လံာ်ယၡါယၤ 9:19 - Sgaw Karen Common Bible

¹⁹ မ့ၢ်လၢယွၤ, သ့တၢ်လၢာ်ကစၢ်အသးထီၣ်အဃိ, အဝဲအတၢ်စံၣ်ညီၣ်အီၣ်ကွံာ်တၢ်ဒ်မ့ၣ်အူအီၣ်တၢ်လၢထံကီၢ် ဒီဘ့ၣ်အသိး, ဒီးမၤဟးဂီၤကွံာ်ပှၤဂီၢ်မုၢ်လီၤ. ဒီးပှၤကိးဂၤဒဲးန့ၣ်မ့ၢ်ပှၤအဲၣ်လီၤထဲအသးဒၣ်ဝဲဧိၤန့ၣ်လီၤ.

လံာ်ယၡါယၤ 9:19 Iomraidhean Croise

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 13:13

ယကမၤတုၤမူခိၣ်တဖၣ်ကနိးကစုာ်ဝဲ, ဒီးဟီၣ်ခိၣ်ကဘၣ်တၢ်တြုၤ ဖျိးကွံာ်အီၤလၢအလီၢ်ဒၣ်ဝဲလၢမုၢ်တနံၤဖဲယၤ, ယွၤသ့တၢ် လၢာ်ကစၢ်ဒုးနဲၣ်ယတၢ်သးကဲၤထီၣ်န့ၣ်လီၤ.

လံာ်ယၡါယၤ 13:18

ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ယၡါယၤ 13:9

ယွၤအမုၢ်တနံၤဟဲဝဲလံ. မ့ၢ်အတၢ်သးထီၣ်ဆူၣ်ဒီးအတၢ်သး ကဲၤထီၣ်အမုၢ်နံၤအအၢအသီတနံၤလီၤ. ဟီၣ်ခိၣ်ကဘၣ်တၢ်ဒုးကဲ ထီၣ်အီၤလၢတၢ်အိၣ်သယုၢ်အလီၢ်, ဒီးကယဲၢ်ပှၤတၢ်ဒဲးဘးဖိ ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 3:5

ပှၤကိးဂၤဒဲးကဟံးန့ၢ်တၢ်ခွဲးတၢ်ယာ် လၢပှၤအဂၤကိးဂၤဒဲးအဖီခိၣ်န့ၣ်လီၤ. ပှၤသးစၢ်တဖၣ်တပာ်ကဲ အပှၤသူၣ်က့သးပှၢ်တဖၣ်ဘၣ်ဒီးပှၤလၢအလုၢ် အပှ့ၤတအိၣ်တဖၣ်တပာ်ကဲပှၤလၢအလီၢ်ထီန့ၢ်အီၤတဖၣ်ဘၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 4:4

လၢအစိကမီၤဒၣ်ဝဲ, ယွၤကစံၣ်ညီၣ်ဒီးမၤကဆှီပှၤကလုာ်ဒီး သ့စီကွံာ်ဝ့ၢ်ယရူၤၡလ့ၣ်အတၢ်ကမၣ် ဒီးသွံၣ်လၢအဘၣ်တၢ်ဂၢ်လီၤတ့ၢ်အသးဖဲန့ၣ်, န့ၣ်လီၤ.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 5:30

ဖဲမုၢ်နံၤအဝဲန့ၣ်ဟဲတုၤဝဲဒီး, အဝဲသ့ၣ်ကညီၤဝဲလၢအံၣ်စရ့ လးအဖီခိၣ်ဒ်ပီၣ်လဲၣ်သီၣ်ဒိၣ်သီၣ်သွါအသိးလီၤ. ကွၢ်ထံကီၢ်အံၤတက့ၢ်. တၢ်ခံးတၢ်နၤဒီးတၢ်သူၣ်အုးသးအုးလီၤ. တၢ်ကပီၤဘၣ်တၢ်ယူၢ်လီၤကွံာ် အီၤလၢတၢ်ခံးတၢ်နၤလီၤ.

လံာ်ယၡါယၤ 60:2

ပှၤကလုာ်ဂၤတဖၣ်ကဘၣ်တၢ်ကးဘၢကွံာ်အီၤလၢ တၢ်ခံးတၢ်နၤ, ဘၣ်ဆၣ်ဒီးလၢနဖီခိၣ်န့ၣ်, ယွၤအတၢ်ကပီၤ, ကကပီၤထီၣ်ဝဲလီၤ. အမဲာ်အတၢ်ကပီၤဆှံကအိၣ်ဒီးနၤလီၤ.

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယဃ့းစက့လး 20:47

တဲဘၣ်သ့ၣ်ပှၢ်လၢကလံၤထံးတခီလၢကနၢ်ဟူယွၤပၢဘၣ်တၢ်ခဲလၢာ် ကစၢ်စံးတၢ်အံၤတက့ၢ်. ကွၢ်တက့ၢ်. ယမၤကဲၤထီၣ်မ့ၣ်အူတခါဒီးတၢ်န့ၣ်ကအီၣ်ကွံာ်ကယဲၢ် သ့ၣ်ကိးထံးဒီးလၢအအိၣ်လၢနပူၤအသံကစဲာ်ဂ့ၤအဃ့ထီဂ့ၤန့ၣ်လီၤ. တၢ်မၤပံာ်ကွံာ်အီၤတန့ၢ်နီတမံၤဘၣ်. ကရၤလီၤအသးလၢကလံၤထံး ဆူကလံၤစိးဒီးပှၤကိးဂၤဒဲးကကလၢၢ်ဘၣ်မ့ၣ်အူလၣ်တဖၣ် အတၢ်ကိၢ်န့ၣ်လီၤ.

