လံာ်ယၡါယၤ 8:13 - Sgaw Karen Common Bible

¹³ သ့ၣ်နီၣ်ထီၣ်က့ၤလၢယၤ, ယွၤသ့တၢ်လၢာ်ကစၢ်အံၤစီဆှံဝဲန့ၣ်တက့ၢ်. ယမ့ၢ်ပှၤတဂၤလၢနကဘၣ်ပျံၤအီၤန့ၣ်လီၤ.

လံာ်ယၡါယၤ 8:13 Iomraidhean Croise

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

လံာ်ယၡါယၤ 29:23

ဖဲသုထံၣ်ဘၣ်ဖိတဖၣ်လၢယဟ့ၣ်လီၤသုန့ၣ်, သုကအၢၣ်လီၤတူၢ်လိာ်လၢယမ့ၢ်အံၣ်စရ့လး အကစၢ်ယွၤစီဆှံန့ၣ်လီၤ. သုကမၤလၤကပီၤယၤဒီး ဆၢထၢၣ်လၢတၢ်ပျံၤတၢ်ယူးယီၣ်ယၤအပူၤလီၤ.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 22:32

ဒီးသုတမၤမဲာ်ဆှးယမံၤစီဆှံတဂ့ၤ. မ့မ့ၢ်ယကဘၣ်တၢ်ပာ်စီဆှံယၤလၢပှၤအံၣ်စရ့လးဖိအကျါလီၤ. ယဲဒၣ်အံၤယမ့ၢ်ယွၤလၢအမၤစီဆှံသု,

လံာ်မၤလကံ 2:5

လၢယတၢ်အၢၣ်လီၤအီလီၤအပူၤန့ၣ်, ယအၢၣ်လီၤအဝဲသ့ၣ်တၢ်မူဒီးတၢ်အိၣ်မုာ်ဆိးပၢၤ, ဒီးတၢ်အံၤမ့ၢ်တၢ်လၢယဟ့ၣ်အဝဲသ့ၣ်ဒ်သိးအဝဲသ့ၣ်ကယူးယီၣ်ပာ် ကဲယၤန့ၣ်လီၤ. ဒီးလၢမုၢ်နံၤတဖၣ်န့ၣ်အပူၤ, အဝဲသ့ၣ်ယူးယီၣ်ပာ်ကဲယၤလီၤ.

လံာ်တၢ်ဂံၢ် 27:14

မ့ၢ်လၢသုဝဲခံဂၤလိာ်သုပူထီၣ်ထီဒါယတၢ်မၤလိာ်လၢပှၢ်မုၢ် ကနၢစံၣ်အပူၤအဃိန့ၣ်လီၤ. ဖဲပှၤဂီၢ်မုၢ်ဒီကရူၢ်ကဒူးကဒ့ၣ်ထီဒါယၤလၢမရံၤဘါန့ၣ်, သုဂ့ၢ်လိာ်သ့ၣ်ညါပာ်ကဲယစိကမီၤစီဆှံလၢအဝဲသ့ၣ်အမဲာ်ညါ လီၤ.” (မရံၤဘါမ့ၢ်ထံထီၣ်ပၢၢ်လၢဝ့ၢ်ကၤဒ့ၣ်, လၢပှၢ်မုၢ်ကနၢစံၣ်အပူၤန့ၣ်လီၤ.)

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်လူၤကၣ် 12:5

ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.

ရိမ့ၤ 4:20

အတၢ်နာ်တကဒံကဒါဘၣ်, ဒီးအသးတဒ့ဒီလၢကစၢ် ယွၤအတၢ်အၢၣ်လီၤအီလီၤအဖီခိၣ်ဘၣ်. အတၢ်နာ်မၤပှဲၤအီၤဒီးတၢ်ဂံၢ်တၢ်ဘါဒီးအဝဲစံးထီၣ်ပတြၢၤ ကစၢ်ယွၤလီၤ.

လံာ်သိၣ်လီၤသီလီၤတၢ် 14:23

အန့ၣ်ဝံၤဒီးလဲၤဆူတၢ်လီၢ်တတီၤဖဲယွၤသုကစၢ်ယွၤဃုထၢအီၤ လၢတၢ်ကဘူၣ်ထီၣ်ဘါထီၣ်အီၤအဂီၢ်ဒီးဖဲန့ၣ်လၢယွၤအမဲာ်ညါန့ၣ် အီၣ်သုတၢ်ဆံဆဲၣ်ပူတပူဘၣ်ဃးဒီးဘုဧိၤဟုဧိၤသုစပံးထံ ဒီးသုသ့ၣ်စၤယံးအသိ, သုဂီၤဘုၣ်ဂီၤဖံးဒီးသုသိအဝဲၢ်ကိန့ၣ်တက့ၢ်. မၤတၢ်အံၤဒ်သိးဒီးသုကမၤလိန့ၢ်တၢ်အိၣ်ဒီး တၢ်ယူးယီၣ်ပာ်ကဲယွၤသုကစၢ်ယွၤထီဘိတထံၣ်ဃီန့ၣ်တက့ၢ်.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 11:7

အဝဲဟံးန့ၢ်ဂီၤဖံးဖါခံဒုဒီးဒီၣ်တဲာ်အီၤတကူာ်တကူာ်ဒီး မၢပှၤစိာ်တၢ်ကစီၣ်တဖၣ်စိာ်တၢ်ညၣ်အကူာ်တဖၣ်န့ၣ်သကုၤကီၢ်အံၣ် စရ့လးဒီဘ့ၣ်ဃုာ်ဒီးတၢ်ဟ့ၣ်ပလီၢ်အံၤန့ၣ်လီၤ. “ပှၤတဂၤလၢ်လၢ်လၢအတပိာ်ဘၣ်စီၤစီလူးဒီးစီၤၡမူအ့လးအခံ ဆူတၢ်ဒုးအပူၤန့ၣ်, အဂီၤဖံးဖါတဖၣ်ကဘၣ်တၢ်မၤအီၤဒ်အံၤလီၤ. ကီၢ်အံၣ်စရ့လးအပှၤဂီၢ်မုၢ်ပျံၤတၢ်လၢယွၤကမၤဝဲ, ဒီးဟဲထီၣ်သကိးဝဲခဲလၢာ်တအိၣ်ဒီးတၢ်လီၤတိၢ်ဘၣ်လီၤ.