လံာ်ယၡါယၤ 9:3 - Sgaw Karen Common Bible

³ ယွၤဧၢ, နဟ့ၣ်တ့ၢ်အဝဲသ့ၣ်လၢတၢ်သးခုဖးဒိၣ်, ဒီးနမၤသူၣ်ဖှံသးညီတ့ၢ်အဝဲသ့ၣ်န့ၣ်လီၤ. အဝဲသ့ၣ်သးမုာ်သးခုဝဲလၢတၢ်လၢနမၤတ့ၢ်, ဒ်ပှၤသးမုာ်သးခုဝဲဖဲအဝဲသ့ၣ်ကူးက့ၤဘုခ့အကတီၢ်, မ့တမ့ၢ်, ဖဲအဝဲသ့ၣ်နီၤဟ့ၣ်လိာ်အသးလၢတၢ် ထူးတၢ်တီၤလၢအဂုာ်န့ၢ်ဝဲအကတီၢ်, အသိးန့ၣ်လီၤ.

လံာ်ယၡါယၤ 9:3 Iomraidhean Croise

လံာ်စီၤနဃ့မယၤ 9:23

နဟ့ၣ်အီၤအဖိတဖၣ်အါအါဂီၢ်ဂီၢ်ဒ်ဆၣ်လၢမူကပိာ်လိၤအသိး ဒီးပျဲအမၤနၢၤကွံာ်ဒီးအိၣ်ဝဲဆိးဝဲလၢထံဧိၤကီၢ်ဧိၤ လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်လၢနကဟ့ၣ် အဝဲသ့ၣ်အပူၤန့ၣ်လီၤ.

လံာ်စီၤယိၤဘး 12:23

အဝဲဒုးဆူၣ်ထီၣ်ဒီးဒုးဒိၣ်ထီၣ်ပှၤကလုာ်တဖၣ်န့ၣ်လီၤ. ဘၣ်ဆၣ်အဝဲမၤနၢၤကွံာ်ဒီးမၤဟးဂီၤကွံာ်အဝဲသ့ၣ်န့ၣ်လီၤ.

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

စံးထီၣ်ပတြၢၤ 119:162

ယသူၣ်ဖှံသးညီလၢနတၢ်အၢၣ်လီၤအီလီၤတဖၣ်အပူၤ ဒ်ပှၤလၢအထံၣ်န့ၢ်တၢ်ထူးတၢ်တီလုၢ်ဒိၣ်ပှၤဒိၣ် အါအါကလဲာ်အသိးန့ၣ်လီၤ.

စံးထီၣ်ပတြၢၤ 4:7

တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ် အတၢ်သးခုလၢအအိၣ်ဒီးအီၤ ဖဲအဘုဧိၤဟုဧိၤဒီးအစပံးထံအိၣ်ဝဲ အါအါဂီၢ်ဂီၢ်အခါန့ၣ်လီၤ.

လံာ်ယၡါယၤ 10:26

ယၤ, ယွၤသ့တၢ်လၢာ်ကစၢ်အံၤ, ယကတီၢ်အဝဲသ့ၣ်လၢ ယနီၣ်ဖျ့ဒ်ယတီၢ်ပှၤမံးဒယၣ်ဖိတဖၣ်ဖဲလၢၢ်ဧိရ့ာ်အသိးန့ၣ်လီၤ. ယကစံၣ်ညီၣ်ကီၢ်အၤၡူၢ်ဒ်ယစံၣ်ညီၣ်ကီၢ်အဲၤကူပတူးအသိးလီၤ.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 14:5

ယွၤမၤကတၢၢ်ကွံာ်စီၤပၤအအၢအသီတဖၣ်အတၢ်စိတၢ်ကမီၤဒီး

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 61:7

သုတၢ်မဲာ်ဆှးဒီးတၢ်မၤမဲာ်ဆှးသုတဖၣ်ကတၢၢ်ဝဲလံ. သုကအိၣ်ကဆိးလၢသုထံသုကီၢ်ဒၣ်သုဝဲအပူၤ, ဒီးသုတၢ်ထူးတၢ်တီၤကဘၣ်တၢ်မၤအါထီၣ်အီၤခံစးလီၤ. သုတၢ်သးခုကအိၣ်ကၢအိၣ်ခိးလီၤထူလီၤယိာ်လီၤ.

လံာ်ယၡါယၤ 65:14

အဝဲသ့ၣ်ကသးဝံၣ်တၢ်လၢတၢ်သးခုအဃိ, မ့မ့ၢ်သုဝဲ သုကဟီၣ်လၢတၢ်သူၣ်ကၢ်သးလီၤအပူၤလီၤ.

လံာ်ယၡါယၤ 65:18

သူၣ်ခုသးခုဒီးသူၣ်ဖှံသးညီလီၤစိၤလီၤထီလၢတၢ်လၢယတ့လီၤ ပာ်လီၤအပူၤန့ၣ်တက့ၢ်. ဝ့ၢ်ယရူၤၡလ့ၣ်အသီလၢယတ့လီၤ အီၤအံၤကပှဲၤဒီးတၢ်သးခုဒီးအပှၤဂီၢ်မုၢ်ကသူၣ်ဖှံသးညီဝဲလီၤ.

လံာ်ယၡါယၤ 66:10

သူၣ်ခုသးခုဃုာ်ဒီးဝ့ၢ်ယရူၤၡလ့ၣ်, သူၣ်ဖှံသးညီလၢအဃိသု ဝဲပှၤလၢအအဲၣ်ဘၣ်ဝ့ၢ်အံၤခဲလၢာ်သ့ၣ်ဧၢ သူၣ်ခုသးခုဃုာ်ဒီးအီၤခဲအံၤ, သုဝဲပှၤလၢအသူၣ်အုးသးအုး လၢအဃိခဲလၢာ်သ့ၣ်ဧၢ.

