လံာ်ယၡါယၤ 66:16 - Sgaw Karen Common Bible

¹⁶ လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယၡါယၤ 66:16 Iomraidhean Croise

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယၡါယၤ 3:13

ယွၤအိၣ်ကတဲာ်ကတီၤအသးလၢကတဲဖျါထီၣ်အကွီၢ်, ဒီးအိၣ်ကတဲာ်ကတီၤအသးလၢကစံၣ်ညီၣ်အပှၤဂီၢ်မုၢ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယံးရမံယၤ 25:31

ဒီးတၢ်အသီၣ်ကဟူကဒါက့ၤ တုၤလၢဟီၣ်ခိၣ် အကတၢၢ်န့ၣ်လီၤ. ယွၤအိၣ်ဒီး အကွီၢ်ထီဒါပှၤကလုာ်တဖၣ်လီၤ. အဝဲကဟဲစိာ်ပှၤဂီၢ်မုၢ်ခဲလၢာ်ဆူ ကွီၢ်ဘျီၣ်ပူၤ ဒီးစံၣ်ညီၣ်ပှၤအအၢအသီတဖၣ်လၢ တၢ်သံန့ၣ်လီၤ. ယွၤကတိၤလံတၢ်လံၤ.”

လံာ်ယံးရမံယၤ 25:33

လၢမုၢ်နံၤအဝဲန့ၣ်, ပှၤတဖၣ်လၢယွၤမၤသံတ့ၢ်အီၤအစိၣ်ကဘၣ် တၢ်မၤလီၤပြံလီၤပြါအီၤလၢဟီၣ်ခိၣ်အကတၢၢ်တခီ တုၤဆူဟီၣ်ခိၣ် အကတၢၢ်အဂၤတခီန့ၣ်လီၤ. ပှၤတဟီၣ်တၢ်ယၢၤတၢ်လၢအဝဲသ့ၣ် အဃိ နီတဂၤဘၣ်, အဝဲသ့ၣ် တဘၣ်တၢ်စိာ်ကွံာ်အီၤဒီးခူၣ်လီၤကွံာ် အီၤန့ၣ်ဘၣ်. အဝဲသ့ၣ် ကအိၣ်မံလီၤလၢ ဟီၣ်ခိၣ်လိၤဒ်တၢ်အ့ၣ်အပူၣ် တဖၣ်အသိးန့ၣ်လီၤ.

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 46:15

ဘၣ်မနုၤအဃိ သုကစၢ်ကျီၢ်ဖါလၢ အဂံၢ်ဆူၣ်ဘါဆူၣ် အ့ပ့း(စ်) လီၤဃံၤကွံာ်ဝဲလဲၣ်. ယွၤတီၢ်လီၤဃံၤကွံာ်အီၤအဃိလီၤ.

လံာ်ယဃ့းစက့လး 28:18

နမၤတၢ်အၢတၢ်သီဒ်သိးအံၤတမံၤလၢတၢ်ဆါတၢ်ပှ့ၤအပူၤ တုၤနတၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်အဂီၢ်န့ၣ်ဟးဂူာ် ဟးဂီၤကွံာ်ဝဲဒၣ်န့ၣ်လီၤ. လၢတၢ်န့ၣ်အဃိယဒွဲၣ်ကွံာ်ဝ့ၢ်န့ၣ်လၢမ့ၣ် အူဒီး မ့ၣ်အူအီၣ်ကွံာ်အီၤခဲလၢာ်န့ၣ်လီၤ. ပှၤလၢအကွၢ်ဃီၤနၤ ခဲလၢာ်န့ၣ်ခဲအံၤထံၣ်ဝဲလၢနကဲထီၣ်ဖၣ်ဆါလံန့ၣ်လီၤ.

လံာ်ယဃ့းစက့လး 38:17

နမ့ၢ်ပှၤတဂၤလၢယကတိၤတၢ်လၢအဂ့ၢ်ယံာ်တ့ၢ်လံ, ဖဲယဘိးဘၣ် သ့ၣ်ညါတ့ၢ်တၢ်ခီဖျိယခ့ယပှၤကီၢ်အံၣ်စရ့လးအဝံတဖၣ်, လၢမုၢ်နံၤ တဖၣ်လၢအကဟဲဝဲန့ၣ်, ယကဟဲစိာ်ဃီၤပှၤတဂၤလၢ ကဒုးပှၤအံၣ်စရ့လးဖိတဖၣ်န့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်ဧၤမိၣ် 7:4

ယအိၣ်ဒီးတၢ်ထံၣ်လၢညါခီအဂၤတမံၤလၢတၢ်စိတၢ်ကမီၤခဲလၢာ် အယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်အဝဲအိၣ်ကတဲာ်ကတီၤအသးလၢ ကစံၣ်ညီၣ်အပှၤဂီၢ်မုၢ်လၢမ့ၣ်အူန့ၣ်လီၤ. မ့ၣ်အူအီၣ်ကွံာ်တ့ၢ်ပီၣ်လဲၣ်ဖးဒိၣ်လၢအအိၣ်လၢဟီၣ်ခိၣ်အဖီလာ် ဒီးစးထီၣ်အီၣ်ဟီၣ်ခိၣ်န့ၣ်လီၤ.

လံာ်နၤဃူၣ် 3:15

နမၤဒ်လဲၣ်ဂ့ၤဒ်လဲၣ်ဂ့ၤန့ၣ်, မ့ၣ်အူကအီၣ်သံကွံာ်နၤမ့တမ့ၢ်တၢ်ကမၤသံနၤလၢတၢ်ဒုးအပူၤ န့ၣ်လီၤ. နကဘၣ်တၢ်တြုာ်ပျီကွံာ်နၤဒ်ဒွဲၣ်ဧိၤတြၤဧိၤအီၣ်ကွံာ် တၢ်မုၢ်တၢ်ဘိတဖၣ်အသိးလီၤ. နဂံၢ်အါထီၣ်တ့ၢ်နသးဒ်ဒွဲၣ် ဧိၤတြၤဧိၤအသိးလီၤ.

လံာ်နၤဃူၣ် 3:3

သုးမုၢ်ဒီးကသ့ၣ်ကလူၤဃီၤဒုးတၢ်, နးတဖၣ်ကပီၤကပြုၢ်ထီၣ်, ဘီတဖၣ်ကပီၤလ့ၢ်လ့ၢ်, ဒီးတၢ်သံစိၣ်အိၣ်အါအါကလဲာ် ဒီးပှၤအစိၣ်တဖၣ်နဂံၢ်အီၤတဘၣ်ဘၣ်. ဒီးအဝဲသ့ၣ်အခီၣ်ဘၣ်တိၢ်လၢ တၢ်အစိၣ်တဖၣ်န့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.