လံာ်ယၡါယၤ 8:19 - Sgaw Karen Common Bible

¹⁹ ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယၡါယၤ 8:19 Iomraidhean Croise

လံာ်တၢ်ကဲထီၣ်အခီၣ်ထံး 41:24

ဒီးဘုစဲၤအသွံးတဖၣ်ယူၢ်လီၤကွံာ်ဘုစဲၤအကၢတဖၣ်န့ၣ်လီၤ. ယတဲဘၣ်တ့ၢ်တၢ်မံမီၢ်တဖၣ်ဆူပှၤမၤကဒါမဲာ်တဖၣ်, ဘၣ်ဆၣ်အဝဲသ့ၣ်ဖးန့ၢ်ယၤတဘၣ်နီတဂၤဘၣ်.”

လံာ်စီၤပၤခံဘ့ၣ်တဘ့ၣ် 1:3

ဘၣ်ဆၣ်ဒီးယွၤအကလူးတဂၤမၤလိာ်စီၤအ့ၤလံယၤ, ဝံတဂၤလၢဝ့ၢ်တံးၡဘးဒ်သိးကလဲၤသဂၢၢ်စီၤပၤအဃၤစယၤအပှၤစိာ် တၢ်ကစီၣ်တဖၣ်ဒီးသံကွၢ်အဝဲသ့ၣ်, “ဘၣ်မနုၤလၢသုကဘၣ်လဲၤဃ့တၢ်ဟ့ၣ်ကူၣ်လၢပှၤဧ့ကြိၣ်အကစၢ် ဘဧၤလးစဘူာ်န့ၣ်လဲၣ်. မ့ၢ်သုဆိကမိၣ်လၢကစၢ်တအိၣ်ဘၣ်နီတဂၤလၢကီၢ်အံၣ်စရ့လးအပူၤ အဃိန့ၣ်ဧါ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:24

လၢတၢ်ကမၤပိာ်ထွဲတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ကွဲးလီၤတ့ၢ်အီၤလၢလံာ်ပူၤလၢပှၤလုၢ်တၢ်အခိၣ်အဒိၣ်ကတၢၢ်စီၤ ဃံးလကံယၤထံၣ်န့ၢ်ဝဲလၢယွၤအတၢ်လုၢ်ဟံၣ်ပူၤအဂီၢ်န့ၣ်, စီၤပၤယိၤၡံယၤသုးကွံာ်ဝဲကယဲၢ်ပှၤအိၣ်ဒီးပှၤသံအကလၤ, ပှၤဖးတၢ်ဟဲဝံဟဲစိာ်တဖၣ်, ကစၢ်တဖၣ်လၢတၢ်ပာ်အီၤလၢ ဟံၣ်ပူၤ, တၢ်ဂီၤတၢ်ဖီၣ်တဖၣ်, ဒီးပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်အဂၤတဖၣ်လၢဝ့ၢ်ယရူၤၡလ့ၣ်ဒီးကီၢ်ယူဒၤတၢ်လီၢ်အဂၤတဖၣ် အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

စံးထီၣ်ပတြၢၤ 106:28

မၤကဒီးဖဲပဧိၢ်န့ၣ်, ကစၢ်ယွၤအပှၤဂီၢ် မုၢ်လဲၤသကိးတၢ်လၢ တၢ်ဘူၣ်ထီၣ်ဘါထီၣ်ဘဧၤလးအပူၤ, ဒီးအီၣ်တၢ်လုၢ်တၢ်ပာ်တဖၣ်လၢ တၢ်လုၢ်ထီၣ်အီၤဆူ ကစၢ်လၢအသံတဖၣ်န့ၣ်လီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 26:14

ခဲအံၤအဝဲသ့ၣ်သံလံဒီးတမူကဒီးလၢၤဘၣ်. အတဃၣ်တဖၣ်တဂဲၤဆၢထၢၣ်လၢၤဘၣ်. မ့ၢ်လၢနစံၣ်ညီၣ်ဒီးမၤဟးဂီၤအဝဲသ့ၣ်အဃိလီၤ. ပှၤတသ့ၣ်နီၣ်လၢၤအဝဲသ့ၣ်နီတဂၤနီတစုဘၣ်.

