လံာ်ယၡါယၤ 8:7 - Sgaw Karen Common Bible

⁷ ယၤ, ယွၤအံၤ, ယကမၢလီၤကီၢ်အၤၡူၢ်အစီၤပၤဖးဒိၣ်ဒီးအသုးမုၢ် သံၣ်ဘိခဲလၢာ်လၢကဒုးကီၢ်ယူဒၤလီၤ. အဝဲသ့ၣ်ကလဲၤထီၣ်ဝဲဒ်ထံကျိဖရၤ သးအထံဒိၣ်ခိၣ်ယွၤဒီးလုၣ်ဘၢ ကွံာ်ကယဲၢ်အထံကၢၢ်နံၤခဲလၢာ်အသိးန့ၣ်လီၤ.

လံာ်ယၡါယၤ 8:7 Iomraidhean Croise

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:32

အအံၤမ့ၢ်တၢ်လၢယွၤစံးတ့ၢ်ဝဲဘၣ်ဃးဒီးကီၢ်အၤၡူၢ်အစီၤပၤ ဖးဒိၣ်အဂ့ၢ်န့ၣ်လီၤ. အဝဲတဟဲနုာ်ဘၣ်ဆူဝ့ၢ်အံၤအပူၤမ့ၢ်ဂ့ၤ, ခးဘၣ်ပျၢ်ထဲတဘိဒၣ်လဲာ်ထီဒါအီၤမ့ၢ်ဂ့ၤန့ၣ်ဘၣ်. ပှၤသုးဖိတဖၣ်လၢအအိၣ်ဒီးကတီၤတဖၣ်တဟဲဘူးဘၣ်ဒီးဝ့ၢ်အံၤနီ တဂၤဘၣ်ဒီးတၢ်ကဝီၤဃာ်အဟီၣ်ခိၣ်ထီၣ်ထီတဘၣ်တၢ်မၤထီၣ်ဝးတရံး အီၤနီတတီၤဘၣ်.

လံာ်စီၤဧ့စြၤ 4:10

ဃုာ်ဒီးပှၤဂီၢ်မုၢ်အဂၤတဖၣ်လၢပှၤဒိၣ်စိဒိၣ်ကမီၤစီၤအၤစနး ပၢ်သုးကွံာ်အဟံၣ်တဖၣ်ဒီးဆီလီၤန့ၢ်အဝဲသ့ၣ်လၢဝ့ၢ်ၡၤမရံ ဒီးတၢ်လီၢ်သကုၤဆးဒးလၢကီၢ်ဖရၤသးအမုၢ်နုာ်တဖၣ်.”

စံးထီၣ်ပတြၢၤ 46:4

ထံကျိလၢအအိၣ်ဒီးအထံဖးဒ့ဖိသ့ၣ်တဖၣ်န့ၣ် မၤသးခုကစၢ်ယွၤအဝ့ၢ်, တၢ်ထီကတၢၢ်တဂၤ အတၢ်အိၣ်တၢ်ဆိးအလီၢ်စီဆှံန့ၣ်လီၤ.

စံးထီၣ်ပတြၢၤ 72:8

မ်ကပၢဘၣ်ဝဲပီၣ်လဲၣ်တုၤလၢပီၣ်လဲၣ်, ဒီးလၢထံကျိဖရၤသးပၢၢ်တုၤလၢဟီၣ်ခိၣ် အကတၢၢ်တဖၣ်န့ၣ်တက့ၢ်.

လံာ်ယၡါယၤ 10:16

ယွၤ, သ့တၢ်လၢာ်ကစၢ်ကမၢလီၤတၢ်ဆူးတၢ်ဆါလၢကစံၣ်ညီၣ် ပှၤတဖၣ်လၢအခဲအံၤအီၣ်ကုးအီပှဲၤန့ၣ်လီၤ. လၢအဝဲသ့ၣ်အနီၢ်ခိတဖၣ်အပူၤန့ၣ်, မ့ၣ်အူကအိၣ်ဝဲလၢအအီၣ် ဝံၤအီၣ်က့ၤတၢ်တနဲးနဲးလီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 11:15

ယွၤကမၤဃ့ထီကွံာ်စူအဲးအပီၣ်လဲၣ်က့ၣ်ကျီၤ, ဒီးကဟဲစိာ်ကလံၤအကိၢ်ဒ်သိးအကမၤဃ့ထီကွံာ်ထံကျိဖရၤသး, ဒီးကပာ်တီၢ်ဝဲထံကျိဆံးဖိနွံကျိဒ် သိးပှၤတဂၤဂ့ၤတဂၤဂ့ၤလဲၤခီဂာ်အီၤကသ့အဂီၢ်လီၤ.

