လံာ်ယၡါယၤ 66:15 - Sgaw Karen Common Bible

¹⁵ ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယၡါယၤ 66:15 Iomraidhean Croise

စံးထီၣ်ပတြၢၤ 11:6

အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ အကဲၤကပျီၤလၢပှၤအၢပှၤသီအဖီခိၣ် ဒီးသိၣ်ဃီၣ်အဝဲသ့ၣ်လၢ ကလံၤမုၢ်ကိၢ်လၢအအီၣ်တၢ်န့ၣ်လီၤ.

စံးထီၣ်ပတြၢၤ 18:9

အဝဲမၤသကူးလီၤမူခိၣ်ဒီးဟဲလီၤဝဲ, တၢ်ခံးသူအိၣ်လၢအခီၣ်ဖီလာ်လီၤ.

စံးထီၣ်ပတြၢၤ 21:9

တုၤအအိၣ်ဖျါထီၣ်ဒီး ကမၤဟးဂီၤကွံာ်အဝဲသ့ၣ်ဒ် မ့ၣ်အူအီၣ်ကွံာ်တၢ်အသိးန့ၣ်လီၤ. ယွၤကမၤဟးဂီၤကွံာ်အဝဲသ့ၣ်လၢအတၢ်သးဒိၣ်အပူၤ ဒီးမ့ၣ်အူကအီၣ်ကွံာ်အဝဲသ့ၣ်လီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

စံးထီၣ်ပတြၢၤ 97:3

မ့ၣ်အူလဲၤတၢ်လၢအမဲာ်ညါ, ဒီးအီၣ်ဂီၤကွံာ် အဒုၣ်အဒါအိၣ်ဝးတရံးအီၤတဖၣ်န့ၣ်လီၤ.

လံာ်ယၡါယၤ 10:17

ကစၢ်ယွၤ, အံၣ်စရ့လးအတၢ်ကပီၤ, ကကဲထီၣ်မ့ၣ်အူတမံၤလီၤ. အံၣ်စရ့လးအကစၢ်ယွၤစီဆှံကကဲထီၣ်မ့ၣ်အူလၣ်တမံၤ, ဒီးလၢတနံၤဃီအတီၢ်ပူၤန့ၣ်ကအီၣ်ကွံာ်တၢ်ခဲလၢာ်, တုၤဒၣ်လဲာ်လၢတၤဆှုၣ်တၤမဲတဖၣ်လီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 31:9

အဝဲသ့ၣ်အစီၤပၤကဃ့ၢ်ကွံာ်လၢတၢ်ပျံၤတၢ်ဖုးအပူၤ, ဒီးအမူဒါလီၢ်လၤခိၣ်တဖၣ်ကပျံၤတၢ်တုၤဒၣ်လဲာ်ကပာ်လီၤတဲာ် ကွံာ်အတၢ်ဒုးအနီၣ်တယၢ်တဖၣ်လီၤ. ယွၤကတိၤလံတၢ်လံ. မ့ၢ်ယွၤလၢအဘၣ်တၢ်ဘူၣ်ထီၣ်ဘါ ထီၣ်အီၤလၢဝ့ၢ်ယရူၤၡလ့ၣ်အပူၤဒီးယွၤလၢအမ့ၣ်အူ အီၣ်တၢ်ဖဲန့ၣ်လၢတၢ်လုၢ်ထီၣ်ပာ်ထီၣ်အဂီၢ်န့ၣ်လီၤ.”

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 5:28

အပျၢ်တဖၣ်အကနၣ်အ့ၣ်ဝဲဒီးအချံၣ်တဖၣ်အိၣ်ကတဲာ်ကတီၤ အသးလၢကခးတၢ်အဂီၢ်လီၤ. အကသ့ၣ်တဖၣ်အခီၣ်မ့ၣ်ကိၤ ဝဲဒ်လၢၢ်မ့ၣ်အသိးဒီးအလ့ၣ်ကဟၣ်အလ့ၣ်ဖံဘၣ်တဖၣ်တရံးဝဲဒ် ကလံၤသဝံးအသိးလီၤ.

