လံာ်ယၡါယၤ 65:4 - Sgaw Karen Common Bible

⁴ လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်ယၡါယၤ 65:4 Iomraidhean Croise

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်တၢ်ဘူၣ်ထီၣ်ဘါထီၣ် 11:7

ဒီးထိး, မ့ၢ်လၢအခီၣ်မ့ၣ်သ့ၣ်ဖးဘၣ်ဆၣ်တကလိာ်ထီၣ်အဆၣ်ဒီးဂံာ် အီၣ်ဝဲအဃိဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ.

လံာ်စကၤရယၤ 9:7

အဝဲသ့ၣ်တအီၣ်လၢၤဘၣ်တၢ်ညၣ်လၢအအိၣ်ဒီးတၢ်သွံၣ်လၢအပူၤ မ့ၢ်ဂ့ၤ, တၢ်အီၣ်အဂၤလၢအဘၣ်တၢ်တြီၤအီၤမ့ၢ်ဂ့ၤန့ၣ်ဘၣ်. ကယဲၢ်ပှၤလၢအအိၣ်လီၤတဲာ်တ့ၢ်န့ၣ်ကကဲထီၣ်ပှၤတနီၤလၢ ယပှၤဂီၢ်မုၢ်အကျါဒီးကမ့ၢ်ဒ်ပှၤအဒူၣ်တဒူၣ်လၢကီၢ်ယူဒၤအပူၤ အသိးန့ၣ်လီၤ. ဒီးပှၤဧ့ကြိၣ်ဖိကကဲထီၣ်ပှၤတနီၤလၢယ ပှၤဂီၢ်မုၢ်အကျါဒ်ပှၤယဘူၣ်ဖိအသိးန့ၣ်လီၤ.

လံာ်တၢ်ဂံၢ် 19:11

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါန့ၣ်ကဲထီၣ်တၢ် တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးနွံသီန့ၣ်လီၤ.

လံာ်မးသဲ 8:28

တုၤယ့ၣ်ၡူးလဲၤတုၤဝဲဆူကီၢ်ကဒါရၤလၢအအိၣ်လၢပီၣ်လဲၣ်အဝၢ် ဘးခီဒီးပှၤခံဂၤဟဲထီၣ်လၢတၢ်သွၣ်ခိၣ်အပူၤဒီးသဂၢၢ်အီၤလီၤ. ပှၤခံဂၤအံၤတၢ်နါဒိးအီၤလီၤပျံၤဒိၣ်မးတုၤဒၣ်လဲာ်ပှၤလဲၤတၢ်လၢကျဲ အဝဲန့ၣ်တဘူၣ်နီတဂၤဘၣ်.

လံာ်လူၤကၣ် 8:27

ဖဲယ့ၣ်ၡူးစံၣ်လီၤလၢထံကၢၢ်ခိၣ်န့ၣ်, အဝဲဒၣ်ဘၣ်တၢ်သဂၢၢ်အီၤလၢပှၤဝ့ၢ်ဖိဖဲန့ၣ်တဂၤ လၢတၢ်နါတဖၣ်အိၣ်လၢအလိၤန့ၣ်လီၤ. အဝဲဒၣ်တကူတသိးတၢ်လၢအလိၤန့ၣ်ယံာ်တ့ၢ်လံ, ဒီးတအိၣ်လၢဟံၣ်ဘၣ်. မ့မ့ၢ်အိၣ်ဒၣ်ဝဲဖဲတၢ်သွၣ်ခိၣ်အတၢ်ကအိပူၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

လံာ်သိၣ်လီၤသီလီၤတၢ် 14:3

တၢ်လၢယွၤဘိးဘၣ်သ့ၣ်ညါတ့ၢ်ဝဲလၢတကဆှီတမံၤလၢ်လၢ်န့ၣ်အီၣ် အီၤတဂ့ၤ.

လံာ်သိၣ်လီၤသီလီၤတၢ် 14:8

အီၣ်ထိးတဖၣ်တဂ့ၤ. တၢ်ကဘၣ်ပာ်အီၤဒ်တၢ်တကဆှီဘၣ်အသိးန့ၣ် လီၤ. အဝဲသ့ၣ်အခီၣ်မ့ၣ်တဖၣ်သ့ၣ်ဖးဘၣ်ဆၣ်တဂံာ်အဆၣ်လၢအကလိာ်ထီၣ်ဝဲ န့ၣ်ဘၣ်. ဆၣ်ဖိကီၢ်ဖိတဖၣ်အံၤအီၣ်အီၤနီတဒုမ့ၢ်ဂ့ၤထိးဘၣ်အစိၣ်တဖၣ် မ့ၢ်ဂ့ၤဒၣ်လဲာ်န့ၣ်တဂ့ၤ.

လံာ်သိၣ်လီၤသီလီၤတၢ် 18:11

လၣ်တၢၢ်လၣ်ဖွဲတဖၣ်မ့ၢ်ဂ့ၤ, ဒီးပျဲအဝဲသ့ၣ်သံကွၢ်သံဒိးတၢ် လၢပှၤသံကလၤတဖၣ်န့ၣ်တဂ့ၤ.