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်ဟိၤၡ့ 4:7

ထဲသိးဒီးသုပှၤလုၢ်တၢ်အခိၣ်တဖၣ်အါထီၣ်ဝဲအသိးန့ၣ်သုတၢ် ဒဲးဘးထီဒါယၤအါထီၣ်ဝဲလီၤ. ဒီးလၢတၢ်န့ၣ်အဃိ ယကဘိးကဒါကွံာ်သုလၤကပီၤဆူတၢ်မဲာ်ဆှးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:13

ယဲဒၣ်အံၤယမ့ၢ်ယွၤ, သုကစၢ်ယွၤလၢအဒုးဟးထီၣ်ကွံာ်သုလၢကီၢ်အဲၤကူပတူးပူၤ, ဒ်သိးသုသုတမ့ၢ်လၢၤအဝဲသ့ၣ်အကုၢ်အပှၤတဂ့ၤလီၤ. ဒီးယမၤကၢ်လံသုနီၣ်ယိးအဘိတဖၣ်ဒီးဒုးလဲၤသု တၢ်ထူၣ်ကလာ်လီၤ.”

လံာ်စကၤရယၤ 10:8

ယကကိးယပှၤဂီၢ်မုၢ်, ဒီးပာ်ဖှိၣ်က့ၤအဝဲသ့ၣ်တပူၤဃီလီၤ. ယကမၤပူၤဖျဲးအဝဲသ့ၣ် ဒီးမၤအါထီၣ်ဂီၢ်ထီၣ်အဝဲသ့ၣ်ဒ်အညီနုၢ် အဝဲသ့ၣ်မ့ၢ်တ့ၢ်ဝဲအသိးန့ၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်စကၤရယၤ 8:23

လၢမုၢ်နံၤတဖၣ်အပူၤန့ၣ်, တခီဘီမုၢ်ဖိအဂၤတဆံကဟဲဆူပှၤယူဒၤဖိတဂၤအအိၣ်ဒီးစံး, ပအဲၣ်ဒိးလဲၤသကိးဃုာ်တၢ်ဒီးသု, ဆူတၢ်လီၢ်လၢသုကလဲၤတုၤဃီၤသပှၢ်ကတၢၢ်, မ့ၢ်လၢပနၢ်ဟူတ့ၢ်လၢကစၢ်ယွၤအိၣ်ဒီးသုအဃိန့ၣ်လီၤ.”

လံာ်လူၤကၣ် 11:22

ဘၣ်ဆၣ်ဒီး, ဖဲပှၤလၢအဂံၢ်အဘါဆူၣ်န့ၢ်အီၤတဂၤ ဟဲဒုးဒီးမၤနၢၤကွံာ်အီၤန့ၣ်, အဝဲစိာ်ကွံာ်တၢ်စုကဝဲၤလၢဟံၣ်ကစၢ်သန့ၤအသးလၢအီၤတဖၣ်ခဲ လၢာ်, ဒီးနီၤဖးလီၤတၢ်လၢအဂုာ်န့ၢ်ဝဲတဖၣ်လီၤ.

မၤတၢ် 8:8

သတးဒီး, လၢဝ့ၢ်န့ၣ်အပူၤတၢ်သူၣ်ခုသးခုအိၣ်ဝဲဒိၣ်ဒိၣ်ကလဲာ်လီၤ.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

လံာ်ပှၤစံၣ်ညီၣ်ကွီၢ် 5:3

ဒိကနၣ်တက့ၢ်, သုဝဲစီၤပၤသ့ၣ်ဧၢ, ပာ်သူၣ်ပာ်သးတက့ၢ်, သုဝဲပဒိၣ်သ့ၣ်ဧၢ, ယကသးဝံၣ်တၢ်ဒီးဒ့တနၢ် ဆူယွၤ, အံၣ်စရ့လးအကစၢ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.

လံာ်ပှၤစံၣ်ညီၣ်ကွီၢ် 8:12

ပှၤမံးဒယၣ်ဖိအစီၤပၤစီၤခံဂၤလၢအမ့ၢ်, စီၤစံဘၤဒီးစီၤစးလမူနၤထွးထီၣ်ဃ့ၢ်ကွံာ်ဝဲန့ၣ်လီၤ. ဘၣ်ဆၣ်ဒီးအဝဲသ့ၣ်လူၤထွဲအီၤဒီးမၤန့ၢ်အီၤဒီးဒုးလီၤဘၣ် အဝဲသ့ၣ်အသုးမုၢ်ဒီဖုလၢတၢ်ပျံၤတၢ်ဖုးဒိၣ်ဒိၣ်ကလဲာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:16

ဒီးအဝဲဆှၢစီၤဒၤဝံးဆူအဝဲသ့ၣ်အအိၣ်လီၤ. ပှၤဂုာ်ဆူၣ်ပျိဆူၣ်တၢ်တဖၣ်ရၤလီၤအသးသကုၤတၢ်လီၢ်ကိးပူၤဒဲး, အီၣ်တၢ်အီတၢ်ဒီးမၤမူးလၢအဂုာ်န့ၢ်တၢ်အါအါကလဲာ်လၢကီၢ်ဖလ့ၡသး ဒီးကီၢ်ယူဒၤအဃိန့ၣ်လီၤ.