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယံးရမံယၤ 25:37

ဒီးလၢယွၤအတၢ်သးကဲၤထီၣ်အဃိန့ၣ်, ဒုးအိၣ်လီၤတဲာ်သုထံ သုကီၢ်လၢ အမုာ်ဝဲခုၣ်ဝဲန့ၣ်လၢ တၢ်ဟးဂူာ်ဟးဂီၤအပူၤ, အဃိန့ၣ်လီၤ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 4:3

ယွၤစံးဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်, “ထဲၣ်ထီၣ်သုစံာ်ဧိၤပျီဧိၤတဖၣ်လၢအတဘၣ်တၢ်ထဲၣ်တ့ၢ် အီၤန့ၣ်တက့ၢ်. ဖှံလီၤသုတၢ်ချံတဖၣ်လၢတၤဆှုၣ် တၤမဲတဖၣ်အကျါတဂ့ၤ.

လံာ်ယံးရမံယၤ 46:15

ဘၣ်မနုၤအဃိ သုကစၢ်ကျီၢ်ဖါလၢ အဂံၢ်ဆူၣ်ဘါဆူၣ် အ့ပ့း(စ်) လီၤဃံၤကွံာ်ဝဲလဲၣ်. ယွၤတီၢ်လီၤဃံၤကွံာ်အီၤအဃိလီၤ.

လံာ်ယဃ့းစက့လး 38:17

နမ့ၢ်ပှၤတဂၤလၢယကတိၤတၢ်လၢအဂ့ၢ်ယံာ်တ့ၢ်လံ, ဖဲယဘိးဘၣ် သ့ၣ်ညါတ့ၢ်တၢ်ခီဖျိယခ့ယပှၤကီၢ်အံၣ်စရ့လးအဝံတဖၣ်, လၢမုၢ်နံၤ တဖၣ်လၢအကဟဲဝဲန့ၣ်, ယကဟဲစိာ်ဃီၤပှၤတဂၤလၢ ကဒုးပှၤအံၣ်စရ့လးဖိတဖၣ်န့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်ဧၤမိၣ် 7:4

ယအိၣ်ဒီးတၢ်ထံၣ်လၢညါခီအဂၤတမံၤလၢတၢ်စိတၢ်ကမီၤခဲလၢာ် အယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်အဝဲအိၣ်ကတဲာ်ကတီၤအသးလၢ ကစံၣ်ညီၣ်အပှၤဂီၢ်မုၢ်လၢမ့ၣ်အူန့ၣ်လီၤ. မ့ၣ်အူအီၣ်ကွံာ်တ့ၢ်ပီၣ်လဲၣ်ဖးဒိၣ်လၢအအိၣ်လၢဟီၣ်ခိၣ်အဖီလာ် ဒီးစးထီၣ်အီၣ်ဟီၣ်ခိၣ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်ဃဘးကူာ် 3:8

ယွၤဧၢ, မ့ၢ်ထံကျိတဖၣ်အံၤမၤဒိၣ်ထီၣ်နသးဧါ. မ့ၢ်ပီၣ်လဲၣ်အံၤမၤကဲၤထီၣ်နသးဧါ. ဖဲနဟဲစိာ်တၢ်မၤနၢၤဆူနပှၤဂီၢ်မုၢ်အအိၣ်ဒီး, နဒိးလၢတၢ်အၢၣ်တဖၣ်အဖီခိၣ်, ကလံၤမုၢ်တၢ်အၢၣ်မ့ၢ်နလ့ၣ်ကဟၣ်လီၤ.

လံာ်စကၤရယၤ 6:1

ယအိၣ်ဒီးတၢ်ထံၣ်လၢညါခီအဂၤတမံၤကဒီးလီၤ. တဘျီအံၤ, ယထံၣ်လ့ၣ်ကဟၣ်လွံၢ်ဆိလၢအဟဲထီၣ်လၢကစၢၢ် တိၢ်ဘီခံဖျၢၣ်အကဆူးန့ၣ်လီၤ.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်သိၣ်လီၤသီလီၤတၢ် 28:20

သုမ့ၢ်မၤတၢ်အၢဒီးစူးကွံာ်ညိကွံာ်ယွၤန့ၣ်, အဝဲကဒုးလီၤဘၣ်တၢ်တတၢးတနါ, တၢ်သဘံၣ်ဘုၣ်လၢသုလိၤဒီးတၢ် ကိၢ်တၢ်ဂီၤလၢတၢ်တမံၤလၢ်လၢ်လၢသုမၤအီၤအပူၤလီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.