လံာ်ယၡါယၤ 7:3 - Sgaw Karen Common Bible

³ ယွၤစံးဘၣ်ဝံယၡါယၤ, “ဟံးန့ၢ်နဖိခွါစီၤၡယၤၡူာ်ဒီးလဲၤ သဂၢၢ်စီၤပၤအၤဃးတက့ၢ်. နကထံၣ်ဘၣ်အီၤဖဲ ပှၤမၤတၢ်ကံးယာ်တဖၣ်အမၤတၢ်ကျဲအလိၤ, ဖဲထံကျိၤလၢအဟဲစိာ် လီၤထံလၢနိၣ်လၢထးခီ, အကတၢၢ်န့ၣ်လီၤ.

လံာ်ယၡါယၤ 7:3 Iomraidhean Croise

လံာ်စီၤပၤခံဘ့ၣ်တဘ့ၣ် 16:1

လၢစီၤရမါလယၤအဖိခွါစီၤပ့ကးပၢတၢ်ဒ်ကီၢ်အံၣ်စရ့လးအစီၤ ပၤအသိးတဆံနွံနံၣ်တနံၣ်အပူၤန့ၣ်, စီၤယိၤသၣ်အဖိခွါစီၤအၤဃးကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:20

ကယဲၢ်တၢ်အဂၤလၢစီၤပၤဃံးစကံယၤမၤတ့ၢ်ဝဲ, အဝဲအတၢ်မၤအဒူအဃိၤတဖၣ်, ဒီးတၢ်ကွဲးနီၣ်ဘၣ်ဃးဒီးအဝဲဘှီ ထီၣ်ကမါပဒၢးထံတဖျၢၣ်ဒီးအတၢ်ခူၣ်ထံကျိၤတကျိၤလၢကဟဲစိာ် နုာ်ထံဆူဝ့ၢ်ပူၤအဂ့ၢ်အကျိၤခဲလၢာ်န့ၣ်ဘၣ်တၢ်ကွဲးအီၤလၢ ကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤနဃ့မယၤ 3:16

ဒီးစီၤဧၤစဘူးအဖိခွါစီၤနဃ့မယၤလၢအမ့ၢ်ပှၤပၢၤဘ့ၤသစူၢ် ကီၢ်ဆၣ်တဝာ်န့ၣ်, ဘှီက့ၤဝဲလၢခံတပတီၢ်တုၤလီၤလၢစီၤဒၤဝံးအသွၣ်ခိၣ်, ကမါဒီးပှၤသုးဖိအိၣ်ဟံၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 7:15

လၢတၢ်န့ၣ်အဃိမုၢ်ဆ့ၣ်ထီၣ်န့ၣ်လဲၤထံၣ်အီၤဖဲအလဲၤလီၤဆူ ထံကျိနံၤလါန့ၣ်တက့ၢ်. လဲၤစိာ်ဃုာ်နီၣ်ထိးဘိလၢအကဲထီၣ်ဂုၢ်, ဒီးအိၣ်ခိးအီၤဖဲထံကျိကၢၢ်နံၤန့ၣ်တက့ၢ်.

လံာ်ယၡါယၤ 10:21

ပှၤအံၣ်စရ့လးဖိစှၤဂၤကဟဲက့ၤကဒါက့ၤဆူအဝဲသ့ၣ်အကစၢ် ယွၤလၢအစိဒိၣ်ကမီၤဒိၣ်အအိၣ်န့ၣ်လီၤ.

လံာ်ယၡါယၤ 22:10

သုကွၢ်ထံက့ၤဟံၣ်ကိးဖျၢၣ်ဒဲးလၢဝ့ၢ်ယရူၤၡလ့ၣ်အပူၤဒီးဂုၤ လီၤပှီၢ်အီၤတနီၤလၢသုကမၤန့ၢ်လၢၢ်တဖၣ်လၢတၢ်ကဘှီက့ၤ ဝ့ၢ်အခိၣ်ဒူအဂီၢ်လီၤ. လၢတၢ်ကပဒၢးဖှိၣ်ထံအဂီၢ်,

လံာ်ယၡါယၤ 22:11

သုဘှီထီၣ်တၢ်ပာ်ကီၤထံအလီၢ်လၢဝ့ၢ်အအိပူၤဒ်သိးသုကမၤ န့ၢ်ထံလၢအဟဲယွၤလီၤဝဲလၢကွံအလီၢ်လံၤလီၤ. ဘၣ်ဆၣ်သုတကနၣ်ဃုာ်ယွၤလၢအကူၣ်ကျဲၤတ့ၢ်တၢ်အံၤဒီး ဒုးကဲထီၣ်လိၣ်ထီၣ်အီၤ, လၢတၢ်ဆၢကတီၢ်လၢအယံာ်တ့ၢ် မးလံတဂၤန့ၣ်ဘၣ်.

လံာ်ယၡါယၤ 36:2

ဝံၤဒီးအဝဲဟ့ၣ်လီၤအကလုၢ်လၢအသုးခိၣ်ကျၢၢ်ကလဲၤတၢ်လၢဝ့ၢ်လၤ ကံၣ်ဆူဝ့ၢ်ယရူၤရှလ့ၣ်အိၣ်ဒီးသုးမုၢ်ဖးဒိၣ်တဖုဒ်သိးကမၢဆူၣ် စီၤပၤဃံးစကံယၤလၢအကပာ်လီၤအစုကဝဲၤအဂီၢ်လီၤ. သုးခိၣ်ဖးဒိၣ်န့ၣ်ပၢၤဃးကျဲတဘိဖဲပှၤစုၣ်တၢ်ကံးယာ်တဖၣ် မၤတၢ်, ဖဲထံကျိၤလၢအဟဲစိာ်လီၤထံလၢကွံလၢထးတတီၤန့ၣ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယံးရမံယၤ 22:1

ယွၤတဲဘၣ်ယၤလၢယကလဲၤဆူစီၤဒၤဝံးအစၢၤအသွဲၣ်, ကီၢ်ယူဒၤအစီၤပၤ, အနူၢ်အစီၤန့ၣ်လီၤ.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.