လံာ်ယၡါယၤ 9:10 - Sgaw Karen Common Bible

¹⁰ “တၢ်သူၣ်ထီၣ်တဖၣ်လၢတၢ်မၤအီၤလၢဒၢးခီန့ၣ်လီၤပှီၢ်လၢာ်လံ. ဘၣ်ဆၣ်ဒီး, ပကသူၣ်ထီၣ်က့ၤလၢၢ်တၢ်သူၣ်ထီၣ်တဖၣ်လၢ အလီၢ်လီၤ. ကျိၤတဖၣ်လၢအဘၣ်တၢ်မၤအီၤလၢသ့ၣ်သိး ဝံာ်ဒၢတဖၣ်ဘၣ်တၢ်မၤတဲာ်ကွံာ်အီၤလံ. ဘၣ်ဆၣ်ဒီးလၢအလီၢ်န့ၣ်, ပကမၤက့ၤအီၤလၢ သ့ၣ်ဆှိးအ့ရ့းအဂ့ၤကတၢၢ်လီၤ.”

လံာ်ယၡါယၤ 9:10 Iomraidhean Croise

လံာ်စီၤပၤအခီၣ်ထံးတဘ့ၣ် 10:27

ဖဲအဝဲပၢတၢ်အစိၤန့ၣ်, လၢဝ့ၢ်ယရူၤၡလ့ၣ်အပူၤစ့ဘၣ်တၢ်ပာ်အီၤ ဒ်သိးဒၣ်ဒီးလၢၢ်ဧိၤလ့ဧိၤ, ဒီးလၢကီၢ်ယူဒၤအကစၢၢ်ခီၣ်ထံးတဖၣ်န့ၣ်သ့ၣ်ဆှိအ့ရ့းအိၣ်ဝဲ အါအါဂီၢ်ဂီၢ်ဒ်သိးဒၣ်သ့ၣ်သိးဝံာ်ဒၢမုၢ်ဆ့ၣ်မုၢ်ဂီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:9

လၢတၢ်စံးဆၢက့ၤစီၤအၤဃးအတၢ်ဃ့ကညးအဂီၢ်န့ၣ်စီၤတံးကလး ပလ့စ့ၢ်ဟးထီၣ်လၢတၢ်ဒုးအဂီၢ်ဃုာ်ဒီးအသုးမုၢ်လၢကထီဒါဝ့ၢ် ဒၤမ့ၤစ့းအဂီၢ်ဒီးမၤန့ၢ်အီၤ, မၤသံကွံာ်စီၤပၤရစံၣ်ဒီးက့ၤကိးပှၤဂီၢ်မုၢ်ဆူဝ့ၢ်ကံၢ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်ဟိၤၡ့ 8:14

ကီၢ်အံၣ်စရ့လးအပှၤဂီၢ်မုၢ်သူၣ်ထီၣ်နူၢ်ဧိၤစီၤဧိၤတဖၣ်ဘၣ်ဆၣ် အဝဲသ့ၣ်သးပ့ၤနီၣ်ကွံာ်ပှၤတဂၤလၢအတ့အဝဲသ့ၣ်လၢအနီၢ် ကစၢ်ဒၣ်ဝဲန့ၣ်လီၤ. ကီၢ်ယူဒၤအပှၤဂီၢ်မုၢ်သူၣ်ထီၣ်ဝ့ၢ်တဖၣ်လၢ အအိၣ်ဒီးအတိာ်ခၢၣ်သနၢၣ်န့ၣ်လီၤ. ဘၣ်ဆၣ်ယကဆှၢလီၤမ့ၣ်အူ လၢကအီၣ်ကွံာ်အဝဲသ့ၣ်အနူၢ်ဧိၤစီၤဧိၤဒီးအဝဲသ့ၣ်အဝ့ၢ်တဖၣ်န့ၣ်လီၤ.

လံာ်မၤလကံ 1:4

စီၤဧ့ၡီၤအစၢၤအသွဲၣ်လၢအမ့ၢ်ပှၤအဒိၣ်ဖိမ့ၢ်စံးဝဲ, “ပခူပဝ့ၢ်တဖၣ်ဘၣ်တၢ်မၤဟးဂီၤအီၤဘၣ်ဆၣ် ပကဘှီထီၣ်ကဒါက့ၤအီၤလီၤ.” ဒီး, ယွၤကစံးဆၢဝဲ, “မ်အဝဲသ့ၣ်ဘှီထီၣ်ကဒါက့ၤတက့ၢ်. ဒီးယကမၤလီၤပှီၢ်ကွံာ်ကဒီးတဘျီလီၤ. ဒီးပှၤကကိးအဝဲသ့ၣ်လၢ, ထံကီၢ်လၢအအၢအသီဒီးပှၤဂီၢ်မုၢ်လၢယွၤသးထီၣ်ဘၣ်အီၤလီၤ စိၤလီၤထီလီၤ.”

လံာ်လူၤကၣ် 19:4

လၢတၢ်န့ၣ်အဃိ, အဝဲဒၣ်ဃ့ၢ်ဆိလၢပှၤဂီၢ်မုၢ်အမဲာ်ညါဒီးလဲၤထီၣ်ဝဲလၢ သိးဝံာ်ဒၢတထူၣ်အခံ, ဒ်သိးအကထံၣ်ဘၣ်ယ့ၣ်ၡူးလၢအကဟဲဝဲဖဲကျဲအဝဲန့ၣ်န့ၣ်လီၤ.