လံာ်ယၡါယၤ 7:18 - Sgaw Karen Common Bible

¹⁸ ဖဲတၢ်ဆၢကတီၢ်န့ၣ်တုၤဃီၤဝဲဒီး, ယွၤကညိၣ်ကလံၤဒ်တၢ် ပနီၣ်တမံၤအသိးလၢပှၤအဲၤကူပတူးဖိတဖၣ်ကကဲဝဲဒ်သၣ်ဘုလါ တဖၣ်လၢထံကျိနံၤလါအဒ့အတြၢ်အယံၤကတၢၢ်တဖၣ်အသိး, ဒီးပှၤအၤၡူၢ်ဖိတဖၣ်ကဟဲဝဲလၢအထံအကီၢ်ဒ်ကနဲတဖၣ်အသိး န့ၣ်လီၤ.

လံာ်ယၡါယၤ 7:18 Iomraidhean Croise

စံးထီၣ်ပတြၢၤ 105:31

ကစၢ်ယွၤဟ့ၣ်လီၤအကလုၢ်ဒီး သၣ်ဘုလါတဖၣ်, ဃးသူဃးလါဒီဖုဒီဂီၢ်အိၣ် ပှဲၤကီၢ်ဒီဘ့ၣ်ညါလီၤ.

စံးထီၣ်ပတြၢၤ 118:12

အဝဲသ့ၣ် အိၣ်ဖှိၣ်ဂီၢ်မုၢ်လၢယလိၤ ဒ်ကွဲဧိၤကနဲဧိၤအသိး, ဘၣ်ဆၣ်ဒီး မ့ၣ်အူအီၣ်ကွံာ်အဝဲသ့ၣ်ချ့သဒံးဒ် မ့ၣ်အူအီၣ်တၤဆှုၣ်အသိး, ယမၤဟးဂီၤကွံာ်အဝဲသ့ၣ်လၢ ယွၤအစိကမီၤအပူၤန့ၣ်လီၤ.

လံာ်တၢ်ဟးထီၣ်ကွံာ် 8:21

ယဟ့ၣ်ပလီၢ်နၤလၢနမ့ၢ်တပျၢ်ဘၣ်ယပှၤဂီၢ်မုၢ်ဒီး, ယကမၢသၣ်ဘုလါတဖၣ်ဟဲလီၤလၢနလိၤ, ဒီးနပဒိၣ်ပပှၢ်တဖၣ်ဒီးနပှၤဂီၢ်မုၢ်အလိၤဒီးလၢနဟံၣ်တဖၣ်အပူၤလီၤ. ဒီးပှၤအဲၤကူပတူးဖိအဟံၣ်ပူၤကပှဲၤဒီးသၣ်ဘုလါတဖၣ်ဒီးဟီၣ် ခိၣ်ကပှဲၤစ့ၢ်ကီးဒီးသၣ်ဘုလါလီၤ.

လံာ်တၢ်ဟးထီၣ်ကွံာ် 8:24

ဒီးယွၤဆှၢလီၤသၣ်ဘုလါဂီၢ်မုၢ်ဆူစီၤပၤအနီပူၤ, ဒီးအပဒိၣ်ပပှၢ်အဟံၣ်ပူၤန့ၣ်လီၤ. ဒီးကီၢ်အဲၤကူပတူးဒီဘ့ၣ် ညါဟးဂီၤဝဲလၢသၣ်ဘုလါတဖၣ်အံၤအဃိလီၤ.

လံာ်ယၡါယၤ 13:5

အဝဲသ့ၣ်ဟဲဝဲလၢထံကီၢ်အယံၤတဖၣ်လၢဟီၣ်ခိၣ်အကတၢၢ်လီၤ. လၢအတၢ်သးကဲၤထီၣ်အပူၤ, ယွၤဟဲလၢကမၤဟးဂီၤဝဲ ထံကီၢ်ဒီဘ့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 5:26

ယွၤဟ့ၣ်တၢ်ပနီၣ်လၢတၢ်ကကိး ပှၤကလုာ်လၢထံယံၤကီၢ်ယံၤအဂီၢ်လီၤ. အဝဲညိၣ်ကလံၤလၢအဝဲသ့ၣ် အဂီၢ်ဒ်သိးအကဟဲလၢဟီၣ်ခိၣ်အကတၢၢ်ဒီး ကွၢ်ကွၢ်အဝဲသ့ၣ်ဟဲဝဲပ့ၢ်ပ့ၢ်ဆှါဆှါဒီးချ့ချ့လီၤ.

လံာ်ယၡါယၤ 7:17

ယွၤကဒုးဘၣ်သု, သုပှၤဂီၢ်မုၢ်, ဒီးသုစီၤပၤအဒူၣ်အထၢ ခဲလၢာ်လၢမုၢ်နံၤအကိၢ်အဂီၤတဖၣ်လၢအအၢန့ၢ်ဒံးမုၢ်နံၤလၢ အဟဲတ့ၢ်လံဖဲကီၢ်အံၣ်စရ့လးအဘီအမုၢ်လီၤဖးဒီးကီၢ်ယူဒၤ အကတီၢ်န့ၣ်လီၤ. အဝဲကမၢလီၤကီၢ်အၤၡူၢ်အစီၤပၤဟဲဝဲန့ၣ်လီၤ.

လံာ်စကၤရယၤ 10:8

ယကကိးယပှၤဂီၢ်မုၢ်, ဒီးပာ်ဖှိၣ်က့ၤအဝဲသ့ၣ်တပူၤဃီလီၤ. ယကမၤပူၤဖျဲးအဝဲသ့ၣ် ဒီးမၤအါထီၣ်ဂီၢ်ထီၣ်အဝဲသ့ၣ်ဒ်အညီနုၢ် အဝဲသ့ၣ်မ့ၢ်တ့ၢ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 1:44

အန့ၣ်တစု, ပှၤဧၣ်မိၣ်ဖိတဖၣ်လၢအအိၣ်ဆိးဝဲလၢတၢ်လူၢ်တဖၣ် န့ၣ်, ဟဲထီၣ်ထီဒါသု, ဒ်ကနဲတဖုတဂီၢ်န့ၣ်လီၤ. အဝဲသ့ၣ်လူၤသုတုၤဒၣ်လဲာ်ဆူဝ့ၢ်ဃိၢ်မါဒီးမၤနၢၤကွံာ်သု ဖဲန့ၣ်လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤအပူၤန့ၣ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.

လံာ်သိၣ်လီၤသီလီၤတၢ် 7:20

အဝဲကဒုးအိၣ်ထီၣ်ဒၣ်လဲာ်တၢ်ပျံၤတၢ်ဖုးလၢအဝဲသ့ၣ်အကျါဒီး ကမၤဟးဂီၤကွံာ်ပှၤလၢအဃ့ၢ်ပူၤအသးဒီးဃ့ၢ်အိၣ်ခူသူၣ်တဖၣ် န့ၣ်လီၤ.

လံာ်စီၤယိၤၡူ 24:12

ဖဲသုထီၣ်တၢ်ဒုးန့ၣ်, ယမၤပျံၤမၤဖုးအဝဲသ့ၣ်ဒ် သိးပှၤအမိၢ်အစီၤပၤခံဂၤကဘၣ်တၢ်နီၣ်ထီၣ်ဟီထီၣ်ကွံာ်အီၤ အဂီၢ်န့ၣ်လီၤ. တမ့ၢ်လၢသုနးဧိၤဘီဧိၤဒီးချံၣ်ဧိၤပျၢ်ဧိၤအဃိဘၣ်.