝဲန့ၣ်ကလဲၤပူၤကွံာ်ဝဲ, ဘၣ်ဆၣ်ပှၤလၢအမၤတၢ်ဘၣ်ကစၢ်ယွၤအသးန့ၣ်အိၣ်မူဝဲလီၤ ထူလီၤယိာ်လီၤ.