လံာ်ယၡါယၤ 66:13 - Sgaw Karen Common Bible

¹³ ယကမၤမုာ်သုလၢဝ့ၢ်ယရူၤၡလ့ၣ်အပူၤ, ဒ်မိၢ်တဂၤမၤမုာ်အဖိအသိးလီၤ.

လံာ်ယၡါယၤ 66:13 Iomraidhean Croise

စံးထီၣ်ပတြၢၤ 137:6

ယမ့ၢ်တသ့ၣ်နီၣ်ထီၣ်က့ၤနၤဘၣ်ဒီး, ယမ့ၢ်တပာ်ကဲယရူၤရှလ့ၣ်လၢယတၢ်သးခု အဒိၣ်ကတၢၢ် န့ၣ်ဘၣ်ဒီး, မ်ယပျ့ၤစဲဘူးဒီးယခၣ်ခိၣ်တက့ၢ်.

စံးထီၣ်ပတြၢၤ 94:19

ဖဲယဘၣ်ယိၣ်ဘၣ်ဘီတၢ်ဒီးယသူၣ်ကိၢ်သးဂီၤအခါန့ၣ်, နမၤမုာ်ယၤဒီးမၤသးခုယၤလီၤ.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 40:1

“မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 66:10

သူၣ်ခုသးခုဃုာ်ဒီးဝ့ၢ်ယရူၤၡလ့ၣ်, သူၣ်ဖှံသးညီလၢအဃိသု ဝဲပှၤလၢအအဲၣ်ဘၣ်ဝ့ၢ်အံၤခဲလၢာ်သ့ၣ်ဧၢ သူၣ်ခုသးခုဃုာ်ဒီးအီၤခဲအံၤ, သုဝဲပှၤလၢအသူၣ်အုးသးအုး လၢအဃိခဲလၢာ်သ့ၣ်ဧၢ.

၂ ကရံၣ်သူး 1:3

မ်ပစံးဘျုးသကိးကစၢ်ယွၤ, ဒီးပကစၢ်ယ့ၣ်ၡူးခရံာ်အပၢ်, ပၢ်လၢအသးကညီၤတၢ်, ကစၢ်ယွၤ, လၢကယဲၢ်တၢ်မၤစၢၤဟဲလၢအအိၣ်န့ၣ်တက့ၢ်.

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

၁ သ့းစၤလနံ 2:7

ဒ်ခရံာ်အပှၤတၢ်မၢဖိတဖၣ်အသိးန့ၣ်, ပမ့ၢ်ဃ့ဆူၣ်တၢ်လၢ သုအိၣ်န့ၣ်, ကြၢးဝဲဘၣ်ဝဲကစီဒီသနာ်က့ပတမၤဘၣ်. မ့မ့ၢ်ဖဲပအိၣ်ဒီးသုအဆၢကတီၢ်န့ၣ်ပဘၣ်ထွဲဒီးသုခုၣ်ခုၣ် မုာ်မုာ်, ဒ်မိၢ်တဂၤအံးထွဲကွၢ်ထွဲအဖိတဖၣ်အသိးန့ၣ်လီၤ.