လံာ်ယၡါယၤ 66:3 - Sgaw Karen Common Bible

³ ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယၡါယၤ 66:3 Iomraidhean Croise

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

လံာ်ယၡါယၤ 44:19

ပှၤလၢအတ့တၢ်ဂီၤတၢ်ဖီၣ်တဖၣ်တအိၣ်ဒီးတၢ်ကူၣ်တၢ်ဆးမ့ၢ်ဂ့ၤ, တၢ်သ့ၣ်ညါနၢ်ပၢၢ်မ့ၢ်ဂ့ၤလၢကစံးဝဲ, “ယဒွဲၣ်အူထီၣ်သ့ၣ်တနီၤလီၤ. ယကုၢ်ကိၣ်တနီၤလၢမ့ၣ်အူကဖးအဖီခိၣ်, ဒီးယကၣ်တၢ်ညၣ်ဒီးယအီၣ်အီၤလီၤ. ဒီးသ့ၣ်လၢအအိၣ်တီၢ်န့ၣ်, ယတ့ထီၣ်တၢ်ဂီၤတၢ်ဖီၣ်တခါလီၤ. ဖဲအံၤ, ယတီၤလီၤယဲလၢသ့ၣ်ကူာ်လာ်တကျီၣ်အမဲာ်ညါလီၤ,” န့ၣ်ဘၣ်.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 57:17

ယသူၣ်ဒိၣ်သးဖျိးအဝဲသ့ၣ်မ့ၢ်လၢအတၢ်ဒဲးဘးဒီးအတၢ်သူၣ် လီသးကွံအဃိလီၤ. လၢတၢ်န့ၣ်အဃိယစံၣ်ညီၣ်အဝဲသ့ၣ်ဒီး ဟးသဒၣ်ကွံာ်အဝဲသ့ၣ်လီၤ. အန့ၣ်ဒၣ်လဲာ်, အဝဲသ့ၣ်အခိၣ် ကိၤဒီးလဲၤဒံးဒၣ်လၢအကျဲဒၣ်ဝဲန့ၣ်လီၤ.

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယၡါယၤ 65:2

ယအိၣ်ကတဲာ်ကတီၤယသးထီဘိလၢယကတူၢ်လိာ်မုာ် ယပှၤဂီၢ်မုၢ်လၢအခိၣ်ကိၤလၢအမၤကမၣ်တၢ်ဒီးလဲၤလၢ အဝဲသ့ၣ်အကျဲဒၣ်ဝဲန့ၣ်လီၤ.

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:2

ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်ဃးကဲ 2:14

အန့ၣ်ဒီးစီၤဃးကဲစံးဝဲ, “ယွၤစံးလၢတၢ်တမံၤဃီဒုးဘၣ်ဃးပှၤကလုာ်အံၤအပှၤဂီၢ်မုၢ် ဒီးတၢ်တမံၤလၢ်လၢ်လၢအဝဲသ့ၣ်ဟ့ၣ်ထီၣ်န့ၣ်လီၤ. သတးဒီးတၢ်တမံၤလၢ်လၢ်လၢအဝဲသ့ၣ်လုၢ်ထီၣ်အီၤလၢတၢ်လုၢ်လီၢ် အဖီခိၣ်န့ၣ်, မ့ၢ်တၢ်တကဆှီဘၣ်လီၤ.”

လံာ်သိၣ်လီၤသီလီၤတၢ် 14:8

အီၣ်ထိးတဖၣ်တဂ့ၤ. တၢ်ကဘၣ်ပာ်အီၤဒ်တၢ်တကဆှီဘၣ်အသိးန့ၣ် လီၤ. အဝဲသ့ၣ်အခီၣ်မ့ၣ်တဖၣ်သ့ၣ်ဖးဘၣ်ဆၣ်တဂံာ်အဆၣ်လၢအကလိာ်ထီၣ်ဝဲ န့ၣ်ဘၣ်. ဆၣ်ဖိကီၢ်ဖိတဖၣ်အံၤအီၣ်အီၤနီတဒုမ့ၢ်ဂ့ၤထိးဘၣ်အစိၣ်တဖၣ် မ့ၢ်ဂ့ၤဒၣ်လဲာ်န့ၣ်တဂ့ၤ.

လံာ်သိၣ်လီၤသီလီၤတၢ် 23:18

ကျိၣ်ဧိၤစ့ဧိၤလၢတၢ်မၤန့ၢ်အီၤလၢကျဲဒ်အံၤအသိးစ့ၢ်ကီး, တၢ်တဘၣ်ဟဲစိာ်အီၤဆူယွၤသုကစၢ်ယွၤအဟံၣ်လၢတၢ်ကမၤလၢပှဲၤတၢ် အၢၣ်လီၤတမံၤအဂီၢ်ဘၣ်. အဂ့ၢ်ဒ်အံၤ, ယွၤသးဟ့တၢ်လုၢ်လီၢ်အပှၤဃဲသဲမုၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”

လံာ်ပှၤစံၣ်ညီၣ်ကွီၢ် 21:25

ဒီးအကတီၢ်ဖဲန့ၣ်, စီၤပၤတအိၣ်ဘၣ်နီတဂၤဘၣ်လၢအံၣ်စရ့လးအပူၤဘၣ်. ပှၤကိးဂၤဒဲးမၤဒ်တၢ်ဘၣ်အသးဒၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.