လံာ်ယၡါယၤ 65:5 - Sgaw Karen Common Bible

⁵ ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်ယၡါယၤ 65:5 Iomraidhean Croise

တၢ်ကတိၤဒိ. 10:26

မၢပှၤအကၢၣ်တဂၤမၤတၢ်တမံၤမံၤလၢနဂီၢ်နီတစုတဂ့ၤ. အဝဲကမၤအ့န့နသးဒ်တၤဆံၣ်ထံလၢနမဲအဖီခိၣ်ဒီးမ့ၣ်အူလုၢ် လၢနမဲာ်ချံပူၤအသိးန့ၣ်လီၤ.

တၢ်ကတိၤဒိ. 16:5

ယွၤသးဟ့ပှၤကိးဂၤဒဲးလၢအပာ်ထီၣ်ထီအသးဒီးတပျဲပူၤကွံာ် အဝဲသ့ၣ်လၢတၢ်စံၣ်ညီၣ်နီတစုဘၣ်.

တၢ်ကတိၤဒိ. 30:12

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဝဲသ့ၣ် ကဆှီဝဲဖဲအနီၢ်ကစၢ်ဒၣ်ဝဲဘၣ်အၢလၢာ်အခၢးန့ၣ်လီၤ.

လံာ်မးသဲ 9:11

ပှၤဖၤရံၤၡဲတနီၤထံၣ်တၢ်အံၤဒီးသံကွၢ်အပျဲၢ်အဘီၣ်တဖၣ်ဒီး စံး, “ဘၣ်မနုၤလၢသုသရၣ်န့ၣ်အီၣ်သကိးတၢ်ဒီးပှၤဒ်န့ၣ်အသိးတဖၣ် န့ၣ်လဲၣ်.”

လံာ်လူၤကၣ် 15:2

ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စးထီၣ် ကဒူးကဒ့ၣ်တၢ်ဒီးစံးဝဲ, “ပှၤတဂၤအံၤတူၢ်လိာ်ပှၤတၢ်ဒဲးဘးဖိတဖၣ်, ဒီးအီၣ်သကိးအီသကိးဃုာ်တၢ်ဒီးအဝဲသ့ၣ်ဒၣ်လဲာ်န့ၣ်လီၤ.”

လံာ်လူၤကၣ် 5:30

ပှၤဖၤရံၤၡဲတနီၤဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤ လၢအဘၣ်ထွဲဒီးပှၤဖၤရံၤၡဲအကရူၢ်န့ၣ်, ပာ်တၢ်ကမၣ်လၢယ့ၣ်ၡူးအပျဲၢ်အဘီၣ်တဖၣ်အလိၤလီၤ. အဝဲသ့ၣ်သံကွၢ်ဝဲ, “ဘၣ်မနုၤအဃိသုအီၣ်သကိးအီသကိးတၢ်လၢ ပှၤဃ့သွဲတဖၣ်ဒီးပှၤတၢ်ဒဲးဘးဖိတဖၣ်လဲၣ်.”

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

ယူဒၤ 1:19

ပှၤသ့ၣ်တဖၣ်အံၤမ့ၢ်ပှၤလၢအမၤလီၤဖးတၢ်, ဒီးဘၣ်တၢ်ပၢၤအီၤလၢအနီၢ်ခိဖံးညၣ်အတၢ်သူၣ်လီသးကွံဒၣ်ဝဲ ဒီးတအိၣ်ဒီးယွၤအသးဘၣ်န့ၣ်လီၤ.