လံာ်ယၡါယၤ 28:15

သုပာ်ကဖၢလၢသုသးလၢသုမၤတ့ၢ်တၢ်အၢၣ်လီၤအီလီၤဒီး တၢ်သံဒီးမၤန့ၢ်တၢ်သးလီၤပလိာ်တမံၤဃုာ်ဒီးပှၤသံတဖၣ် အကီၢ်အဃိလီၤ. သုနာ်သပှၢ်တၢၢ်လၢဖဲတၢ်တတၢးတနါဟဲဝဲ အခါန့ၣ်ကကွၢ်ကပာ်သုလီၤ. အဂ့ၢ်ဒ်အံၤ, သုသန့ၤသုသးလၢတၢ်လီတၢ်ဝ့ၤဒီးတၢ်ကဘျံးက ဘျၣ်လၢအကမၤပူၤဖျဲးသုလီၤ.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 7:17

ယွၤကဒုးဘၣ်သု, သုပှၤဂီၢ်မုၢ်, ဒီးသုစီၤပၤအဒူၣ်အထၢ ခဲလၢာ်လၢမုၢ်နံၤအကိၢ်အဂီၤတဖၣ်လၢအအၢန့ၢ်ဒံးမုၢ်နံၤလၢ အဟဲတ့ၢ်လံဖဲကီၢ်အံၣ်စရ့လးအဘီအမုၢ်လီၤဖးဒီးကီၢ်ယူဒၤ အကတီၢ်န့ၣ်လီၤ. အဝဲကမၢလီၤကီၢ်အၤၡူၢ်အစီၤပၤဟဲဝဲန့ၣ်လီၤ.

လံာ်ယၡါယၤ 7:20

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ယွၤကဒိးလဲပှၤတံာ်ခိၣ် သူတဂၤလၢထံကျိဖရၤသးဝၢ်ဘးခီတခီ, လၢအမ့ၢ်ဝဲကီၢ်အၤၡူၢ် အစီၤပၤ, ဒီးအဝဲကလူၤကွံာ်သုခၣ်ဆူၣ်, ဒီးသုခိၣ်သူလၢ သုခိၣ်တဖၣ်အလိၤ, ဒီးသုဆူၣ်လၢသုနီၢ်ခိတဖၣ်အလိၤလီၤ.

လံာ်ယံးရမံယၤ 47:2

အဝဲစံးဝဲဒၣ်, “ကွၢ်တက့ၢ်. ထံဟဲထီၣ်လၢ ကလံၤစိးတခီဒီး ကယွၤသဖှိဝဲဒ် ထံကျိတကျိအထံလုၣ်ဘၢအီၤအသိးန့ၣ်လီၤ. ထံကလုၣ်ဘၢကွံာ်ထံဧိၤဒီး တၢ်ခဲလၢာ်လၢ အအိၣ်လၢအဖီခိၣ်, ဝ့ၢ်တဖၣ်ဒီး ပှၤဂီၢ်မုၢ်လၢ အအိၣ်ဆိးဖဲန့ၣ် ခဲလၢာ်လီၤ. ပှၤဂီၢ်မုၢ်ကကိးထီၣ်လၢ တၢ်မၤစၢၤအဂီၢ်ဒီး ပှၤကိးဂၤဒဲးလၢ ဟီၣ်ခိၣ်ချၢ ကဟီၣ်ဝဲယၢၤဝဲနးနးကျံးကျံးန့ၣ်လီၤ.

လံာ်ယံးရမံယၤ 51:42

ပီၣ်လဲၣ်ထွၣ်တလ့ၣ်ထီၣ်အသးလၢ ဘၤဘူၤလိၣ် အဖီခိၣ်ဒီး လုၣ်ဘၢအီၤဒီးလပီလၢအသီၣ်ထီၣ်ရုၢ် ရုၢ်တဖၣ်န့ၣ်လီၤ.

လံာ်ယဃ့းစက့လး 26:19

ယွၤပၢဘၣ်တၢ်ခဲလၢာ်ကစၢ်စံးတ့ၢ်အီၤ, “ယကဒုးအိၣ်လီၤဃီနၤ ဒ်ဝ့ၢ်တဖၣ်လၢအဟးဂီၤကွံာ်အသိးဖဲ ပှၤတအိၣ်ဆိးနီတဂၤဘၣ်န့ၣ် လီၤ. ယကလုၣ်ဘၢနၤဒီး ထံလၢပီၣ်လဲၣ်အတၢ်ယိာ်ပူၤတဖၣ်န့ၣ်လီၤ.

