လံာ်ယၡါယၤ 8:15 - Sgaw Karen Common Bible

¹⁵ ပှၤအါဂၤကဘၣ်တိၢ်ဘၣ်ထံး, ကလီၤဃံၤဝဲဒီးကဘၣ်တၢ်မၤ ကၢ်မၤလီၤကလဲအီၤလီၤ. အဝဲသ့ၣ်ကဘၣ်တၢ်ဖီၣ်န့ၢ်အီၤလၢ ထုအပူၤလီၤ.”

လံာ်ယၡါယၤ 8:15 Iomraidhean Croise

လံာ်ယၡါယၤ 28:13

လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 59:10

ဒီးပပုာ်ပလၢၢ်တၢ်ဒ်ပှၤဂီၢ်မုၢ်လၢအမဲာ်ဘျီၣ်အသိးန့ၣ်လီၤ. လၢမုၢ်ထူၣ်အကတီၢ်န့ၣ်ပခီၣ်ဘၣ်တိၢ်ဒ်ပှၤလဲၤတၢ်လၢမုၢ်နၤခီ အသိး, မၤသးဒ်ပအိၣ်လၢပှၤသံအကီၢ်လၢအခံးတဘ့ၣ်အပူၤ အသိးန့ၣ်လီၤ.

လံာ်ယၡါယၤ 7:22

အဝဲသ့ၣ်ကဟ့ၣ်ထီၣ်အနုၢ်ထံအါအါဂီၢ်ဂီၢ်တုၤဒၣ်လဲာ်အဝဲက အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. သပှၢ်တၢၢ်န့ၣ်, ပှၤလၢအအိၣ်လီၤတဲာ်စှၤဂၤလၢထံကီၢ်အပူၤန့ၣ်, ကအိၣ်ဒီးတၢ်နုၢ်ထံဒီး ကနဲစီလၢကအီၣ်ဝဲအီဝဲအဂီၢ်လီၤ.

လံာ်ယံးရမံယၤ 6:21

လၢတၢ်န့ၣ်အဃိ, ယကပျဲပှၤဂီၢ်မုၢ်တဖၣ်အံၤအခီၣ်ဘၣ်တိၢ်ဒီး လီၤဃံၤဝဲန့ၣ်လီၤ. ပၢ်တဖၣ်ဒီးဖိတဖၣ်ကသံဝဲ, ဒီးဒ်န့ၣ်အသိး, တံၤသကိးတဖၣ်ဒီးပှၤအိၣ်ဘူးအိၣ် တံၢ်လိာ်သးတဖၣ်ကမ့ၢ်တၢ်တမံၤဃီလီၤ.”

လံာ်မးသဲ 11:6

ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 21:44

(ပှၤတဂၤလၢ်လၢ်လၢအလီၤဃံၤလၢလၢၢ်အံၤအဖီခိၣ်န့ၣ်, ကကၢ်ဝဲဒီး လၢၢ်အံၤမ့ၢ်လီၤတဲာ်ဒီးဘၣ်ပှၤတဂၤဂၤဒီး, ကမၤလီၤသဘှံးကွံာ်အီၤလီၤ.)

လံာ်ယိၤဟၣ် 6:66

လၢတၢ်အံၤအဃိ, ယ့ၣ်ၡူးအပျဲၢ်အဘီၣ်အါဂၤက့ၤကဒါ က့ၤဒီးတပိာ်လၢၤအခံဘၣ်န့ၣ်လီၤ.

ရိမ့ၤ 9:32

ဘၣ်မနုၤအဃိလဲၣ်. မ့ၢ်လၢအဝဲသ့ၣ်တသန့ၤထီၣ်အသး လၢတၢ်နာ်အဖီခိၣ်ဘၣ်, မ့မ့ၢ်, လၢတၢ်မၤတဖၣ်အဖီခိၣ် အဃိလီၤ. အဝဲသ့ၣ်အခီၣ်ဘၣ်တိၢ်လၢ “လၢၢ်တၢ်ဘၣ်တိၢ် တဖျၢၣ်”

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.