လံာ်ယၡါယၤ 65:24 - Sgaw Karen Common Bible

²⁴ တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ယၡါယၤ 65:24 Iomraidhean Croise

လံာ်တၢ်ကဲထီၣ်အခီၣ်ထံး 24:15

တချုးလၢအဘါထုကဖၣ်တၢ်ဝံၤဒံးဘၣ်န့ၣ်နီၢ်ရံးဘကၤဟဲ တုၤလၢထံပူၤဃုာ်ဒီးအသပၢၤထံလၢအဖံဘၣ်ခိၣ်လီၤ. နီၢ်ရံးဘကၤမ့ၢ်စီၤဘသူၤအ့လးအဖိမုၣ်န့ၣ်လီၤ. ဒီးစီၤဘသူၤအ့လးမ့ၢ်ဝဲစီၤအၤဘြၤဟၣ်အဒီပုၢ်ဝဲၢ်ခွါစီၤ နၤဃိၢ်ဒီးနီၢ်မံးလကၤအဖိခွါန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:20

အန့ၣ်ဝံၤဒီးစီၤယၡါယၤဆှၢလီၤတၢ်ကစီၣ်တမံၤတဲဘၣ်စီၤပၤ ဃံးစကံယၤလၢ, လၢတၢ်စံးဆၢစီၤပၤအတၢ်ထုကဖၣ်အဂီၢ်န့ၣ်,

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 59:1

ဆိကမိၣ်ထီၣ်လၢယွၤအံၤအဂံၢ်ဘါစၢ်ကဲၣ်ဆိးလၢကအုၣ် က့ၤခီၣ်က့ၤသုအဂီၢ်မ့ၢ်ဂ့ၤ, အနၢ်တအၢကဲာ်ဆိးတုၤဒၣ်လဲာ် ကနၢ်ဟူသုတၢ်ကိးထီၣ်လၢတၢ်မၤစၢၤအဂီၢ်မ့ၢ်ဂ့ၤန့ၣ်တဂ့ၤ.

လံာ်ဒၤနံးယ့လး 10:12

အန့ၣ်ဝံၤဒီးအဝဲစံးဘၣ်ယၤ, “စီၤဒၤနံးယ့လးဧၢ, ပျံၤတၢ်တဂ့ၤ, ကစၢ်ယွၤနၢ်ဟူတ့ၢ်လံနတၢ်ထုကဖၣ်တဖၣ်, စးထီၣ်မုၢ်တနံၤလၢ နပာ်လီၤနသးဒ်သိးနကဆီၣ်လီၤနသးလၢနကဒိးန့ၢ်ဘၣ်တၢ် သ့ၣ်ညါနၢ်ပၢၢ်န့ၣ်လီၤ. ယဟဲယဲလၢတၢ်စံးဆၢနတၢ်ထုကဖၣ် အဂီၢ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မၢ်ကူး 11:24

လၢတၢ်န့ၣ်အဃိယစံးဘၣ်သု, တုၤသုဘါထုကဖၣ်ဒီးဃ့တၢ်တမံၤ မံၤန့ၣ်, နာ်လၢသုန့ၢ်ဘၣ်လံအီၤ, ဒီးသုကန့ၢ်ဘၣ်သုဝဲလီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.