လံာ်ယဃ့းစက့လး 9:5

ဒီးယနၢ်ဟူကစၢ်ယွၤစံးဘၣ်ပှၤအဂၤတဖၣ်, “ပိာ်အဝဲအခံခီဖျိ ဝ့ၢ်ဒီဝ့ၢ်ညါဒီးမၤသံတၢ်တက့ၢ်. ပျၢ်ဖျဲးပှၤနီတဂၤတဂ့ၤ. သးကညီၤပှၤနီတဂၤတဂ့ၤ.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ယိၤအ့လး 2:3

အဝဲသ့ၣ်အီၣ်ကွံာ်တၢ်မုၢ်တၢ်ဘိတဖၣ်ဒ်မ့ၣ်အူအီၣ်တၢ်အသိး, ဒီးလၢအဝဲသ့ၣ်အမဲာ်ညါန့ၣ်ထံဧိၤကီၢ်ဧိၤမၤအသးဒ် ဧ့ၤဒ့ၣ်တၤသၣ်အလီၢ်အသိးန့ၣ်လီၤ. ဘၣ်ဆၣ်တုၤအဝဲသ့ၣ်အီၣ်ကွံာ်တၢ်ဝံၤအလီၢ်ခံန့ၣ် ကဲထီၣ်တၢ်ဃ့ထီအလီၢ်န့ၣ်လီၤ. ဒီးတၢ်တပူၤဖျဲးဘၣ်ဒီးအီၤနီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဧၤမိၣ် 5:18

ပှၤလၢအဆၢန့ၢ်ဘၣ်ယွၤအမုၢ်တနံၤန့ၣ်သ့ၣ်ဧၢ, သုဘၣ်အဖှီၣ်လီၤ. မုၢ်တနံၤန့ၣ်ကမၤဂ့ၤသုမနုၤလဲၣ်. အဝဲန့ၣ်ကမ့ၢ်တၢ်ခံးတၢ်နၤလၢသုဂီၢ်လီၤ. တမ့ၢ်ဘၣ်တၢ်ကပီၤဘၣ်.

လံာ်ဧိၤဘါဒယၤ 1:18

စီၤယၤကိာ်အပှၤဟံၣ်ဖိကမၤအသးဒ်မ့ၣ်အူအသိး, စီၤယိၤသးအပှၤဟံၣ်ဖိဒ်မ့ၣ်အူလၣ်အသိး, ဒီးစီၤဧ့ၡီၤအပှၤဟံၣ်ဖိဒ်လီၢ်ခိၣ်ဆၢၣ်အသိးဒီးမ့ၣ်အူကအီၣ် ကွံာ်အီၤတုၤပှၤအမူ တအိၣ်တီၢ်လၢၤဘၣ်လၢစီၤဧ့ၡီၤအပှၤဟံၣ်ဖိအကျါနီတဂၤဘၣ်န့ၣ်လီၤ. အဂ့ၢ်ဒ်အံၤယၤ, ယွၤစံးတ့ၢ်လံတၢ်လံ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မံကၤ 7:6

ဖိမုၣ်တဖၣ်ထီဒါက့ၤအမိၢ်တဖၣ်, ပိာ်မုၣ်သးစၢ်တဖၣ်အ့ၣ်လိာ် အသးဒီးမံၤပှၢ်ပိာ်မုၣ်တဖၣ်လီၤ. ပှၤတဂၤအဒုၣ်အဒါတဖၣ်မ့ၢ်အဟံၣ်ဖိဃီဖိဒၣ်ဝဲတဖၣ်လီၤ.

လံာ်စကၤရယၤ 11:6

(ယွၤစံးဝဲဒၣ်, “ယတသးကညီၤလၢၤဘၣ်ပှၤနီတဂၤလၢဟီၣ်ခိၣ်အံၤဘၣ်. ယကစၢ်ဒၣ်ယဲယကပာ်ပှၤဂီၢ်မုၢ်ခဲလၢာ်လၢအပှၤပၢတၢ်တဖၣ်အတၢ်စိတၢ် ကမီၤအပူၤလီၤ. ပှၤပၢတၢ်တဖၣ်န့ၣ်ကမၤဟးဂီၤကွံာ်ဟီၣ်ခိၣ်ဒိၣ်ဒိၣ်မုၢ်မုၢ်, ဒီးယတအုၣ်က့ၤခီၣ်က့ၤဘၣ်အီၤလၢအဝဲသ့ၣ်အတၢ်စိတၢ်ကမီၤအပူၤ ဘၣ်.”)

လံာ်စကၤရယၤ 11:9

အန့ၣ်ဝံၤဒီး, ယစံးဘၣ်သိတဖုန့ၣ်, “ယတမ့ၢ်သုပှၤကွၢ်သိ လၢၤဘၣ်. မ်ပှၤလၢအကသံန့ၣ်ကသံဒၣ်ဝဲတက့ၢ်. မ်ပှၤလၢအကဘၣ်တၢ်မၤဟးဂီၤကွံာ်အီၤန့ၣ် ကဘၣ်တၢ်မၤဟးဂီၤကွံာ်အီၤတက့ၢ်. ဒီးပှၤလၢအအိၣ်လီၤတဲာ်တ့ၢ်တဖၣ်န့ၣ်ကမၤဟးဂီၤလိာ်အသးတဂၤ ဒီးတဂၤလီၤ.”

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မးသဲ 27:45

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

မၤတၢ် 2:20

မုၢ်ကခံးလီၤကွံာ်, ဒီးလါကထီၣ်ဂီၤဒ်တၢ်သွံၣ်အသိး, တချုးကစၢ်အမုၢ်နံၤဖးဒိၣ်လၢအပှဲၤဒီး တၢ်လၤကပီၤတုၤဃီၤဒံးဘၣ်န့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.