လံာ်ယၡါယၤ 7:15 - Sgaw Karen Common Bible

¹⁵ တုၤအဝဲအသးပှၢ်ထီၣ်တုၤထီၣ်ထီၣ်ဘးလၢအကစၢ်ဒၣ်ဝဲ ကစံၣ်ညီၣ်နီၤဖးပဲာ်ဖးတၢ်အကတီၢ်န့ၣ်, ပှၤဂီၢ်မုၢ်ကအီတၢ်နုၢ် ထံဒီးကအီၣ်ကနဲစီန့ၣ်လီၤ.

လံာ်ယၡါယၤ 7:15 Iomraidhean Croise

လံာ်တၢ်ကဲထီၣ်အခီၣ်ထံး 18:8

ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

လံာ်ယၡါယၤ 7:22

အဝဲသ့ၣ်ကဟ့ၣ်ထီၣ်အနုၢ်ထံအါအါဂီၢ်ဂီၢ်တုၤဒၣ်လဲာ်အဝဲက အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. သပှၢ်တၢၢ်န့ၣ်, ပှၤလၢအအိၣ်လီၤတဲာ်စှၤဂၤလၢထံကီၢ်အပူၤန့ၣ်, ကအိၣ်ဒီးတၢ်နုၢ်ထံဒီး ကနဲစီလၢကအီၣ်ဝဲအီဝဲအဂီၢ်လီၤ.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်မးသဲ 3:4

စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 2:40

ဖိသၣ်န့ၣ်ဒိၣ်ထီၣ်ဒီးအဂံၢ်အဘါဆူၣ်ထီၣ်ဝဲလီၤ. အဝဲဒၣ်လၢပှဲၤဒီးတၢ်ကူၣ်ဘၣ်ဖးသ့ဒီးကစၢ်ယွၤ အတၢ်ဆိၣ်ဂ့ၤဆိၣ်ဝါလီၤဘၣ်လၢအလိၤလီၤ.

လံာ်လူၤကၣ် 2:52

ဒီးယ့ၣ်ၡူးဒိၣ်ထီၣ်လၢနီၢ်ခိဒီးလၢတၢ်ကူၣ်ဘၣ်ကူၣ်သ့ခံမံၤလၢာ်, ဒီးလၢတၢ်ဘၣ်ကစၢ်ယွၤအသးဒီးပှၤကညီအသးအပူၤန့ၣ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

လံာ်သိၣ်လီၤသီလီၤတၢ် 1:39

အန့ၣ်ဝံၤဒီးယွၤစံးဘၣ်ပဝဲကိးဂၤဒဲး, သုဖိတဖၣ်လၢ, အသးစၢ်ကဲာ်ဆိးဒံးလၢကနီၤဖးတၢ်အဘၣ်ဒီးတၢ်တဘၣ်အဆၢ, သုဖိတဖၣ်လၢသုစံးလၢကဘၣ်တၢ်ဖီၣ်န့ၢ်အီၤလၢသုဒုၣ်သုဒါ တဖၣ်ဧိၤန့ၣ်ကလဲၤနုာ်လီၤဘၣ်ဆူကီၢ်န့ၣ်အပူၤလီၤ. ယကဟ့ၣ်လီၤကီၢ်န့ၣ်ဆူအဝဲသ့ၣ်အအိၣ်ဒီးအဝဲသ့ၣ်ကမၤန့ၢ်အီၤ န့ၣ်လီၤ.