လံာ်ယၡါယၤ 65:9 - Sgaw Karen Common Bible

⁹ ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယၡါယၤ 65:9 Iomraidhean Croise

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယၡါယၤ 32:18

ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 45:19

ယတကတိၤတၢ်လၢတၢ်ခူသူၣ်အပူၤ ဒီးပာ်ခူသူၣ်ယတၢ်တိာ်န့ၣ်ဘၣ်. ယတမၤလိာ်ယပှၤဂီၢ်မုၢ်အံၣ်စရ့လးလၢကဃုထံၣ်န့ၢ်ယၤလၢတၢ်လီၢ် သယုၢ်အိၣ်ကလီတတီၤအပူၤန့ၣ်ဘၣ်. ယဲဒၣ်အံၤယမ့ၢ်ယွၤဒီးယကတိၤတၢ်မ့ၢ်တၢ်တီလီၤ. ယဒုးသ့ၣ်ညါတ့ၢ်တၢ်လၢအဘၣ်န့ၣ်လီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယၡါယၤ 65:22

ယပှၤဂီၢ်မုၢ်ကအိၣ်မူတၢ်အိၣ်မူအိၣ်ကၢအိၣ်ခိးဒ်သ့ၣ်ထူၣ်တဖၣ် အသိးန့ၣ်လီၤ. အဝဲသ့ၣ်ကမုာ်လၤသးခုဘၣ်လၢလၢပှဲၤပှဲၤ လၢတၢ်လၢအဝဲသ့ၣ်မၤတ့ၢ်ဝဲတဖၣ်အဃိလီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်စဖါနယၤ 3:20

တၢ်ဆၢကတီၢ်သုးဘူးအသးလံ. ယကဟဲက့ၤစိာ်သုပှၤဂီၢ်မုၢ်လီၤပြံလီၤပြါဆူဟံၣ်, ယကမၤဟူထီၣ်သါလီၤသုမံၤလၢဟီၣ်ခိၣ်ဒီဘ့ၣ်ညါ ဒီးဒုးအီၣ်ကုးအီပှဲၤကဒီးသုတဘျီန့ၣ်လီၤ.”

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.