လံာ်ယၡါယၤ 9:12 - Sgaw Karen Common Bible

¹² ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:12 Iomraidhean Croise

လံာ်စီၤပၤခံဘ့ၣ်တဘ့ၣ် 16:6

(ဖဲတကတီၢ်ဃီန့ၣ်, ကီၢ်အဒိၣ်အစီၤပၤမၤန့ၢ်က့ၤတၢ်ပၢဘၣ်ဝ့ၢ် အ့လးဒီးဟီထီၣ်ကွံာ်ပှၤယူဒၤဖိတဖၣ်လၢအအိၣ်ဝဲ ဆိးဝဲဖဲန့ၣ်လီၤ. ပှၤအဒိၣ်ဖိတဖၣ်သူၣ်လီၤအလီၢ်အိၣ်လီၢ်ဆိး ဖဲဝ့ၢ်အ့လး, ဒီးအိၣ်ဆိးဒံးဝဲဖဲန့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 28:18

တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.

စံးထီၣ်ပတြၢၤ 79:7

အဂ့ၢ်ဒ်အံၤ, အဝဲသ့ၣ်မၤသံတ့ၢ်လံပှၤလီၤစၢၤလၢစီၤယၤကိာ် ဒီးမၤဟးဂီၤတ့ၢ်လံအထံအကီၢ်န့ၣ်လံ.

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယၡါယၤ 9:21

ကီၢ်မနၤၡ့ၤဒီးကီၢ်အ့ဖရဲၣ်အပှၤတဖၣ်ဒုးလိာ်ယၤလိာ်အသး, ဒီးအဝဲသ့ၣ်ပာ်ဖှိၣ်အသးဒီးဒုးတၢ်ထီဒါကီၢ်ယူဒၤလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယံးရမံယၤ 15:7

လၢဝ့ၢ်ကိးဝ့ၢ်ဒဲးလၢကီၢ်အံၤအပူၤန့ၣ်, ယကွံာ်လီၤသုဆူကလံၤကျါဒ်ဘုလီၢ်အသိးန့ၣ်လီၤ. ယပှၤဂီၢ်မုၢ်ဧၢ, ယမၤဟးဂီၤကွံာ်သု, န့ၣ်လီၤ. ယမၤသံသုဖိတဖၣ် မ့ၢ်လၢသုတဆိကတီၢ်သုတၢ်အၢတၢ်သီအကျဲတဖၣ်အဃိန့ၣ်လီၤ.

လံာ်ယံးရမံယၤ 35:11

ဘၣ်ဆၣ်ဒီး, ဖဲစီၤပၤနဘူၤကးန့စၢ်ဟဲထီၣ်ဒုးထံကီၢ်အံၤန့ၣ်, ပစံၣ်ညီၣ်တဲာ်လၢပကဟဲဆူ ဝ့ၢ်ယရူၤၡလ့ၣ် ဒ်သိး ပကယံၤထီၣ်ကွံာ်ဒီး ကီၢ်ဘၤဘူၤလိၣ်ဒီး ကီၢ်စူၤရံ အသုးမုၢ်တဖၣ်အဂီၢ်န့ၣ်လီၤ. လၢတၢ်န့ၣ်အဃိ ပအိၣ်ပဆိးလၢဝ့ၢ်ယရူၤၡလ့ၣ်အပူၤန့ၣ်လီၤ.”

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်ယဃ့းစက့လး 16:27

ခဲကနံၣ်အံၤယယူာ်ထီၣ်ယစုလၢတၢ်စံၣ်ညီၣ်နၤအဂီၢ်ဒီးလၢ ယကထုးကွံာ်ယတၢ်ဆိၣ်ဂ့ၤအတၢ်နီၤဟ့ၣ်လၢနဂီၢ်န့ၣ်လီၤ. ယဟ့ၣ်လီၤနၤဆူပှၤဖလ့ၡသးဖိတဖၣ်အစုပူၤ, ပှၤလၢအသးဟ့ နၤဒီးသးဘၣ်အၢနလုၢ်လၢ်အၢသီအတၢ်မၤတဖၣ်န့ၣ်လီၤ.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဟိၤၡ့ 7:10

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ကဖၢလၢသးန့ၣ်ကိးသတြီ ထီၣ်ထီဒါက့ၤအဝဲသ့ၣ်လီၤ. လၢတၢ်မၤအသးခဲလၢာ်တဖၣ်အဃိဒၣ် လဲာ်န့ၣ်, အဝဲသ့ၣ်တဟဲက့ၤကဒါက့ၤဆူယၤ, ယွၤ, အဝဲသ့ၣ်အကစၢ်ယွၤအအိၣ်န့ၣ်ဘၣ်.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်ဧၤမိၣ် 4:11

ယမၤဟးဂီၤကွံာ်တ့ၢ်သုတနီၤနီၤဒ်ယမၤဟးဂီၤတ့ၢ်ဝ့ၢ်စဒိၣ် ဒီးဝ့ၢ်ဂမိရၤအသိးလီၤ. ဒီးသုဝဲလၢအမူတ့ၢ်တဖၣ်န့ၣ်လီၤဂာ်ဒ်သ့ၣ်မုၣ်ခံလၢတၢ်ထုး ထီၣ်ကွံာ်အီၤလၢမ့ၣ်အူအပူၤအသိးန့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်. ယွၤစံးဝဲဒၣ်.

လံာ်ဧၤမိၣ် 4:6

ယမ့ၢ်ပှၤတဂၤလၢအဟဲစိာ်တၢ်သၣ်ဝံၤလီၤဒိဆူကယဲၢ်သုဝ့ၢ်ခဲ လၢာ်အပူၤလီၤ. အန့ၣ်ဒၣ်လဲာ်သုတဟဲက့ၤကဒါက့ၤဆူယအိၣ်ဘၣ်.

လံာ်ဧၤမိၣ် 4:8

ပှၤဂီၢ်မုၢ်လၢဝ့ၢ်အါဖျၢၣ်န့ၣ်လီၤဘှံးဝဲလၢတၢ်သူ အသးလၢထံသတးဒီးလဲၤဆူဝ့ၢ်တဖျၢၣ်အိၣ်ဒီးတၢ်မုၢ်လၢ်လၢ ကထံၣ်န့ၢ်ထံလီၤ. ဘၣ်ဆၣ်ထံတအိၣ်လၢကဘျဲးအီဝဲအဂီၢ်ဘၣ်. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်ဧၤမိၣ် 4:9

ယဆှၢလီၤကလံၤကိၢ်လၢကအူဃ့ထီကွံာ်သုဘုဧိၤဟုဧိၤတဖၣ်လီၤ. ဒွဲၣ်ကၤစၣ်တဖၣ်အီၣ်လၢာ်ကွံာ်ကယဲၢ်သုတၤသၣ်အလီၢ်တဖၣ်, သုစပံးမုၢ်, သုချၢၣ်ဒၢဒီးသုသ့ၣ်စၤယံးအလီၢ်န့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်စဖါနယၤ 3:2

တဒိကနၣ်တ့ၢ်ဘၣ်ယွၤမ့ၢ်ဂ့ၤ, တတူၢ်လိာ်တ့ၢ် အတၢ်သိၣ်တၢ်ဘျၢမ့ၢ်ဂ့ၤန့ၣ်ဘၣ်. တပာ်ဘၣ်အတၢ်နာ်လၢယွၤမ့ၢ်ဂ့ၤ, ဃ့အတၢ်မၤစၢၤမ့ၢ်ဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.