လံာ်ယၡါယၤ 7:19 - Sgaw Karen Common Bible

¹⁹ အဝဲသ့ၣ်ကဟဲလီၤဖှိၣ်ဒီးမၤပှဲၤကစၢၢ်ခိၣ်ကစၢၢ်လာ်ကစၢၢ်ကဆူး တဖၣ်, လၢၢ်ကအိလ့ကဆူးတဖၣ်အပူၤ, ဒီးအဝဲသ့ၣ်ကကးဘၢတၤဆှုၣ်တပှီာ် တဖၣ်ဒီးတၢ်အီၣ်ဆၣ်အလီၢ်ခဲလၢာ်လီၤ.

လံာ်ယၡါယၤ 7:19 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 2:21

ဖဲယွၤဟဲဝဲလၢကမၤဟူးဟီၣ်ခိၣ်အဂီၢ်န့ၣ်, ပှၤဂီၢ်မုၢ်ကအိၣ်ခူသူၣ်လၢ တၢ်ပူၤတဖၣ်ဒီးလၢၢ်ကအိပူၤတဖၣ်လၢလၢၢ်ကစၢၢ်တဖၣ် အလိၤလၢတၢ်ကျဲးစၢးဃ့ၢ်ပူၤဖျဲးကွံာ်လၢယွၤအတၢ်သး ဒိၣ်ထီၣ်ဒီးအိၣ်ခူသူၣ်ဝဲလၢအဝဲအစိကမီၤဒီးအလၤကပီၤလီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 7:24

ပှၤကလဲၤလူၤခးတၢ်ဖဲန့ၣ်လၢချံၣ်တဖၣ်ဒီးပျၢ်တဖၣ်လီၤ. သပှၢ်တၢၢ်န့ၣ်, ထံကီၢ်ဒီဘ့ၣ်ကပှဲၤဝဲဒီးတၤဆှုၣ် တၤမဲတဖၣ်ဒီးတၤဆှုၣ်တပှီာ်တဖၣ်လီၤ.

လံာ်ယၡါယၤ 7:25

ကယဲၢ်တၢ်လူၢ်ခဲလၢာ်လၢတၢ်မုၢ်တၢ်ဘိတဖၣ်ညီနူၢ်မဲထီၣ်သၣ် ထီၣ်အလီၢ်န့ၣ်, တၢ်ကဒိၣ်ဘၢခဲဘၢအီၤလၢတၤဆှုၣ်တဖၣ် တုၤဒၣ်လဲာ်ပှၤတလဲၤဖဲန့ၣ်နီတဂၤလၢၤဘၣ်. ကမ့ၢ်ဝဲတၢ်လီၢ်တတီၤ လၢဂီၤဖံးဒီးသိတဖၣ်အီၣ်ဆၣ်အလီၢ်န့ၣ်လီၤ.”

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်မံကၤ 7:17

အဝဲသ့ၣ်ကစွါဝဲလၢဖၣ်ကမူၣ်အကျါဒ်ဂုၢ်တဖၣ်အသိး, ကဟဲထီၣ်လၢအတိာ်ဧိၤတာ်ဧိၤတဖၣ်အပူၤလၢတၢ် ကနိးကစုာ်ဒီးတၢ်ပျံၤတၢ်ဖုးအပူၤလီၤ. အဝဲသ့ၣ်ကဃၣ်အသးဆူ ယွၤ, ပကစၢ်ယွၤအအိၣ်လၢတၢ်ပျံၤတၢ်ဖုးအပူၤလီၤ.

လံာ်စကၤရယၤ 10:8

ယကကိးယပှၤဂီၢ်မုၢ်, ဒီးပာ်ဖှိၣ်က့ၤအဝဲသ့ၣ်တပူၤဃီလီၤ. ယကမၤပူၤဖျဲးအဝဲသ့ၣ် ဒီးမၤအါထီၣ်ဂီၢ်ထီၣ်အဝဲသ့ၣ်ဒ်အညီနုၢ် အဝဲသ့ၣ်မ့ၢ်တ့ၢ်ဝဲအသိးန့ၣ်လီၤ.

လံာ်မးသဲ 7:16

သုသ့ၣ်ညါအဝဲသ့ၣ်သ့ခီဖျိတၢ်လၢအဝဲသ့ၣ်မၤဝဲန့ၣ်လီၤ. တၤဆှုၣ်တၤမဲအမုၢ်တဖၣ်တသၣ်ထီၣ်စပံးသၣ်ဘၣ်. တၤဆှုၣ် တပှီာ်တဖၣ်တသၣ်ထီၣ်ချၢၣ်ဒၢသၣ်ဘၣ်.