လံာ်ယၡါယၤ 29:4

ဝ့ၢ်ယရူၤၡလ့ၣ်ကလီၤဂာ်ဒီးတၢ်တဃၣ်တဒုလၢအဂဲၤပျူၢ်ကတိၤ တၢ်လၢဟီၣ်ခိၣ်အဖီလာ်, အကလုၢ်သီၣ်ဧိၤဧိၤဧၤဧၤဟဲထီၣ်လၢ ဖၣ်ဆါကျါန့ၣ်လီၤ.

လံာ်ယၡါယၤ 30:2

အဝဲသ့ၣ်လဲၤဆူကီၢ်အဲၤကူပတူးလၢတၢ်မၤစၢၤအဂီၢ်လီၤ. တဃ့ယတၢ်ဟ့ၣ်ကူၣ်ဟ့ၣ်ဖးဘၣ်. အဝဲသ့ၣ်သးအိၣ်ဝဲလၢကီၢ် အဲၤကူပတူးကဒီဒၣ်အိၣ်ပှိၤအီၤ, သတးဒီးအဝဲသ့ၣ်ပာ်အတၢ်နာ် လၢကီၢ်အဲၤကူပတူးအစီၤပၤအပူၤန့ၣ်လီၤ.

လံာ်ယၡါယၤ 45:11

ယွၤ, ကီၢ်အံၣ်စရ့လးအကစၢ်ယွၤစီဆှံ, ပှၤလၢအတ့လီၤကျဲၤလီၤခါဆူညါတဂၤစံးဝဲ, “သုသံကွၢ်ယၤတၢ်ဘၣ်ဃးဒီးယဖိယလံၤတဖၣ် ဒီးတဲဘၣ်ယၤတၢ်လၢယကြၢးမၤန့ၣ် တပၢဘၣ်နီတဂၤဘၣ်.

လံာ်ယၡါယၤ 47:12

ပၢၤဃာ်ကယဲၢ်နတၢ်မၤကဒါပှၤအမဲာ်, ဒီးနတၢ်အူတၢ်သမူတၢ်တဖၣ်တက့ၢ်. နသူတ့ၢ်တၢ်တဖၣ်န့ၣ်စးထီၣ်လၢနသးစၢ်အကတီၢ်လံၤလံၤန့ၣ်လီၤ. ဘၣ်သ့ၣ်သ့ၣ်, တၢ်တဖၣ်န့ၣ်ကမ့ၢ်တၢ်မၤစၢၤလၢနဂီၢ်တနီၤနီၤဒီး နမၤပျံၤမၤဖုးနဒုၣ်နဒါတဖၣ်ကသ့န့ၣ်လီၤ.

လံာ်ယၡါယၤ 47:13

နဒိးန့ၢ်ဘၣ်တၢ်ဟ့ၣ်ကူၣ်ဟ့ၣ်ဖးတဖၣ်ဒၣ်လဲာ်, တၢ်စိတၢ်ကမီၤတအိၣ်ဘၣ်ဒီးနၤဘၣ်. ပျဲနပှၤဖးဆၣ်ဧိၤဖီဧိၤတဖၣ်, ဟဲထီၣ်ဆူညါဒီးမၤပူၤဖျဲးနၤ, ပှၤတဖၣ်လၢအမၤလိဆၣ်ဧိၤဖီဧိၤ, ပှၤတဖၣ်လၢအတ့နီၣ်ကူၣ်ဖးမူ ခိၣ်မူကပိာ်လိၤအလီၢ်အကျဲန့ၣ် ဒီးစံးဘၣ်တဲဘၣ်နၤတၢ်လၢအကမၤအသးဒီးနၤတလါဝံၤတလါန့ၣ်တ က့ၢ်.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:6

ဒီးကယဲၢ်ပှၤတဂၤဂၤလၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤကတိၤ တၢ်ဒီးပှၤသံအကလၤတဖၣ်န့ၣ်ယကထီဒါအီၤဒီးယ တပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်.

လံာ်မံကၤ 5:12

ယကမၤဟးဂီၤတၢ်သမူပယၢ်လၢသုသူတဖၣ်ဒီး ပာ်လီၤတဲာ်သုတအိၣ်ဘၣ်ဒီးပှၤဖးတၢ်ဟဲဝံနီတဂၤဘၣ်.