လံာ်ဒၤနံးယ့လး 11:10

ဒီးကီၢ်စူၤရံအစီၤပၤအဖိခွါတဖၣ်န့ၣ်ကကတဲာ်ကတီၤအသးလၢ တၢ်ဒုးသုးအဂီၢ်ဒီးပာ်ဖှိၣ်ထီၣ်အသုးမုၢ်တဖုလီၤ. လၢအကျါတဂၤန့ၣ် ကတြုာ်ကွံာ်တၢ်ဒ်ထံအါလုၣ်ဘၢတၢ် အသိးဒီးဒုးတၢ်ထီဒါဒုၣ်ဒါအတိာ်တဖျၢၣ်န့ၣ်လီၤ.

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်ဧၤမိၣ် 8:8

ဒီးဟီၣ်ခိၣ်ကဟူးဝးဆှဲးဆှိးဝဲလၢတၢ်န့ၣ်အဃိဒီးပှၤအိၣ်ဝဲလၢ ကီၢ်ပူၤခဲလၢာ်ကအိၣ်လၢတၢ်မိၣ်တၢ်မးအပူၤလီၤ. ထံကီၢ်ဒီတဘ့ၣ်ကဂံၤဂုၤအသးဒီးကစံၣ်စုးဒီးကလီၤသွီဝဲဒ်ထံကျိ နံၤလါလၢကီၢ်အဲၤကူပတူးအသိးန့ၣ်လီၤ.

လံာ်ဧၤမိၣ် 9:5

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ထိးဘၣ်ဟီၣ်ခိၣ်ဒီး ဟူးဝးဝဲ, ဒီးကယဲၢ်ပှၤအိၣ်လၢအပူၤခဲလၢာ်ဟီၣ်ဝဲယၢၤဝဲလီၤ. ဟီၣ်ခိၣ်ဒီဘ့ၣ်စံၣ်စုးဒီးလီၤသွီဒ်ထံကျိနံၤလါလၢကီၢ်အဲၤကူပတူး အသိးန့ၣ်လီၤ.

လံာ်မံကၤ 1:9

ၡၤမရံအပူၤလီၢ်ပူၤကျဲတဖၣ်ဘျါတသ့ဘၣ်. ကီၢ်ယူဒၤစ့ၢ်ကီးဘူးတ့ၢ်မးကတူၢ်ဘၣ်တၢ်တမံၤဃီလီၤ. တၢ်ဟးဂူာ်ဟးဂီၤဟဲတ့ၢ်တုၤဒၣ်လဲာ်ဆူဝ့ၢ်ယရူၤၡလ့ၣ်အတြဲၤ ဖးဒိၣ်တဖၣ်ဖဲယပှၤဂီၢ်မုၢ်အိၣ်ဆိးဝဲအလီၢ်လီၤ.”

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်မံကၤ 5:5

ဒီးအဝဲကဟဲစိာ်တၢ်ဃူတၢ်ဖိးလီၤ. ဖဲပှၤကီၢ်အၤၡူၢ်ဖိတဖၣ်ဘၢၣ်ဖျိပတိာ်ဧိၤ တာ်ဧိၤတဖၣ်ဒီးဟဲနုာ်လီၤဒုးပထံပကီၢ်န့ၣ်, ပကမၢလီၤပခိၣ်ပနၢ်လၢအဂံၢ်အဘါဆူၣ်ကတၢၢ်တဖၣ်လၢ အကဒုးအဝဲသ့ၣ်န့ၣ်လီၤ.

လံာ်နၤဃူၣ် 1:8

ဘၣ်ဆၣ်ဒီးဒ်ထံလုၣ်ဘၢတၢ်ဖးဒိၣ်အသိးန့ၣ်, ကမၤဟးဂီၤကွံာ်အဒုၣ်အဒါတဖၣ်တုၤအလၢာ်လီၤ. အဝဲဆှၢပှၤလၢအထီဒါအီၤတဖၣ်န့ၣ်ဆူအတၢ်သံဒၣ်ဝဲန့ၣ်လီၤ.

လံာ်လူၤကၣ် 6:48

အဝဲဒၣ်လီၤဂာ်ဒီးပှၤတဂၤလၢအသူၣ်ထီၣ်ဟံၣ်, ခူၣ်တၢ်ပူၤယိာ်ယိာ်, ဒီးပာ်လီၤဝဲအခီၣ်ထံးခီၣ်ဘိလၢလၢၢ်ခိၣ်န့ၣ်လီၤ. ထံလုၣ်ဘၢကွံာ်ထံကျိအကၢၢ်ခိၣ်ဒီးဘၣ်ဒိဟံၣ်တဖျၢၣ်န့ၣ်, ဘၣ်ဆၣ်ဒီးမၤဟူးမၤဝးအီၤတန့ၢ်ဘၣ်. အဂ့ၢ်မ့ၢ်လၢတၢ်သူၣ်အီၤကျၢၤကျၢၤအဃိလီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.