လံာ်ယၡါယၤ 66:5 - Sgaw Karen Common Bible

⁵ သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 66:5 Iomraidhean Croise

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 22:10

ဝံၤဒီးအဝဲစံးဝဲ, “ယအိၣ်ဒီးလံာ်တဘ့ၣ်, ဖဲအံၤလၢစီၤဃံးလကံယၤဟ့ၣ်ယၤန့ၣ်လီၤ.” ဒီးအဝဲဖးထီၣ်န့ၢ်စီၤပၤလၢအကလုၢ်ဖးဒိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:27

ဒီးနပီၢ်ယၢ်လီၤက့ၤတ့ၢ်နသးဒီးဆီၣ်လီၤတ့ၢ်နသးလၢယမဲာ်ညါ, နဖှီနကူနသိးတဖၣ်ဒီးဟီၣ်တၢ်ယၢၤတၢ်ဖဲနနၢ်ဟူတ့ၢ်ယတၢ်မၤ ပျံၤမၤဖုးလၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ် န့ၣ်လီၤ. ယနၢ်ဟူတ့ၢ်လံနတၢ်ထုကဖၣ်,

လံာ်စီၤဧ့စြၤ 9:4

ယဆ့ၣ်နီၤဖဲန့ၣ်လၢတၢ်သူၣ်အုးသးအုးအပူၤတုၤလီၤလၢဟါတၢ် လုၢ်တၢ်ပာ်ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ. ဒီးပှၤဂီၢ်မုၢ်စးထီၣ်ဟဲအိၣ်ဝးတရံးယၤလီၤ. အဝဲသ့ၣ်မ့ၢ်ကယဲၢ်ပှၤတဖၣ်လၢအပျံၤဘၣ်တၢ်မ့ၢ်လၢအံၣ်စရ့လး အကစၢ်ယွၤအတၢ်ကတိၤဘၣ်ထွဲဒီးပှၤတဖၣ်လၢအဟဲက့ၤလၢတၢ်စိာ်မၢ ကဲကုၢ်အတၢ်ဒဲးဘးအဂ့ၢ်အဃိန့ၣ်လီၤ.

စံးထီၣ်ပတြၢၤ 119:120

ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ်စံၣ်ညီၣ်တဖၣ်လီၤ.

စံးထီၣ်ပတြၢၤ 38:20

ပှၤလၢအဟ့ၣ်ဆၢက့ၤယၤ တၢ်အၢလၢတၢ်ဂ့ၤအဂီၢ်တဖၣ်န့ၣ် ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.

တၢ်ကတိၤဒိ. 13:13

နမ့ၢ်ဂ့ၢ်လိာ်တၢ်ဟ့ၣ်ကူၣ်အဂ့ၤအဘၣ်ဒီး, နဃ့န့ၢ်တၢ်ကီတၢ်ခဲန့ၣ်လီၤ. ပိာ်ထွဲအီၤ, ဒီးနကပူၤဖျဲးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:6

လၢယဖံးယညၣ်သူအဃိဒီးကွၢ်တလီၤယၤတဂ့ၤ. အဂ့ၢ်ဒ်အံၤ, မုၢ်ကိၢ်သွၣ်ဘၣ်ယၤလီၤ. ယဒီပုၢ်ဝဲၢ်ခွါတဖၣ်သူၣ်ဒိၣ်သးဖျိးယၤ, ဒီးမၢယမၤတၢ်လၢစပံးအလီၢ်လီၤ. တၢ်ဆၢကတီၢ်တအိၣ်နီတစဲးလၢယကကွၢ်လီၤယသးအဂီၢ်ဘၣ်.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ယၡါယၤ 60:15

နတဘၣ်တၢ်လဲၤသဒၣ်ကွံာ်နၤဒီးဘၣ်တၢ်သးဟ့နၤ, နတမ့ၢ်ဝ့ၢ်တဝ့ၢ်လၢအဘၣ်တၢ် ညိကွံာ်အီၤဒီးအိၣ်သယုၢ်သညိနီတစုလၢၤဘၣ်. ယကဒုးကဲထီၣ်နၤလၢဝ့ၢ်ဖးဒိၣ်ဒီးဃံလၤတဝ့ၢ်, တၢ်သးခုအလီၢ်တပူၤအစိၤစိၤအဃၣ်ဃၣ်န့ၣ်လီၤ.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယံးရမံယၤ 36:16

တုၤအဝဲဖးထီၣ်ဝဲဝံၤဒီး, အဝဲသ့ၣ်ကွၢ်လိာ်အမဲာ် တဂၤဒီးတဂၤ လၢတၢ်ပျံၤတၢ်ဖုအပူၤဒီး စံးဘၣ်စီၤ ဘၤရူး, “ပကဘၣ်ပာ်ဖျါတၢ်ဂ့ၢ်အံၤ ဆူစီၤပၤအအိၣ်လီၤ.”

လံာ်ဟိၤၡ့ 11:10

ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်လူၤကၣ် 13:17

လၢယ့ၣ်ၡူးအတၢ်စံးဆၢတထံၣ်အံၤအဃိ, အဒုၣ်အဒါခဲလၢာ်အမဲာ်ဆှးလီၤက့ၤအသး, မ့မ့ၢ်, ပှၤဂီၢ်မုၢ်ခဲလၢာ်သူၣ်ဖှံသးညီလၢကယဲၢ်တၢ်မၤ လီၤလိၢ်လီၤလးလၢအမၤတ့ၢ်ဝဲတဖၣ်အဃိန့ၣ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

၂ သ့းစၤလနံ 1:12

လၢကျဲဒ်အံၤအပူၤန့ၣ် ပကစၢ်ယ့ၣ်ၡူးအမံၤကဒိးန့ၢ်တၢ်လၤ ကပီၤလၢသုအိၣ်ဒီးသုကဒိးန့ၢ်တၢ်လၤကပီၤလၢအဝဲဒၣ် အအိၣ်, ခီဖျိပကစၢ်ယွၤဒီးကစၢ်ယ့ၣ်ၡူးခရံာ်အဘျုးအဖှိၣ်န့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ယိၤဟၣ် 3:13

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ဟီၣ်ခိၣ်မ့ၢ်သးဟ့သုဒီးတဘၣ်ကမၢကမၣ်တဂ့ၤ.