လံာ်ယၡါယၤ 7:7 - Sgaw Karen Common Bible

⁷ ဘၣ်ဆၣ်ယၤ, ယွၤ, ယစံး, တၢ်အံၤတမၤအသးလ့ၤတက့ၤဘၣ်.

လံာ်ယၡါယၤ 7:7 Iomraidhean Croise

စံးထီၣ်ပတြၢၤ 33:11

ဘၣ်ဆၣ်ယွၤအတၢ်ကူၣ်ထီၣ်ဖးလီၤတဖၣ် အိၣ်ဂၢၢ်ဆိးကျၢၤလီၤစိၤလီၤထီ ဒီးအတၢ်ပာ်လီၤအသး အိၣ်ဝဲအစိၤစိၤအဃၣ်ဃၣ်လီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 28:18

တၢ်အၢၣ်လီၤအီလီၤလၢသုမၤဒီးတၢ်သံကဘၣ်တၢ်မၤဟးဂီၤ ကွံာ်, ဒီးသုတၢ်သးလီၤပလိာ်ဒီးပှၤသံတဖၣ်အကီၢ်ကဘၣ် တၢ်တြူာ်ကွံာ်အီၤလီၤ. ဖဲတၢ်တတၢးတနါဟဲခီဂာ်တၢ်ဒီး, သုကဘၣ်တၢ်မၤနၢၤမၤဃၣ်သုလီၤ.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယၡါယၤ 7:1

ဖဲစီၤပၤအၤဃးလၢအမ့ၢ်စီၤယိၤသၣ်အဖိခွါ, ဒီးစီၤဧူးစံယါအလံၤခွါ, ပၢကီၢ်ယူဒၤအဆၢကတီၢ်န့ၣ်, တၢ်ဒုးကဲထီၣ်ဝဲလီၤ. ကီၢ်စူၤရံအစီၤပၤရစံၣ်ဒီးကီၢ်အံၣ်စရ့လး အစီၤပၤပ့ကးလၢအမ့ၢ်စီၤရမါလယၤအဖိခွါဟဲထီၣ်ဒုးဝ့ၢ်ယရူၤ ၡလ့ၣ်လီၤ. ဘၣ်ဆၣ်ဒီးဒုးဝဲတန့ၢ်ဘၣ်.

လံာ်ယၡါယၤ 7:6

အဝဲသ့ၣ်ပာ်လီၤအသးလၢကနုာ်လီၤဒုးကီၢ်ယူဒၤ, မၤပျံၤမၤဖုးပှၤဂီၢ်မုၢ်ဒ်သိးကဘျုးအသးဆူအဝဲသ့ၣ်အအိၣ် တခီ, ဝံၤဒီးကပာ်ထီၣ်စီၤတၤဘအ့လးအဖိခွါလၢစီၤပၤအလီၢ်န့ၣ်လီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်သးသယုၢ်တၢ် 3:37

ယွၤမ့ၢ်တဘၣ်သူၣ်ဘၣ်သးဘၣ်ဒီးပှၤဒုးကဲထီၣ်လိၣ်ထီၣ်တၢ် တသ့ဘၣ်နီတမံၤနီတဂၤဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.