လံာ်ယၡါယၤ 9:7 - Sgaw Karen Common Bible

⁷ အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယၡါယၤ 9:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:16

နကအိၣ်ဒီးနစၢၤနသွဲၣ်တဖၣ်ထီဘိ, ဒီးယကဒုးအိၣ်ဂၢၢ်ဆိးကျၢၤ နဘီနမုၢ်လီၤထူလီၤယိာ်လီၤ. နစၢၤနသွဲၣ်အတၢ်ပၢတၢ်ပြးန့ၣ်အကတၢၢ်တအိၣ်ဘၣ်နီတစု ဘၣ်.”

လံာ်စီၤပၤခံဘ့ၣ်တဘ့ၣ် 19:31

ပှၤဂီၢ်မုၢ်ကအိၣ်ဒံးဝဲလၢဝ့ၢ်ယရူၤၡလ့ၣ်အပူၤဒီးလၢကစၢၢ်စံ ယိၣ်အဒီခိၣ်, ပှၤတဖၣ်လၢကအိၣ်လီၤတဲာ်တ့ၢ်ဒံး, မ့ၢ်လၢယွၤပာ်လီၤတ့ၢ်အသးလၢကဒုးကဲထီၣ်တၢ်အံၤအဃိန့ၣ်လီၤ.

စံးထီၣ်ပတြၢၤ 2:8

ဃ့တၢ်လၢယၤတက့ၢ်, ဒီးယကဟ့ၣ်နၤလၢ ပှၤကလုာ်ခဲလၢာ်လီၤ. ဟီၣ်ခိၣ်ဒီဘ့ၣ်ကမ့ၢ်နတၢ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 37:32

လၢဝ့ၢ်ယရူၤၡလ့ၣ်အပူၤဒီးလၢကစၢၢ်စံယိၣ်အလိၤန့ၣ်, ပှၤဂီၢ်မုၢ်လၢအအိၣ်မူတ့ၢ်ဒံးတဖၣ်ကအိၣ်ဝဲလီၤ. အဂ့ၢ်ဒ်အံၤ, ယွၤသ့တၢ်လၢာ်ပာ်လီၤတ့ၢ်အသးလၢကမၤကဲထီၣ်လိၣ်ထီၣ်တၢ်အံၤ န့ၣ်လီၤ.

လံာ်ယၡါယၤ 40:10

ယွၤပၢဘၣ်တၢ်ခဲလၢာ်ကစၢ်ဟဲဝဲလၢကပၢတၢ်ဒီး အစိကမီၤ, ဒီးကဟဲကိးဃုာ်ဒီးအီၤပှၤဂီၢ်မုၢ်လၢအမၤပူၤဖျဲးတ့ၢ်ဝဲတဖၣ်လီၤ.

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ဒၤနံးယ့လး 2:35

တကီၢ်ခါန့ၣ်, ထး, ကပံာ်, တိၢ်ဘီ, စ့ဒီးထူခဲလၢာ်န့ၣ်လီၤကလဲ ကွံာ်ဒီးကဲထီၣ်ဒ်ဖ့လၢတၢ်ကိၢ်အကတီၢ်လၢကြဲၢ်ပူၤအသိးန့ၣ်လီၤ. ကလံၤအူဒီးစိာ်ကွံာ်အီၤသတးဒီး, အလီၢ်အိၣ်လီၤပျီတ့ၢ်ဝဲလီၤ. မ့မ့ၢ်လၢၢ်လၢအလီၤတဲာ်တီၢ်အီၤန့ၣ်ကဲထီၣ်ကစၢၢ်ဖးဒိၣ်တ ဖျၢၣ်ဒီးမၤပှဲၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်ဃးကဲ 2:9

တၢ်လုၢ်ဟံၣ်အသီန့ၣ်ကဃံဒိၣ်လၤဒိၣ်န့ၢ်ဒံးအလီၢ်လံၤတဖျၢၣ်, ဒီးဖဲန့ၣ်, ယကဟ့ၣ်ယပှၤဂီၢ်မုၢ်လၢတၢ်ဘီၣ်တၢ်ညီဒီးတၢ်ဃူ တၢ်ဖိးလီၤ.” ယွၤသ့တၢ်လၢာ်ကစၢ်ကတိၤတ့ၢ်တၢ်လံ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 7:24

ဘၣ်ဆၣ်ဒီးယ့ၣ်ၡူးမ့ၢ် ပှၤလုၢ်တၢ်အခိၣ်အဂၢၢ်အကျၢၤ, လၢအမူဝဲလီၤထူလီၤယိာ်အဃိလီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.