လံာ်ယၡါယၤ 7:5 - Sgaw Karen Common Bible

⁵ ကီၢ်စူၤရံ, ဃုာ်ဒီးကီၢ်အံၣ်စရ့လးဒီးအစီၤပၤတဖၣ်ကူၣ်ထီၣ် တ့ၢ်တၢ်အၢတမံၤလီၤ.

လံာ်ယၡါယၤ 7:5 Iomraidhean Croise

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

လံာ်ယၡါယၤ 7:2

ဖဲတၢ်ကစီၣ်ဟဲတုၤဆူကီၢ်ယူဒၤအစီၤပၤအအိၣ်လၢကီၢ်စူၤရံ အသုးမုၢ်သံၣ်ဘိတဖၣ်အိၣ်တ့ၢ်လံလၢအံၣ်စရ့လးအကီၢ်ပူၤန့ၣ်, အဝဲဒီးအပှၤဂီၢ်မုၢ်တဖၣ်ပျံၤတၢ်ဒိၣ်မးတုၤဒၣ်လဲာ်အဝဲသ့ၣ် ကနိးကစုာ်ဝဲဒ်သ့ၣ်တဖၣ်ဟူးဝးလၢကလံၤအူတၢ်အဃိအသိးလီၤ.

လံာ်ယၡါယၤ 7:6

အဝဲသ့ၣ်ပာ်လီၤအသးလၢကနုာ်လီၤဒုးကီၢ်ယူဒၤ, မၤပျံၤမၤဖုးပှၤဂီၢ်မုၢ်ဒ်သိးကဘျုးအသးဆူအဝဲသ့ၣ်အအိၣ် တခီ, ဝံၤဒီးကပာ်ထီၣ်စီၤတၤဘအ့လးအဖိခွါလၢစီၤပၤအလီၢ်န့ၣ်လီၤ.

လံာ်နၤဃူၣ် 1:11

ဝ့ၢ်နံၤနဝ့ဧၢ, လၢနပူၤန့ၣ်ပှၤတဂၤလၢအပှဲၤဒီးတၢ်ကူၣ်ထီၣ်ဖးလီၤကျဲ အၢကျဲသီဒီးကူၣ်ထီၣ်ထီဒါယွၤန့ၣ်ဟဲထီၣ်ဝဲဒၣ်လီၤ.

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.