လံာ်ယၡါယၤ 9:18 - Sgaw Karen Common Bible

¹⁸ ပှၤဂီၢ်မုၢ်အတၢ်အၢတၢ်သီအီၣ်ကွံာ်တၢ်ဒ်မ့ၣ်အူလၢအမၤဟးဂီၤ တပှီာ်တၤဆှုၣ်တဖၣ်ဒီးတၤဆှုၣ် တၤမဲတဖၣ်အသိးန့ၣ်လီၤ. အီၣ်ကွံာ်တၢ်ဒ်သ့ၣ်ပှၢ်မ့ၣ်အူအသိးလၢအဆှၢထီၣ်မ့ၣ်အူလုၢ် အထူၣ်တဖၣ်န့ၣ်လီၤ.

လံာ်ယၡါယၤ 9:18 Iomraidhean Croise

လံာ်စီၤပၤအခီၣ်ထံးတဘ့ၣ် 16:21

ကီၢ်အံၣ်စရ့လးအပှၤဂီၢ်မုၢ်လီၤမုၢ်လီၤဖးကွံာ်ဝဲလီၤ. အဝဲသ့ၣ်အကျါတနီၤအဲၣ်ဒိးဒုးကဲထီၣ်စီၤကံနးအဖိခွါစီၤ ကံးဘနံၤလၢစီၤပၤဒီးပှၤအဂၤတနီၤဘၣ်သူၣ်ဘၣ်သးဝဲလၢစီၤ ဧိၣ်ရံၤန့ၣ်လီၤ.

စံးထီၣ်ပတြၢၤ 37:20

ဘၣ်ဆၣ်ပှၤအၢပှၤသီကသံဝဲလီၤ. ယွၤအဒုၣ်အဒါတဖၣ်ကလီၤမၢ်ကွံာ်ဒ် တၢ်အီၣ်ဆၣ်အလီၢ်အတၢ်ဃံတၢ်လၤအသိး, အဝဲသ့ၣ်ကဟါမၢ်ကွံာ်ဒ်မ့ၣ်အူလုၣ်အသိးန့ၣ်လီၤ.

စံးထီၣ်ပတြၢၤ 68:2

ဒ်မ့ၣ်အူလုၣ်ဒံကွံာ်အသိးန့ၣ်ဟီထီၣ်ကွံာ်အဝဲသ့ၣ်, ဒီးဒ်ဃိးပှံၢ်ဝဲလၢမ့ၣ်အူအမဲာ်ညါအသိးန့ၣ် မ်ပှၤတတီတလိၤဟးဂီၤကွံာ်လၢ ကစၢ်ယွၤအမဲာ်ညါန့ၣ်တက့ၢ်.

စံးထီၣ်ပတြၢၤ 83:14

ဒ်မ့ၣ်အူအီၣ်သ့ၣ်ပှၢ်အသိးဒီးဒ်မ့ၣ်အူလၣ် ကဲၤကပျီၤထီၣ်ကစၢၢ်ကလိအသိးန့ၣ်,

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယၡါယၤ 3:5

ပှၤကိးဂၤဒဲးကဟံးန့ၢ်တၢ်ခွဲးတၢ်ယာ် လၢပှၤအဂၤကိးဂၤဒဲးအဖီခိၣ်န့ၣ်လီၤ. ပှၤသးစၢ်တဖၣ်တပာ်ကဲ အပှၤသူၣ်က့သးပှၢ်တဖၣ်ဘၣ်ဒီးပှၤလၢအလုၢ် အပှ့ၤတအိၣ်တဖၣ်တပာ်ကဲပှၤလၢအလီၢ်ထီန့ၢ်အီၤတဖၣ်ဘၣ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 33:12

သုကဘၣ်တၢ်မၤလီၤကလဲကွံာ်ဒ်လၢၢ်တဖၣ်လၢတၢ်ဒွဲၣ်အူအီၤ ဒ်သိးကကဲထီၣ်ထူၣ်, ဒီးဒ်တၤဆှုၣ် တၤမဲတဖၣ်လၢတၢ်ဒွဲၣ်အူကွံာ် အီၤဆူဖၣ်ဆါအသိးန့ၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 50:11

သုဝဲခဲလၢာ်လၢအကူၣ်ထီၣ်မၤဟးဂီၤကွံာ်ပှၤတဖၣ်န့ၣ်, သုကဘၣ်တၢ်မၤဟးဂီၤကွံာ်သုလၢသုတၢ်ကူၣ်ဟးဂီၤဒၣ်ဝဲ တဖၣ်န့ၣ်လီၤ. ယွၤအကစၢ်ဒၣ်ဝဲကဒုးကဲထီၣ်တၢ်အံၤလီၤ. သုကတူၢ်ဘၣ်တၢ်ဟဲဝံနးနးကျံးကျံးန့ၣ်လီၤ.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်ယိၤအ့လး 2:20

ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.

လံာ်ယိၤအ့လး 2:3

အဝဲသ့ၣ်အီၣ်ကွံာ်တၢ်မုၢ်တၢ်ဘိတဖၣ်ဒ်မ့ၣ်အူအီၣ်တၢ်အသိး, ဒီးလၢအဝဲသ့ၣ်အမဲာ်ညါန့ၣ်ထံဧိၤကီၢ်ဧိၤမၤအသးဒ် ဧ့ၤဒ့ၣ်တၤသၣ်အလီၢ်အသိးန့ၣ်လီၤ. ဘၣ်ဆၣ်တုၤအဝဲသ့ၣ်အီၣ်ကွံာ်တၢ်ဝံၤအလီၢ်ခံန့ၣ် ကဲထီၣ်တၢ်ဃ့ထီအလီၢ်န့ၣ်လီၤ. ဒီးတၢ်တပူၤဖျဲးဘၣ်ဒီးအီၤနီတမံၤဘၣ်.

လံာ်ဧၤမိၣ် 7:4

ယအိၣ်ဒီးတၢ်ထံၣ်လၢညါခီအဂၤတမံၤလၢတၢ်စိတၢ်ကမီၤခဲလၢာ် အယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်အဝဲအိၣ်ကတဲာ်ကတီၤအသးလၢ ကစံၣ်ညီၣ်အပှၤဂီၢ်မုၢ်လၢမ့ၣ်အူန့ၣ်လီၤ. မ့ၣ်အူအီၣ်ကွံာ်တ့ၢ်ပီၣ်လဲၣ်ဖးဒိၣ်လၢအအိၣ်လၢဟီၣ်ခိၣ်အဖီလာ် ဒီးစးထီၣ်အီၣ်ဟီၣ်ခိၣ်န့ၣ်လီၤ.

လံာ်ဧိၤဘါဒယၤ 1:18

စီၤယၤကိာ်အပှၤဟံၣ်ဖိကမၤအသးဒ်မ့ၣ်အူအသိး, စီၤယိၤသးအပှၤဟံၣ်ဖိဒ်မ့ၣ်အူလၣ်အသိး, ဒီးစီၤဧ့ၡီၤအပှၤဟံၣ်ဖိဒ်လီၢ်ခိၣ်ဆၢၣ်အသိးဒီးမ့ၣ်အူကအီၣ် ကွံာ်အီၤတုၤပှၤအမူ တအိၣ်တီၢ်လၢၤဘၣ်လၢစီၤဧ့ၡီၤအပှၤဟံၣ်ဖိအကျါနီတဂၤဘၣ်န့ၣ်လီၤ. အဂ့ၢ်ဒ်အံၤယၤ, ယွၤစံးတ့ၢ်လံတၢ်လံ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

ဧ့ၤဘြံၤ 6:8

ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”