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

လံာ်သိၣ်လီၤသီလီၤတၢ် 18:10

လုၢ်ထီၣ်ပာ်ထီၣ်သုဖိတဖၣ်လၢမ့ၣ်အူအပူၤလၢသုတၢ်လုၢ်လီၢ်တဖၣ် အဖီခိၣ်တဂ့ၤ. ဒီးပျဲသုပှၤဂီၢ်မုၢ်မၤတၢ်ဒုၣ်တၢ်ထုမ့ၢ်ဂ့ၤ, သံကွၢ်တၢ်လၢပှၤကွၢ်တၢ်ပနီၣ်တဖၣ်အအိၣ်မ့ၢ်ဂ့ၤ, အူတၢ်အူတၢ်သမူတဖၣ်မ့ၢ်ဂ့ၤ,

လံာ်သိၣ်လီၤသီလီၤတၢ် 18:11

လၣ်တၢၢ်လၣ်ဖွဲတဖၣ်မ့ၢ်ဂ့ၤ, ဒီးပျဲအဝဲသ့ၣ်သံကွၢ်သံဒိးတၢ် လၢပှၤသံကလၤတဖၣ်န့ၣ်တဂ့ၤ.

၁ သ့းစၤလနံ 1:9

ပှၤခဲလၢာ်န့ၣ်စံးကတိၤတၢ်ဘၣ်ဃးသုတၢ်တူၢ်လိာ်မုာ်ပှၤဖဲ ပလဲၤအိၣ်သကိးသုအဆၢကတီၢ်, ဒီးဘၣ်ဃးသုတၢ်ဃၣ်ကွံာ်သုသးလၢတၢ်ဂီၤတၢ်ဖီၣ်ဒီးသုတၢ်ဃၣ် ကဒါက့ၤသုသးဆူကစၢ်ယွၤအအိၣ်, ဒ်သိးသုကမၤကစၢ်ယွၤလၢအတီဒီးမူဝဲတဂၤအတၢ်,

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:11

ပိာ်မုၣ်န့ၣ်သံကွၢ်အီၤ, “ယကဘၣ်ကိးန့ၢ်နၤလၢမတၤတဂၤလဲၣ်.” စီၤစီလူးစံးဝဲ, “စီၤၡမူၤအ့လးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:16

စီၤၡမူၤအ့လးစံးဝဲဒၣ်, “တုၤကစၢ်ယွၤကဲထီၣ်နဒုၣ်နဒါဒီး တကနၣ်ဃုာ်နၤန့ၣ်ဘၣ်မနုၤနကိးယၤလဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 28:7

အန့ၣ်ဒီးစီၤစီလူးဟ့ၣ်လီၤအကလုၢ်ဆူအသုးခိၣ်သုးနၢ်တဖၣ် အအိၣ်ဒီးစံးဝဲ, “ဃုန့ၢ်ယၤပှၤပိာ်မုၣ်တဂၤလၢအကိးပှၤအကလၤဒီးယကလဲၤဒီးသံကွၢ်တၢ်ဒီးအီၤန့ၣ်လီၤ.” အဝဲသ့ၣ်စံးဘၣ်အီၤ, “အိၣ်လၢဝ့ၢ်ဧ့ၣ်ဒိၢ်အပူၤတဂၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:8

မၤသးဒ်န့ၣ်ဒီး, စီၤစီလူးပျိာ်လီၤဆီအက့ၢ်အဂီၤ, ဒီးကူထီၣ်သိးထီၣ်တၢ်ကူတၢ်သိးအဂၤ, ဒီးဖဲမုၢ်ခံးလီၤန့ၣ် အဝဲဒီးအပှၤခံဂၤလဲၤတၢ်ဒ်သိးကထံၣ်လိာ်ဒီးပိာ်မုၣ်န့ၣ်လီၤ. စီၤစီလူးစံးဘၣ်ပိာ်မုၣ်န့ၣ်, “ကူၣ်လိာ်တၢ်ဒီးပှၤသံတဖၣ်အကလၤဒီး တဲယၤလၢတၢ်မနုၤကမၤအသးတက့ၢ်. ကိးထီၣ်ပှၤလၢယတဲအမံၤတဂၤအကလၤတက့ၢ်.”